Ish-futbollisti i Lirisë, Bashkim Beshi, ka vdekur sot në moshën 52-vjeçare, njofton klubi i Ligës së Parë.
Beshi vdiq mëngjesin e së dielës si gjykatës i Gjykatës Themelore të Prizrenit dhe do të varroset pasditen e sotme në Prizren, raporton Front Online.
Ai ka qenë futbollist i Progres Exportit, para se t’i bashkohej Lirisë, ku i kaloi shumë vite, dhe e fitoi edhe titullin e kampionit në vitin 1995.
Pas pensionimit, ai punoi si trajner i grupmoshave të reja, derisa një periudhë ishte edhe sekretar i KF Liria.
Së fundmi, ai ka qenë i punësuar si gjykatës në Gjykatën Themelore të Prizrenit.