Kreu i LSDM’së opozitare Zoran Zaev ka thënë se dy liderët e partive shqiptare Ali Ahmeti dhe Menduh Thaci nuk kanë kërkuar njërin nga postet e larta shtetërore.
Lideri i opozitës, Zoran Zaev, ka hedhur poshtë informatat se gjoja ekziston dokument në të cilin thuhet se në takimin e fundit të liderëve, Ahmeti dhe Thaçi kanë parashtruar disa kërkesa për shqiptarët mes të cilave edhe marrjen e njërit nga tre postet, presidentit, kryeministrit ose kryeparlamentarit. Duke folur për krizën politike, Zaev paralajmëroi se nga e hëna do të ketë negociata më thelbësore dhe përfshirje të drejtpërdrejtë të diplomatëve ndërkombëtarë.