26.9 C
Prizren
E martë, 16 Shtator, 2025

Zgjedhja e Pirlos dhe frika e shkarkimit nga Juventusi, rrëfehet Paratici

Juventusi i surprizoi të gjithë duke zgjedhur Andrea Pirlon trajner të ri të skuadrës. 41-vjeçari nuk ka eksperiencë në pankinë, por është i sigurt fakti që bardhezinjtë do të rikthehen të zhvillojnë një futboll të bukur me të si “timonier”.

Drejtori sportiv i kampionëve të Italisë, Fabio Paratici flet rreth vendimit për të zgjedhur ish-mesfushorin e madh si zëvendësues të Sarrit dhe e mbyll me një koment për veten e tij. Shumë kritika janë bërë për merkaton, por Agnelli vendosi t’i besonte drejtuesve.

I kishim bërë vlerësimet tona në bazë të sezonit dhe jo një ndeshje teke. Zgjedhja e Pirlos ishte natyrale, një zgjedhje juventine. Andrea është një djalë që ka qenë pjesë e jona, ka luajtur këtu dhe nuk i ka shkëputur asnjëherë kontaktet me ne.

Kemi besim se është një i përzgjedhur i fatit, ashtu siç ishte edhe si futbollist. A rrezikoj shkarkimin? E kam të vështirë të mbroj veten, por Agnelli e përsëriti dje besimin kundrejt drejtuesve.

Më duket e vështirë të ndërrojë mendim pas pak orësh. Jam prej dhjetë vitesh pjesë e Juves dhe kam me të gjithë një raport që shkon përtej aspektit profesional“, thekson Paratici.

Më Shumë

Prizren: Armë pa leje në veturë, policia arreston të dyshuarin

Një aksion rutinë i Policisë së Kosovës ka rezultuar me arrestimin e një personi nën dyshimin për posedim të paautorizuar të armës. " Rreth orës...

Nënshkruhen kontratat për dhurimin e pajisjeve për përfituesit e Komunës së Prizrenit

Sot u nënshkruan kontratat për pranim-dorëzimin e pajisjeve të dhuruara për përfituesit e Komunës së Prizrenit nga Projekti Integra, i financuar nga Ministria Federale...

Lajmet e Fundit