Partia e udhëhequr nga Albin Kurti, Lëvizja Vetëvendosje, ka shprehur ngushëllime pas lajmit për vdekjen e aktivistit nga Prizreni, Hysni Hyseni.
Nga LV-ja kanë shkruar se Hyseni kishte qenë i angazhuar në Qendrën e Lëvizjes në Prizren, derisa, kanë bërë të ditur se ishte plagosur në demonstratat e vitit 2007, ku edhe e kishte humbur njërin sy.
“Hysniu na mësoi se kurrë nuk duhet të ndalemi në rrugën e drejtë të përbashkët edhe kur rrezikohemi individualisht. Atdhedashuria, vetëmohimi e gatishmëria për sakrificë e karakterizuan Hysniun gjatë gjithë veprimtarisë së tij. Në këto momente pikëllimi i shprehim ngushëllime familjes Hyseni, të gjithë aktivistëve, shoqeve e shokëve te Hysniut. Do ta kujtojmë me mall e do të marrim shembull nga puna e virtytet e tij”, kanë bërë të ditur nga LV-ja.
Varrimi i tij sipas një njoftimi që kanë bërë familjarët do të bëhet në orën 14:00./GazetaExpress/
/