Qendra e Lëvizjes Vetëvendosje! në Therandë, ka zhvilluar të martën një aksion simbolik, duke vendosur pankarta në oborrin e Komunës së Therandës. Në to shkruheshin dështimet e kryetarit dhe qeverisjes së tij në disa vite pushtet.
Leonard Shala nga Vetëvendosje!, ka deklaruar se kryetari i Therandës, Sali Asllanaj, së bashku me drejtorët ka keq-menaxhuar me buxhetin kësaj komune dhe ka pasur një mori dështimesh.
“Ka pasur dhjetëra punësime familjare, janë bërë qindra ndërtime pa leje, ka pasur mungesë të transparencës, zero investime nga donatorët, të cilat tregojnë dështimin e kësaj qeverisje”, ka thënë ai.
Ai ka deklaruar se kryetari Asllanaj ka shpenzuar 15 mijë euro, për periudhën 9 mujore të vitit 2016 të cilën e konsiderojnë alarmante./therandapost.com/