Intervale më të gjata me diell pritet të kemi ditën e premtë, por se ditën kalojnë edhe vranësira.

Temperaturat në mëngjes zbresin në 2C e 4C, e ato maksimale ditën shkojnë deri në 14C e 16C, njofton Prishtina Weather.

Butë mbetet edhe përgjatë fundjavës, me më shumë vranësira. Temperaturat maksimale zbresin në 13C e 14C.

Ditën e diel po parashihen kushte edhe për të reshura shiu. Java vijuese fillon me më shumë vranësira dhe të reshura shiu kohëpaskohe. Temperatura zbresin në 10C e 11C.

Kryeministri i Kosovës, Albin Kurti është duke marrë pjesë në seancën e jashtëzakonshme të Këshillit të Sigurimit të OKB-së, e thirrur me kërkesë të Serbisë.

Fjalën Kurti e mori pas një sërë akuzash të presidentit serb ndaj Kosovës.

Kurti para të pranishmëve demantoi akuzat e Vuçiqit duke theksuar se Serbia është shtet i njohur për gjenocid e vrasje. Ai përmendi masakrën e Srebenicës e e atë të Kosovës.

“Është një ironi shumë e thellë dhe njëfarë ndjenje dystopian për këto pretendime të rrejshme për persekutime nga një vend që  është i njohur që ka kryer gjenocidin e fundit të shekullit 20 dhe pastaj kërcënimet autoritare ndaj paqes dhe sigurisë. Ky Këshill i Sigurimit ka krijuar Tribunalin e Hagës në vitin 1993 për shkak të shkeljeve të rënda dhe krimeve sipas Konventës së Gjenevës”, ka thënë Kurti para të pranishmëve, përcjell Insajderi.

“Eli –Edona”, mobilieria me oferta më të mira në Prizren

“Serbia ka urdhëruar, planifikuar dhe kryer vrasje, tortuara, gjenocid në Srebenicë dhe në Kosovë”.

I pari i ekzekutivit potencoi se Kosova doli nga lufta si simbol i luftës për dinjitet dhe triumf i të drejtave të njeriut.

“Nuk kemi qenë të trishtuar, kemi ndërtuar vetën në një shoqëri shumetnike dhe shumë-kulturore me një shtet që sheh përpara dhe është solid demokratik. Çerekshekulli pas luftës qëndrojmë krenarë si Republikë për të gjithë, shoqëri shumetnike për të gjithë”, u shpreh ai.

Kurti theksoi se BQK po bën gjithçka që serbët në territorin e Kosovës, për të mos pasur telashe pas ndalimit të dinarit.

Lidhja Demokratike e Kosovës(LDK) në Prizren ka reaguar pas dështimit të mbledhjes se Komitetit për Politikë dhe Financa.

Sipas këtij subjekti politik pushteti nuk e ka shumicën në Kuvend.

“LDK- ja vlerëson se pushteti aktual nuk e ka shumicën në Asamblenë Komunale që do garantonte funksionimin normal të punës së Asamblesë dhe rrjedhimisht refuzon të bëhet pjesë e agjendave të pushtetit aktual”,thuhet në reagimin e LDK-së.

“LDK-ja  zotohet se do jetë konstruktive dhe do ushtrojë funksionin e saj përfaqësues, vetëm për çështjet e interesit publik që prekin interesin dhe jetën e qytetarëve të Prizrenit”.

“Mirëqeverisja dhe shërbimi për qytetarët duhet të jetë udhërrëfyesi i vetëm i angazhimit dhe veprimit politik, për secilin subjekt politikë”./PP/

Kryetari i Prizrenit, Shaqir Totaj, ka mbajtur mbledhjen e rregullt me drejtorët e Ekzekutivit.

Ai adresoi të gjitha çështjet e qytetarëve te drejtorët, ku kërkoi të trajtohen ditëve në vijim.

“Eli –Edona”, mobilieria me oferta më të mira në Prizren

Komunikata

Çështjet më të rëndësishme që u diskutuan:

Së shpejti fillojnë punimet në shtrimin e rrjetit të ri të kanalizimit në rrugën “Ibrahim Rugova” (ish rruga “De Rada”) në Prizren – nga Stacioni i Autobusëve deri në objektin e Prokurorisë – projekt i KFË-së gjermane.

Riorganizimi i hapësirave për vendosjen e kioskave në gjithë territorin e Komunës së Prizrenit.

Është bërë largimi i disa konstruksioneve metalike në hapësira publike që janë shfrytëzuar pa leje ligjore.

Procesi i shpronësimit të objektit të ndërmarrjes “Liria” (pas Shtëpisë së Bardhë), ku do të bëhet rrënimi i këtij objekti, e cila hapësirë do të shfrytëzohet për zgjerimin e rrugës.

Planifikimi i procesit të zgjedhjes së kryetarëve të bashkësive lokale, me ç’rast është bërë lajmërimi në të gjitha rrjetet sociale dhe janë vendosur fletushka për orarin mbledhjeve në të gjitha fshatrat, vendbanimet dhe lagjet urbane.

Stadiumi i Zhurit është në fazën finale të punimeve dhe parashihet që në muajin qershor të bëhet përurimi i tij. Njëkohësisht, do të përfundojë dhe ndërtimi i kullës së heroit kombëtar Remzi Ademaj në Zhur.

Është mbajtur një ligjëratë për kancerin e qafës së mitrës, me mjekët dhe infermierët e QKMF-së.

Vazhdimi i punës së komisionit përkatës për verifikimin e pajisjeve bujqësore në terren.

Përgatitjet për festën e Pavarësisë së Kosovës më 17 Shkurt.

Banesa në shitje nga Renelual Tahiri  

Mbledhja e sotme e Komitetit për Politikë dhe Financa e Kuvendit të Prizrenit, e thirrur nga kryesuesja, Antigona Berisha- Bytyçi, është mbyllur ende pa filluar, pasi anëtarët e këtij Komiteti nga radhët e LVV dhe LDK janë larguar nga salla.

Pas largimit, anëtari i këtij organi nga radhët e LDK, Florent Ukaj, tha se “arsyeja e braktisjes së mbledhjes së sotme, ishte fakti se për shqyrtim dhe miratim kishim pikat e rendit të ditës së mbledhjes së fundit të Kuvendit, e cila nuk u mbajt dhe për arsye të arrogancës që po shfaq pushteti”.

Në anën tjetër, kryesuesja e Kuvendit, Antigona Berisha- Bytyçi, tha se braktisja e mbledhjes nga opozita nuk është gjë e mirë dhe se anëtarët e Komitetit është dashur që ta mbajnë atë.

Ajo më tej tha se, nuk duhet të ndodhë bllokimi i punës së organit më të lartë legjislativ komunal, për shkak të rëndësisë që ka ai në vendimmarje komunale. TV Prizreni