Dy të dyshuar si autorë të vrasjes së opozitarit Boris Njemcov në Moskë, javën e shkuar, janë arrestuar këtë mëngjes në Rusi.
Lajmi është dhënë nga Drejtori i Shërbimit Federal të Sigurisë –Aleksandër Bortnjikov.
Sipas tij, dy të dyshuarit janë shtetas rusë me origjinë nga republikat autonome të Kaukazit të Veriut.
Bortnjikov nuk dha detaje për të dyshuarit, apo për motivet e mundshme të vrasjes së opozitarit të premten e javës së kaluar në qendët të Moskës. Ai tha se hetimet po vijojnë intensivisht.