Një qytetar nga Bllaca e Suharekës e ka informuar Policinë se në mëngjesin e sotëm i janë vjedhur dy vetura, shkruan PrizrenPress.
Një veturë BMW-X5 me targa italiane dhe një tjetër GOLF-7 me targa vendore kishin qenë të parkuara njëra në oborrin e shtëpisë, tjetra në parkingun e restorantit, pronë e familjes, kur hajnat i morrën me vete.
“Gjatë orëve të natës, të dyshuar të panjohur pasi kishin hyrë në katin e parë të shtëpisë, kishin kryer kontroll dhe kishin vjedhur ca para dhe çelësat e veturave me të cilat janë larguar në drejtim të panjohur”, njofton zëdhënësi i Policisë për Rajonin e Prizrenit, Hazir Berisha, përmes një komunikate për media.
Vlera e veturave, sipas ankuesit, është njëra 12000 dhe tjetra 27000 euro.
“Hetues policorë po punojnë për zbardhjen e rastit”, ka bërë me dije Berisha. /PrizrenPress.com/