Tyson Fury ka zbuluar një mënyrë të pazakontë të të stërviturit, që po i përmbahet para rimeçit të shumëpritur me Deontay Wilderin.
“Gypsy King”, 31-vjeçar, po e sfidon titullin WBC për herë të dytë kundër Deontay Wilderit më 22 shkurt, pas një barazimi kontravers në meçin e parë.
Sidoqoftë, në intervistën e fundit ai ka zbuluar diçka tejet interesante në lidhje me seancat e tij stërvitore.
“Po flisja me një luftëtar legjendar dhe ai më tha t’i fusja duart në benzinë për t’i forcuar”, tha Fury.
“Kështu që, për këtë meç, i fus çdo ditë duart në benzinë për mesë minuta dhe këtë e kam bërë për dy apo tre javët e fundit në kamp. Funksionoi me të, kështu që thashë ta provoja”, shtoi ai.
Kjo deklaratë vjen një muaj pasi Fury pranoi se masturbohet shtatë herë në ditë para rimeçit.
