Rruga Arbanas-Mamushë u ndërtua dhe u dëmtua brenda 3 muajve. Mungesa e kanaleve kulluese e dëmtoi atë, ndërsa banorët ankohen se kamionët e tonazhit të lartë ishin njëri ndër shkaktarët e dëmtimit të rrugës, ndërsa edhe ujërat atmosferikë bënë që për pak muaj rruga të dalë jashtë funksionit.

Kliko videon:https://www.facebook.com/PrizrenPress/videos/694715393046470

Rruga Arbanas-Zojz-Mamushë në Prizren, u dëmtua vetëm pak muaj pasi u shtrua me asfalt. Banorët ankohen për gjendjen aktuale të rrugës, pasi në këtë segment rrugor kalojnë udhëtarë dhe automjete të tonazhit të rëndë në disa fshatra.

“Si e kanë maru, fill kanë kalua kamionët edhe e kanë dëmtuar kamionët me pesha të rënda, sepse kjo rrugë nuk kë qenë e dëmtuar. Sa herë kamionët ikin prej gjobave këtej, me zall, me dhe, krejt ato shtëpia që prishen, që s’kanë të drejt me i gjuajt në qytet i bien këtej”, thotë Dedë Tushaj, banor.

“Menjëherë si e kanë shtrua menjëherë ka kris, pas dy apo tre muajve ka kris, hajde tre. Mamusha, Zojzi, Studenqani, Nëpërbishti, Medveci, krejt kalojnë aty pari, kjo rrugë është më e vlefshme se krejt”, thotë banori Selim Shala.

Operatori ekonomik jep arsyen se pse kjo rrugë kaq shpejt u dëmtua.

“Projekti ka qenë 4 metra me asfalt me u bë, kërkesa e banorëve ka qenë pesë metra me u bë, me u zgjerua edhe ura edhe rruga, e ka miratua autoriteti kontraktues, kur e ka miratua me ua zgjerua rrugën, pastaj nuk kanë lënë hapësirë për hapje të kanaleve sepse ju prekën pronat private, i kanë ndalu hapjen e kanaleve, tani ujërat atmosferik e kanë bë të veten, kanë hy poshtë trasesë dhe e kanë dëmtua”

Ky ishte një investim i komunës së Prizrenit, ndërsa sanimi i rrugës ka filluar dhe pritet të përfundojë shpejt, thotë drejtori i shërbimeve publike Çelë Lamaj./rtk

Kryetari i Këshillit Lokal të fshatrave Gjonaj dhe Tupec të Hasit, Herolind Osmanollaj, ka ftuar të gjithë banorët që të dërgojnë propozimet e tyre për emërtimin e rrugëve, shesheve dhe lagjeve që aktualisht janë pa emra në këto dy fshatra.

Kliko videon:https://www.facebook.com/PrizrenPress/videos/1214372230121398

Kjo thirrje vjen pas njoftimit nga Komuna e Prizrenit, përmes “Komisionit për Emërtimin e Rrugëve, Sheshëve dhe Lagjeve”, se është hapur diskutimi për përmirësimin e gabimeve të mëparshme dhe plotësimin e listës rezervë të emërtimeve në territorin e komunës.

Në këtë kuadër, më 16 maj 2025 pritet të mbahet një mbledhje me Komisionin përkatës, ku do të shqyrtohen të gjitha propozimet e ardhura nga komunitetet lokale.

“Është shumë e rëndësishme që emërtimet e hapësirave tona publike të pasqyrojnë historinë, kulturën dhe figurat që kanë dhënë kontribut për komunitetin tonë. Prandaj, ftoj çdo banor që të japë mendimin e vet dhe të propozojë emra me peshë domethënëse”, ka deklaruar Osmanollaj.

Propozimet mund të dërgohen deri më 15 maj 2025, ora 16:00, përmes Facebook-ut ose në numrin e Viber-it +383 49 202 792.

Çdo propozim duhet të shoqërohet me një biografi të shkurtër të personit për të cilin propozohet emërtimi. Biografia duhet të përmbajë emrin, mbiemrin, datëlindjen, arsimin, si dhe një përshkrim të shkurtër të veprimtarisë së tij/saj – qoftë ajo patriotike, kulturore, arsimore apo angazhim në jetën lokale.