Zëvendëskryetari i PDK-së, Kadri Veseli ka vizituar fshatin Drenovc të Komunës së Malishevës. Bashkë me Veselin ishte edhe humbësi i garës për Kryetar të kësaj komune, Isni Kilaj.
Në një postim në Facebook, Veseli ka thënë se ka vizituar çerdhen e lirisë së përjetshme.
“Vizitova Drenovcin e Malishevës, fshatin e 8 dëshmorëve dhe 250 veteranëve të UÇK –së, dhe u binda edhe njëherë se këtu mes qytetarëve që krijojnë dhe prezentojnë vlera të larta – liria ka çerdhen e vet të përjetshme”, ka shkruar Veseli në Facebook.