Ambasadori i Kosovës në Shqipëri, Nait Hasani, ka ngushëlluar familjen Hoxha nga Randobrava e Prizrenit, për vdekjen e Agimit.
“E ndaj dhimbjen dhe shpreh ngushëllimet e mia familjes, të afërmeve, miqve, bashkëvendësve dhe kolektivit të shkollës !”, shkruan Hasni në Facebok, transmeton “PrizrenPress”.
Agim Hoxha humbi dje betejën me COVID-19.
Ai, me profesion ishte mësimdhënës.
Postimi i plotë i Hasanit
E dhimbshme,
Corona virusi e morri dhe një jetë sot.
E morri në moshën e re, e ndau nga jeta, në moshën 59 vjeçare, bashkëvendësin tim, edukatorin, mësuesin e historisë së popullit Shqiptar, të nxënësve të SHFMU ” Mati Logoreci ” në Prizren.
Po ashtu sonte në mbrëmje, u varros, nën masa të sigurisë së policisë së Kosovës, nën dritat e automobilave, bashkëvendësin im
Agim Arif Hoxha.
Agimi ishte djali i dytë i Arif Ramadan Hoxhës, njëri nga udhëheqësit e lëvizjes NDSH-së në rrafsh të Dukagjinit, i burgosur politik në vitet pesëdhjeta, ku ka mbajtur mbi 9 vite burg në kazamatet Serbe, për lirinë, çlirimin dhe bashkimin e Kosovës me Shqipërinë.
E ndaj dhimbjen dhe shpreh ngushëllimet e mia familjes, të afërmve, miqve, bashkëvendasëve dhe kolektivit të shkollës !
I lehtë të qoftë dheu e u prehsh në parajsë bashkëvendësi im, Agim !