Kosova ka marrë dritën jeshile në kërkesën për anëtarësim në Këshillin e Evropës.

Kështu ka bërë të ditur faqja zyrtare e Komisionit për Çështje Politike dhe Demokraci i Këshillit të Evropës (KiE).

Ky raport ka kaluar në Komisionin për Politikë dhe Demokraci në Asamblenë Parlamentare të Këshillit të Evropës me 31 vota për, 4 kundër e 1 abstenim.

Raporti i ish-ministres së Punëve të Jashtme të Greqisë, aktualisht raportuese për Komisionin e Çështjeve Politike të Asamblesë Parlamentare të Këshillit të Evropës thotë që Asambleja i rekomandon Komitetit të Ministrave që ta ftojnë Kosovën që të bëhet anëtare e Këshillit të Evropës.

Zëvendësministri i Punëve të Jashtme dhe Diasporës, Kreshnik Ahmeti në një postim në Facebook ka bërë të ditur se Kosova e ka kaluar suksesshëm votimin në Komitetin e Asamblesë Parlamentare të KiE.

Edhe deputeti i LDK-së, Arben Gashi që ishte komision, shkruan se “ Fitore… Hapi i parë u kry, edhe dy hapa janë dhe kryhet përfundimisht. 31 për, 4 kundër, 1 abstenim”, shkruan Gashi.

Nis shqyrtimi i raportit të Kosovës për anëtarësim në Këshill të Evropës

Ka nisur shqyrtimi i raportit për kërkesën e Kosovës për anëtarësim në Këshillin e Evropës, ka njoftuar faqja zyrtare e Komisionit për Çështje Politike dhe Demokraci i Këshillit të Evropës (KiE).

Rezultati i shqyrtimit do të bëhet i ditur në uebfaqe më vonë, ka bërë të ditur ky Komision.

E shefi i grupit parlamentar të AAK-së, Besnik Tahiri përmes një video të publikuar ka bërë të ditur se ndodhet para ndërtesës së Këshillit të Evropës në Strasburg ku pritet të votohet raporti për Kosovën.

“Janë duke ardhur deputetët, pritet që të ketë kuorum, njëkohësisht të votohet raporti dhe të procedohet në takimin e prillit”, ka thënë Tahiri.

Ai ka shtuar se Kosova është në rrugë të mirë por që duhet bërë ende punë.

“Jemi në një rrugë të mirë, por duhet ende punë”, ka thënë Tahiri në videon e publikuar në Facebook, nga Strasburg.

Kandidati i Partisë Demokratike të Kosovës (PDK) për kryeministër, Bedri Hamza, ka deklaruar se përkrahja e tij për këtë post do të jetë nga të gjitha profilet.

Hamza është zotuar se do ta përkrah arsimin, shëndetësinë, shërbyesit civil, ushtarët e Kosovës, zjarrfikësit, kategoritë e dala nga lufta e UÇK-së dhe çdo kategori shoqërore.

“Sigurisht se e dinë të gjitha këto kategori që i përmenda, që kur e them diçka e realizoj. E kalkuloj mirë, e kalkuloj saktë. Ndonjëherë doket si e madhe, por ajo ndodh. Ka ndodhur në të kaluarën dhe sigurisht se do të ndodh edhe në të ardhmen me mua kryeministër”, ka thënë Hamza.

Më tutje, ai ka thënë se do të punojë që ta ndalë migrimin e qytetarëve, duke premtuar më shumë vende pune e jetesë më të mirë në Kosovë.

Hamza ka thënë se sektori i sigurisë do ta këtë përkrahjen e tij si kryeministër.

“Institucionet do e kryejnë punën e tyre. Sektori i sigurisë do të ketë përkrahjen dhe trajtim të veçantë deri këtu Kosova ka arrit me përkrahjen e ShBA-së dhe BE-së dhe shumë vende tjera mike nga e gjithë bota dhe ne do t’i thellojmë këto bashkëpunime në baza ditore. Kosovës i duhet paqja, stabilitetit dhe njerëzit në Kosovë do të jenë të punësuar, nuk do ta kenë opsion migrimin, por jetesën në Kosovë. Programi do jetë i matshëm dhe konkret me një ekip profesional dhe punë ekipore që garanton sukses. Në këtë punë do përfaqësoj interesat e qytetarëve dhe mediet do jenë të respektuara e do ta kenë vendin e vetë. Do ia dalim synimit që e kemi”, ka thënë Hamza.

Marketing

“Eli –Edona”, mobilieria me oferta më të mira në Prizren

“Guraziu” në Prizren, me 20 vjet përvojë pune në vendosjen e dyerve, laminatit, parketit, kuzhinave dhe dhomave të fjetjes

“Adi-Plast” në Prizren, një emër i njohur në tregun e Kosovës dhe ndërkombëtar për vendosjen e dyerve dhe dritareve

Banesa në shitje nga Renelual Tahiri  

Në kuadër të takimeve me qytetarë, Prokurorinë Themelore në Prizren të mërkurën e kanë vizituar nxënësit e klasave të katërta të shkollës “Mehmet Akif” në Prizren.

Nxënësit janë mirëpritur nga dy prokuroret e Departamentit për të Mitur, Sahide Sefa dhe Merita Kurtishi – Gaka, të cilat i kanë njoftuar nxënësit për punën dhe funksionimin e prokurorisë dhe për mënyrën si trajtohen të miturit para institucioneve të drejtësisë.

Në pjesën e dytë të vizitës, nxënësit kanë pasur rastin të njoftohen nga afër me objektin e prokurorisë dhe të shohin se cilat janë shërbimet që i ofron prokuroria për qytetarët e Prizrenit.

Prokuroria Themelore në Prizren, mirëpret të gjitha vizitat me qëllim të informimit dhe edukimit të nxënësve të shkollave fillore dhe të mesme dhe të studentëve.

Marketing

“Eli –Edona”, mobilieria me oferta më të mira në Prizren

“Guraziu” në Prizren, me 20 vjet përvojë pune në vendosjen e dyerve, laminatit, parketit, kuzhinave dhe dhomave të fjetjes

“Adi-Plast” në Prizren, një emër i njohur në tregun e Kosovës dhe ndërkombëtar për vendosjen e dyerve dhe dritareve

Banesa në shitje nga Renelual Tahiri  

Kryetari i Partisë Demikratike të Kosovës, Memli Krasniqi pritet ta propozojë sot Bedri Hamzën kandidat për kryeministër të ardhshëm të Kosovës.

Kreu i PDK-së ka ftuar sot konferencë për media, ndërsa sipas burimeve të Paparacit brenda PDK-së, lideri i kësaj partie pritet që në këtë konferencë do të dalë me propozimin zyrtar që kryetari aktual i Mitrovicës, Bedri Hamza të jetë kandidati i PDK-së për kryeministër në zgjedhjet e reja parlamentare.

Konferenca do të nis në orën 15:00 dhe do të mbahet në selinë qendrore të PDK-së.

Marketing

“Eli –Edona”, mobilieria me oferta më të mira në Prizren

“Guraziu” në Prizren, me 20 vjet përvojë pune në vendosjen e dyerve, laminatit, parketit, kuzhinave dhe dhomave të fjetjes

“Adi-Plast” në Prizren, një emër i njohur në tregun e Kosovës dhe ndërkombëtar për vendosjen e dyerve dhe dritareve

Banesa në shitje nga Renelual Tahiri