Ajo është e gjatë. Ajo është e bukur, ajo është Zerina Derveni. Në faqen zyrtare të Miss Universe Kanada, ajo është konsideruar si një nga 20 vajzat më të bukura të Universit.
Pak përpara zhvillimit të këtij kompeticioni bukurie, shqiptarja ashtu sikurse të gjitha bukuroshet e tjera të këtij konkursi ka dhënë një intervistë ku zbulon një pjesë të jetës së saj dhe disa të dhëna shumë interesante. Bukuroshja Zerina Derveni, e cila ngjan më shumë si latine sesa si shqiptare, tregon se edhe pse është rritur mes Shqipërisë, Kanadasë dhe Gjermanisë ka lidhje të forta me origjinën dhe vendin e saj të lindjes.
“Shekulli” ju përcjell sot një pjesë të intervistës që Zerina Derveni ka dhënë për “Miss Universe Canada” dhe bisedën e të. Ajo rrëfen për gazetën “Shekulli” se është shkodrane dhe se nuk do ta mohojë kurrë origjinën e saj edhe pse është rritur mes tri shteteve të ndryshme. Ambicia e saj më e madhe është të triumfojë në këtë edicion të Miss Universe dhe të bëhet një farë ambasadoreje ndryshe e Shqipërisë.