-2.4 C
Prizren
E enjte, 2 Prill, 2020

Partitë, me slogane të “forta” për 3 nëntor

partite-politikeKanë mbetur edhe tri ditë deri në fillimin e fushatës parazgjedhore të zgjedhjeve lokale të 3 nëntorit. Shumica e partive politike tashmë kanë përcaktuar sloganet e tyre për zgjedhjet lokale të nëntorit.

PDK-ja në këto zgjedhje lokale sloganin orientues do ta ketë “Për Kosovën Europiane”, LDK-ja “Sot Komuna, nesër Kosova”, kurse Lëvizja Vetëvendosja “Ta ndryshojmë së bashku”. Partia e Behgjet Pacollit, AKR-ja, “Ndershëm me punë”, partia e Haradinajt, AAK-ja, ende nuk është përcaktuar për sloganin e saj, por me gjasë do ta përdorë “Aleanca për Kosovën” apo të njëjtin slogan në të gjitha komunat sikurse kandidati për Prishtinën, Besnik Tahiri, “Aleanca për Prishtinë”.

Sekretari i përgjithshëm i Partisë Demokratike të Kosovës (PDK), Basri Musmurati, ka thënë të dielën për “Epokën e re” se kjo parti sloganin orientues do ta ketë “Për Kosovën Europiane”, por slogani zyrtar, sipas tij, do të dihet ditën kur do të fillojë zyrtarisht fushata elektorale. “Sa i përket sloganit, në një farë mënyre jemi orientuar në dy apo tri slogane. Një nga orientimet është ‘Për Kosovën Europiane’. Por ditën e fillimit të fushatës, pra më 3 tetor, do të dalim me sloganin tonë zyrtar”, ka deklaruar Musmurati. E Lidhja Demokratike e Kosovës (LDK) synon fitore me sloganin “Sot Komuna, nesër Kosova”, të cilin e ka bërë publik lideri i kësaj partie, Isa Mustafa, në rrjetin e tij social “Facebook”. Ndërkohë që nënkryetari i LDK-së, Haki Rugova, ka thënë të dielën për “Epokën e re” se më 3 tetor do të zyrtarizohet slogani i kësaj partie. “Është një variant dhe mund të jetë pikërisht slogani ‘Sot Komuna, nesër Kosova”, por më 3 tetor do ta bëjmë publike sloganin e LDK-së, me të cilin synojmë t’i fitojmë shumicën e komunave të Kosovës”, është shprehur Rugova.
Ndërsa Lëvizja Vetëvendosje! për zgjedhjet lokale të 3 nëntorit do ta ketë sloganin: “Ta ndryshojmë së bashku”. Sekretari organizativ i Lëvizjes Vetëvendosje!, Dardan Molliqaj, ka thënë se ky slogan nënkupton ndryshimin e qeverisjes aktuale së bashku me qytetarët e Republikës së Kosovës. “Duke e pasur parasysh gjendjen që është zhvilluar për këto vite në Kosovë nga të gjitha qeveritë e deritanishme, kemi vendosur që slogani i Lëvizjes Vetëvendosje! të jetë ‘Ta ndryshojmë së bashku’. Kemi vendosur për këtë slogan sepse ndryshimi mund të ndodhë vetëm atëherë kur je bashkë me ata të cilët kanë interes për të bërë ndryshime”, ka theksuar Molliqaj.
Partia e Behgjet Pacollit, Aleanca Kosova e Re (AKR), sikurse në zgjedhjet e kaluara, edhe për zgjedhjet lokale të 3 nëntorit do ta ketë sloganin “Ndershëm me punë”. Zëvendëspresidentja e AKR-së, Mimoza Kusari-Lila, ka thënë të dielën për “Epokën e re” se kjo parti ka shkuar me sloganin e njëjtë pasi ka dëshmuar këtë slogan në qeverisjen qendrore. “Edhe për zgjedhjet lokale të 3 nëntorit AKR-ja ka vendosur që sloganin ta ketë ‘Ndershëm me punë’, pra të njëjtin të cilin e kemi pasur edhe në zgjedhjet e vitit 2010. Kemi vendosur kështu sepse besojmë se dinjitetshëm e kemi mbajtur këtë slogan në qeverisjen qendrore dhe do ta vazhdojmë edhe në qeverisjen lokale”, ka thënë Kusari-Lila. Kurse, Aleanca për Ardhmërinë e Kosovës (AAK) është e vetmja parti nga pesë partitë më të mëdha në Kosovë që ende nuk është përcaktuar për sloganin e saj. Nënkryetari i AAK-së, Ahmet Isufi, ka thënë të dielën për “Epokën e re” se për ta përzgjedhur sloganin më të mirë për zgjedhjet e 3 nëntorit ende nuk kanë përfunduar diskutimet brenda partisë. “Ende nuk e kemi përzgjedhur, por jemi në diskutim e sipër rreth sloganit dhe rreth elementeve të cilat do të jenë për fushatën tonë elektorale. Pra, jemi në diskutim e sipër me shtabin zgjedhor të partisë për t’u përcaktuar për sloganin më të mirë me të cilin synojmë fitoren e zgjedhjeve lokale të 3 nëntorit”, ka theksuar Isufi. Por me gjasë do ta përdorë “Aleanca për Kosovën” apo të njëjtin slogan në të gjitha komunat sikurse ka kandidati për Prishtinën, Besnik Tahiri, “Aleanca për Prishtinë”.

Përfaqësuesit e PDK-së, të LDK-së, të VV-së, të AAK-së dhe të AKR-së kanë paralajmëruar të dielën se do të zhvillojnë fushatë elektorale drejtpërdrejt me qytetarët në takime të ndryshme, por nuk i kanë përjashtuar edhe tubimet e mëdha elektorale në secilën komunë, ku para simpatizuesve dhe mbështetësve do të jetë i pranishëm lidershipi i të gjitha subjekteve politike. Shumica e këtyre partive fushatën më 3 tetor do të fillojnë nga kryeqyteti.

- Advertisement -

Më Shumë

Publikohet videoja e prodhimit të koronavirusit nga kinezët

Ish-zëvendëskryeministri dhe ish-ministri i Brendshëm i Italisë, Matteo Salvini, ka publikuar një video nga emisioni italian “Leonardo” në vitin 2015, ku thuhet se shkencëtarët...

Personat që erdhën nga jashtë në Suharekë s’kanë shenja të koronavirusit, i infektuari po shërohet

Sot bëhen gjashtë ditë prej kur në Suharekë është konfirmuar rasti i parë me koronavirus. Ky është pacienti i vetëm i infektuar me koronavirus...

IKSHP qytetarëve: Çka jeni duke bërë? a e dini se mund të shkaktoni shpërthim epidemik

Instituti Kombëtar i Shëndetësisë u ka bërë thirrje të gjithë qytetarëve që mos të grumbullohen gjatë orëve të lejuara të lëvizjes. IKSHPK-ja ka deklaruar se...

E veshur me durag, Rihanna bën histori në kopertinën e British Vogue

Rihanna bëri histori duke u bërë gruaja e parë që shfaqet në kopertinën e British Vogue e veshur me një durag si simbol të...

Theret me thikë një person në Prizren

Një person është therë me thikë në Prizren. Ai ka pësuar lëndime trupore. “Është arrestuar i dyshuari , pasi që i njëjti pas një mosmarrëveshje kishte...

Lajm i mirë: Arrijnë shtatë mijë teste për koronavirus në Kosovë

Ministri i Shëndetësisë në deryrë Arben Vitia ka njofuar se shtatë mijë teste kanë arritur sot në Institutin Kombëtar të Shëndetit Publik, të cilat...

Rrah burrin e saj në Prizren dhe largohet nga shtëpia

Dje në Prizren ka ndodhur një dhunë familjare. Në raportin 24 orësh të Policisë së Kosovës, theksohet se një grua e ka rrahur burrin e...

Pas miratimit të Pakos Emergjente Fiskale, kompania vendore vendos që vet t’ua paguaj punëtorëve detyrimet financiare

Me propozimin e Ministrisë së Financave dhe Transfereve, qeveria në detyrë ka miratuar Pakon Emergjente Fiskale për shkak të situatës së emergjencës së shëndetit...

Presidenti i Federatës Italiane të Futbollit: Serie A rikthehet në korrik dhe gusht

Presidenti i Federatës së Futbollit të Italisë (FIGC), Gabriele Gravina, e ka hedhur poshtë idenë e dështimit të këtij sezoni në Serie A, duke...

Spanja shënon 812 viktima të koronavirusit për 24 orë

Spanja e ka shënuar një ulje të vogël të numrit të vdekjeve nga koronavirusi pas disa ditëve të rekordeve të vazhdueshme. Sipas të dhënave zyrtare,...

MPBAP-ja dorëzon kallëzim penal kundër presidentit Thaçi

Ushtruesi i detyrës së ministrit të Punëve të Brendshme dhe Administratës Publike, Xhelal Sveçla, dorëzoi pranë Prokurorisë Themelore në Prishtinë, kallëzimin penal kundër presidentit...

Quni i LDK-së rikujton një amanet të Ibrahim Rugovës për Amerikën

Ministri në detyrë i Mbrojtjes, Anton Quni, ka rikujtuar një mesazh të ish-presidentit Ibrahim Rugova sa i përket Shteteve të Bashkuara të Amerikës. Ky postim...

Lul Raka bën thirrje: Rrini në shtëpi, fitorja është e sigurt

Mikrobiologu Lul Raka është shprehur se Kosova dje ka marrë një lajm fantastik. Atë të ardhjes së 7 mijë testeve të reja për koronavirusin....

Dalin pagat e punëtorëve të administratës publike

Ministria e Financave dhe Transfereve njofton se Thesari ka bërë procesimin e pagave për të gjithë ata që përfitojnë paga nga Buxheti i Kosovës,...

FSShK-ja apel Qeverisë: Merrni masa urgjente për mbrojtjen e mjekëve

Federata Sindikale e Shëndetësisë së Kosovës, pas raportimit të një infermiere me koronavirus, ka apeluar te qytetarët për kujdese të shtuar, ndërsa ka apeluar...

Arrestohet një i mitur në Prizren, nuk e respektoi orën policore

  Policia në Prizren ka arrestuar një të mitur për shkak mosrespektimit të orës policore. “Është arrestuar i dyshuari i mitur mashkull K pasi që i...

Lajmet e Fundit

SHBA, vatra e re e Coronavirusit: Spitalet e New Yorkut në kaos, pacientët shtrihen në korridore

SHBA është kthyer në vatrën kryesore të koronavirusit në botë dhe deri më tani ka regjistruar numrin më të madh të të infektuarve. Pamje...

Duda Balje kritikon Kurtin për shkarkimin e zv/ministrit Shabani, thotë se e bëri për t’u hakmarrë ndaj tyre

Nga zyra e kryeministrit thonë se ministria në fjalë ka pasur nevojë për riformatim. Pozitën që e mori dy javë më parë, iu desh që...

Abrashi: Partitë po përpiqen të uzurpojnë nga frika e rritjes së Vetëvendosjes, por zgjedhjet janë të domosdoshme

Deputeti nga Vetëvendosje, Artan Abrashi, tha se zgjedhjet janë të domosdoshme pas kalimit të krizës së pandemisë dhe se ky opsion do të jetë...

Nga e hëna asnjë i arrestuar në Suharekë për moszbatim të vendimit të Qeverisë për mbrojtje nga pandemia

Në Suharekë asnjë person nuk është arrestuar që nga e hëna e deri më sot, për shkelje të masave të Qeverisë së Kosovës për...

Pako Emergjente: Qeveria do t’i transferojë paratë në llogari të punëtorëve, jo të shefave

Këtë javë, Qeveria e Kosovës miratoi pakon emergjente përmes të cilës përfshihet mbështetja financiare për bizneset në Kosovë. Zëvendësministri i Ministrisë së Financave dhe Transfereve,...