Të tjera pamje tronditëse të papublikuara më parë janë zbuluar lidhur me ngjarjet e 11 shtatorit.
Në video shfaqen momentet kur njerëzit vraponin të lemerisur mes shtëllungave të tymit, teksa kishin parë vdekjen me sy.
Pamjet janë xhiruar nga operatori i “CBS News” Mark LaGanga, pak pasi Kullat Binjake të Qendrës Botërore të Tregtisë, më 11 shtator 2001.
Në pothuajse 30 minuta të paprekura dhe të pamodifikuara LaGanga nxjerr në dritë heroizmin e zjarrfikësve dhe punonjësve të tjerë të shpëtimit.
“U shemb gjithçka poshtë, një ferr”, tregojnë personat e parë që mundi të takonte operatori në momentet e para pas shembjes së kullës së parë. Mandej vjen shembja e kullës së dytë, njerëz që i largohen operatorit, i cili qëndroi stoik deri në momentin kur u mbulua nga reja e dendur e pluhurit.
Video publikohet në një kohë kur po i afrohemi 17-vjetorit të atentateve terroriste të “Al Kaedës” në Nju-Jork, që tronditën jo vetëm SHBA-të por botën mbarë.