Një person në Prizren dyshohet se është vetëplagosur në shtëpinë e tij, derisa ishte duke manovruar me një pistoletë me gaz për të cilën nuk posedonte leje.
Policia e Kosovës ka njoftuar se dyshohet se nga pakujdesi është shkrepur aksidentalisht pistoleta, ndërsa personi është duke u trajtuar në Spital.
“Njësitë relevante kanë dalë në vendin e ngjarjes dhe kanë sekuestruar pistoletën. Rasti në procedurë hetimore”, ka njoftuar Policia.
Rasti është cilësuar nga policia si vetëplagosje dhe armëmbajtje pa leje./PrizrenPress.com/