Ish-drejtori i Urbanizmit në Qeverinë e kaluar të Prizrenit, Visar Islamaj, ka bërë të ditur se vendimet e përmendura nga kryetari Mytaher Haskuka janë në arkivin e drejtorisë. Sipas tij, kjo qasje tregon nivelin e ulët të vendimmarrjes në Qeverinë Haskuka, shkruan KD.
“Mua po më vjen keq nga kjo që po dëgjoj nga Mytaher Haskuka. Kjo tregon nivelin e ulët të vendimmarrjes në këtë qeverisje. Lëngimet tregojnë dhimbjet që i ke në trup e jo që i kanë të tjerët. Unë detyrën ia kam dorëzuar z. Fatmir Memajt, duke e njoftuar me projektet, përparësitë dhe vështirësitë e kësaj drejtorie. Këto vendime janë në arkivin e drejtorisë dhe unë ato s’i kam marrë me vete. Zoti Haskuka duhet te lirohet nga tymi dhe dozat e zyrave të partisë, aty është për të marrë vendime dhe jo për të lënguar”, ka deklaruar Islamaj…