Kryetarja e Komisionit Qendror të Zgjedhjeve (KQZ), Valdete Daka, ka bërë dije se procesi zgjedhor i së dielës në veri të Mitrovicës ka përfunduar pa incidente. Ajo ka thënë se të drejtën e votës e kanë shfrytëzuar 5 mijë e 890 qytetarë apo 20.72 për qind e tyre.
Votimi është zhvilluar nën masa të rrepta sigurie, ku përreth qendrave të votimit kanë qëndruar pjesëtarë të Policisë së Kosovës, EULEX-it dhe KFOR-it, ndërsa nuk është shënuar ndonjë incident.
Komandanti i KFOR-it, Salvatore Farina, ka vizituar sot në mëngjes ushtarët e KFOR-it të angazhuar për të përcjellur dhe siguruar votimet në veri të Mitrovicës.