Komisioni Qendror i Zgjedhjeve edhe për zgjedhjet e parakohshme parlamentare të 8 qershorit, u ka ofruar mundësinë të gjithë qytetarëve që për arsye të ndryshme nuk mund të votojnë në Vendvotimet e tyre, të votojnë me kusht.
Zëdhënësi i KQZ-së, Valmir Elezi ka thënë për Gazetën Blic se secila qendër e votimit e ka edhe një vendvotim të dyfishtë, ku mund të realizohet votimi me kusht.
“Votimi me kusht është mundësi ligjore. Do të thotë, këtë të drejtë mund ta shfrytëzojnë qytetarët me të drejtë vote që për arsye të ndryshme nuk mund të votojnë në vendvotimin e tyre. Çdo qendër votimi ka një vendvotim të dyfishtë ku mund të realizohet edhe votimi me kusht”, ka thënë Elezi.