Deputeti i Nismës, Zafir Berisha thotë se ‘Caritas Kosova’, ka rënë në nivelin e Klanit “Pronto”.
Sipas tij, konkursi për pranimin e mbi 60 infermierëve, ka pasur për qëllim të shndërrohet në vota. Ai thotë se ky konkurs ka qenë politik.
“Jam i befasuar me ‘Caritas Kosova’, se si ka rënë në nivelin e Klanit “Pronto”, për punësimin e njerëzve në llogari të votave”, shprehet ai.
Komuna e Prizrenit, dhe ‘Caritas Kosova’, së bashku edhe me dy institucione të tjera kanë hapur një konkurs për infermierë.
Konkursi është hapur në prag të zgjedhjeve të 11 qershorit.
Berisha, i cili në zgjedhjet e 11 qershorit është zgjedhur për të tretën herë deputet i Parlamentit të Kosovës, thotë se selitkemi i kandidatëve në këtë konkurs është bërë në baza partiake dhe të votave.
“Nepotizmi dhe militantizmi partiak po e deformon jetën profesionale ne shëndetësinë e Prizrenit”.
Berisha beson se me 22 tetor të këtij viti, qytetit të Prizrenit, do t’i kthehet krenaria.
“Prizrenit do t’i kthehet krenari me 22 tetor, sepse do ta çlirojmë nga Klani ‘Pronto’/PrizrenPress.com/