Braziliani, Douglas Costa, thotë se ai ka menduar për pensionimin nga futbolli për shkak të lëndimeve të tij të vazhdueshme.
Braziliani ka munguar 17 ndeshje këtë edicion për liderin e kampionatit italian dhe vazhdimisht ka vuajtur me lëndimet në muskuj dhe kofshë gjatë karrierës së tij.
“Ka disa momente kur mendoj: ‘A mund të luaj sërish?”, ka thënë Costa.
“Kjo sepse hyj në fushë dhe lëndohem sërish. Pastaj, kur e shikoj në televizion, më kujtohet se ky është pasioni im dhe se unë ende mund të luaj në nivelin e lartë. Kjo më mban gjallë, e di që futbolli është i lehtë për mua. Nuk ka të bëjë asgjë me paratë apo të qenët i famshëm”, u shpreh braziliani.