1.8 C
Prizren
E hënë, 4 Mars, 2024

Vdekja e doktor Sherif Krasniqit humbje e madhe për shëndetësinë e Prizrenit

Të enjten është mbajtur akademi përkujtimore nga Spitali i Prizrenit, kushtuar mjekut dhe veteranit të UÇK-së, Sherif Krasniqi. Pjesë e kësaj akademie të organizuar në amfiteatrin e UPZ “ UKshin Hoti”, ishin familjarë të mjekut të ndjerë, Sherif Krasniqi, përfaqëëues të shoqatave të dala nga lufta, kolegë e drejtues të Spitalit të Përgjithshëm të Prizrenit dhe të pranishëm të tjerë.

Drejtoresha e institucionit më të lartë shëndetësor në Prizren, Narqize Arënliu- Hoxha, tha se ndarja nga jeta e dr. Krasniqit, është një humbje e madhe për të gjithë ne, sepse humbëm një personalitet me virtyte të larta njerëzore, kombëtare e profesionale. Ajo tregoi se ditën e fundit të punës në spital, dr. Krasniqi kishte patur shumë angazhime deri sa nuk e godit nga sëmundja e cila për fat të keq ishte fatale për atë.

Sekretari i degës së OVL të UÇK në Prizren, Isa Berisha, dhe ish komandanti, Zafir Berisha, vlerësuan lartë figurën e dr. Krasniqit, mjekut që nuk kurseu asgjë nga vetja për lirinë e Kosovës.

Kolegët, Eqerem Shala dhe Afrim Arzoallxhiu, thanë se dr. Sherif Krasniqi, përveç se ishte një bashkëpunëtor i shkëlqyer dhe i respektuar, ai gjithmonë prioritet kishte shërbimin ndaj pacientëve.

Ndërsa në fund, djali Valoni, ka falënderuar organizatorët dhe pjesëmarrësit, si dhe kolegët e babait të tij, që u përkujdesen maksimalisht për të ofruar tretman shëndetësor deri në momentet e fundit të jetës së tij.

Ndryshe, dr. Sherif Krasniqi, ishte punësuar në Spitalin e Prizrenit në vitin 1999, pas një kontributi të madh që kishte dhënë në luftën e Kosovës, duke vijuar më pas edhe në shërimin e të plagosurve gjatë luftës së shqiptarëve në Maqedoninë e Veriut. Ai ndërroi jetë në moshën 61 vjeçare, dhe u varros ditën e martë me nderime ushtarake dhe qytetare në varrezat e dëshmorëve në Landovicë.                /TV Prizreni /

Më Shumë

Prizren/ Shtylla e tensionit të lartë në rrugë rrezikon pjesëmarrësit në trafik

Në rrugën transit në Prizren nuk po hiqet një shtyllë e rrymës. P Premtimet për largimin e saj ishin të shpejta, por jo edhe zhvendosja...

Basketbollisti i Bashkimit rikthehet në sallë, gjendja e tij është stabile (foto)

Basketbollisti i Bashkimit të Prizrenit, Terrance Ferguson është në gjendje të mirë, raporton Gazeta Enigma. Gjatë ndeshjes Bashkimi – Goldean Eagle Ylli basketbollitit të Bashkimit...

Lajmet e Fundit