Në mbledhjen e saj të 172-të, Qeveria e Kosovës ka ndryshuar programin legjislativ për vitin 2023. Ajo ka bartur për vitin tjetër 21 projektligje të planifikuara për këtë vit, ka tërhequr një projektligj për këtë vit si dhe u ka ndryshuar afatin e miratimit 20 projektligjeve, përderisa ka shtuar edhe dy projektligje për miratim.

Në mesin e projektligjeve të bartura është edhe ai i Kodit Civil të Kosovës. Në fjalën e tij, kryeministri i Kosovës Albin Kurti nuk përmendi ndonjë arsyetim të qartë se cilat janë shkaqet e shtyrjes së miratimit të Kodit Civil. Ai tha se për shkak të planifikimit më të mirë duhet shqyrtuar dhe miratuar vitin e ardhshëm 21 projektligjet e shtyra, raporton “Betimi për Drejtësi”.

“Ky vit ashtu si edhe ai paraprak ka shënuar miratimin e një numri rekord projektligjesh pasi që pothuajse çdo fushë e menagjuar nga autoriteti qendror ishte në nevojë të inicimit të reformës që do të siguronte zhvillim dhe mbarësi si për qytetarin e republikës ashtu edhe për institucionet shtetërore”, tha Kurti.

Për herë të parë, Kodi Civil ishte proceduar për miratim në vitin 2022 por që ai nuk ishte miratuar nga ana e Kuvendit të Kosovës me 16 mars 2022. Përkundër sigurimit të kuorumit për këtë projektligj, ai kishte marrë vetëm 28 vota për, ndërsa 29 kundër dhe 4 abstenime. Në seancë ishin të pranishëm edhe 16 deputetë të pranishëm por ata nuk morën pjesë fare në votim. Në procesin e votimit nuk kishte marrë pjesë deputetët e opozitës.

Projektligji ishte kundërshtuar kryesisht nga disa deputetë të grupit parlamentar të Lëvizjes Vetëvendosje. Disa prej tyre kishin përmendur edhe gjuhë jo të përshtatshme, gjuhë të cilën e kishte kritikuar në po të njëjtën seancë edhe kryetari i Kuvendit, Glauk Konjufca.

Pasi që nuk kishte kaluar projektligji, shtatë muaj më pas, Ministrja e Drejtësisë, Albulena Haxhiu kishte thënë se shumë shpejt do të ri-procedohet për votim në Kuvendin, Projekt Kodi Civil. Sipas saj, kësaj radhe ky kod do të kalojë.

“Projektkodin Civil shumë shpejt do ta procedojmë në Kuvend, dhe kësaj radhe do të kalojë në Kuvend sepse është një dokument i rëndësishëm”, kishte thënë Haxhiu.

Edhe shefja e Grupit Parlamentar të Lëvizjes Vetëvendosje, Mimoza Kusari-Lila, duke folur për sesionin pranveror të Kuvendit për vitin 2022 kishte thënë se Kodi Civil do të trajtohen në sesionin vjeshtor (2022) të Kuvendit të Kosovës.

Përkundër shpejtësisë së premtuar, Projektkodi Civil ishte planifikuar të miratohej në Qeveri me 30 qershor 2023, por i njëjti nuk ishte miratuar sipas planifikimeve.

Në mbledhjen e mbajtur me 8 nëntor 2023, Qeveria ndryshoi programin legjislativ për këtë vit me ç’rast hoqi nga planifikimi i miratimit këtë projektkod.

Projekt Kodin Civil e kishte përkrahur Ambasadori Amerikan Jeffrey Hovenier, sipas të cilit ky kod është i nevojshëm sepse Kosova ka nevojë për kod të shekullit XXI.

Në lidhje me hezitimin e deputetëve për ta miratuar këtë kod, në një intervistë për emisionin “Tempus”, Lisa A. Johnson, Zëvendës Ndihmës Sekretare e Shtetit për Çështjet Ndërkombëtare të Narkotikëve dhe Zbatimit të Ligjit kishte thënë se Kushtetuta e Kosovës anon për çështjen e martesave të të njëjtës gjini.

Mbrojtja e Kadri Veselit ka kundërshtuar fort pretendimet e prokurorisë rreth bisedave të përgjuara në Qendrën e Paraburgimit në Hagë, duke thënë se bisedat e Veselit janë paraqitur në mënyrë të shtrembëruar nga ana e prokurorisë, bazohen në supozime, thashetheme dhe deklarata mashtruese.

Avokati i Veselit, Ben Emmerson në shkresën që kundërshton fort përgjimet e prokurorisë, ka theksuar se shumë nga bisedat nuk janë paraqitur para trupit gjykues dhe janë interpretuar krejtësisht gabimisht në dëm të Kadri Veselit.

Banesa në shitje nga Renelual Tahiri  

“ZPS-ja pretendon se [REDAKTUAR] ishte i përfshirë në përpjekjet për të ndërhyrë në dëshminë e [REDAKTUAR]. Për ta lidhur këtë me z. Veseli, ZPS-ja thekson se [REDAKTUAR] e vizitoi z. Veseli në [REDAKTUAR] 2022 dhe [REDAKTUAR] 2023. Nuk përmendet se kur z. Veseli u takua me më [REDAKTUAR] 2023, në mënyrë eksplicite i tha [REDAKTUAR] të mos bisedojë me asnjë person të lidhur me këto procedura ose të përpiqet të ndikojë në dëshminë e ndonjë dëshmitari në këtë rast”

“Ky është një shembull tjetër dhe flagrant i përpjekjes së pakujdesshme të ZPS-së për të paraqitur një pamje mashtruese para Trupit Gjykues. Ky pasazh duhej të ishte përfshirë në kërkesën e ZPS-së për të paraqitur provat para Trupit Gjykues” Mbrojtja thekson se nëse nuk ata do t’i kishin kushtuar shumë orë dëgjimit të këtij grumbulli të madh të audio regjistrimesh, nuk do të dilnin në dritë prova bindëse që kundërshtojnë parashtresa parësore të ZPS-së. “Fakti që SPO-ja e ka varrosur këtë provë mes orëve të pa transkriptuar duhet të jetë shumë shqetësuese për Trupin Gjykues”, thotë mbrojtja, dhe citon bisedën e Veselit kur kërkon që të mos bisedohet me asnjë që pretendon se është dëshmitarë.

“Eli –Edona”, mobilieria me oferta më të mira në Prizren

“ [RIDAKTUAR]: U takuam [RIDAKTUAR]; piu një kafe me të, [e pakuptueshme] K.V: Ja, mirë që kemi [REDAKTUAR] edhe këtu. Ju jeni një person i jashtëzakonshëm dhe ju nuk keni frikë, por vetëm më dëgjoni, mbani sa më shumë distancë. (Duke folur mbi njëri-tjetrin) KV: Mos u shqetëso fare. […] Qëndroni larg kësaj sepse mund të na lëndoni; ju mund të na bëni më shumë dëm sesa mirë. [REDAKTUAR], nuk mund të na lëndojnë, nuk kemi probleme. Në 300 persona që kanë mbetur, asnjëri prej tyre nuk mund të shkaktojë dëm. Ata mund të gënjejnë, Zoti do të merret me ta, ata mund të gënjejnë çfarë të duan, por mos u shqetësoni fare, sepse ata pastaj mund ta përdorin këtë, për të na bërë të dukemi keq. Ndërsa ata njerëz janë dinak, ata mund ta bëjnë këtë, vetëm për të fituar një lloj statusi atje, për të bërë diçka, ata e bëjnë të duket sikur ishte tmerr. Le të jetë ashtu siç është! Nuk është një gjë e mirë për të bërë. Mbani distancë! Edhe nëse keni dëgjuar ndonjëherë për dikë që do të vijë të dëshmojë këtu; edhe nëse dikush vjen dhe ju thotë “Unë jam [dëshmitar]”, ju thjesht mund t’i thoni “thuaj të vërtetën”, “vetëm mos gënje”, thjesht mos gënje. Nuk ka nevojë të flasësh; ne nuk kemi nevojë për asgjë, vetëm të mos gënjejnë. Nëse nuk gënjejnë, do të jemi mirë, sepse realiteti i UÇK-së është i tillë. Kjo është. Nuk ka nevojë të bëhet asgjë”.

Sipas mbrojtjes, mesazhi i qartë i Veselit është se dëshmitarët nuk duhet të kontaktohen dhe nëse ndodh kontakt i paqëllimtë, mund t’u thuhet ta thonë të vërtetën dhe asgjë më shumë.

“Ky mesazh është shembullor. Është jashtëzakonisht domethënëse që kjo ishte një bisedë private për të cilën z. Veseli nuk e dinte se ishte duke u përgjuar. Është shumë shqetësuese që ZPS-ja mund ta kishte dëgjuar këtë pasazh, dështoi ta paraqiste atë para Trupit Gjykues, dhe prapëseprapë pretendoi se z. Veseli në njëfarë mënyre komplotoi me [REDAKTUAR] për të frikësuar dëshmitarët mbi prova dhe nënkuptime thjesht rrethanore. Bisedat e z. Veseli me [REDAKTUAR] përbëjnë një urdhër të shprehur qartë kundër çdo përpjekjeje nga dikush jashtë procesit ligjor për t’iu afruar një dëshmitari në çfarëdo rrethane”, shkruan mbrojtja.

Emmerson thekson se faktet janë të qarta. Sipas tij, nuk ka asnjë provë mbi të cilën Trupi Gjykues mund të konkludojë se Veseli ka tentuar të pengojë apo ndërhyjë në këtë procedurë.

Përkundrazi, sipas tyre, bisedat private të Veselit zbulojnë përpjekjet e tij të vazhdueshme për të parandaluar kontaktin e dëshmitarëve dhe për të inkurajuar dëshmitarët që të dalin përpara dhe të thonë të vërtetën.

“Shumë nga deklaratat e bëra në kërkesë (te prokurorise) janë mashtruese, tendencioze dhe përfshijnë spekulime të palejueshme. Ato nuk janë as të specifikuara në mënyrë adekuate dhe as të vërtetuara në asnjë mënyrë nga provat e ofruara dhe të zbuluara nga ZPS”.

“Pranimi i kërkesës së SPO-së – në veçanti, ndalimi i tij nga çdo vizitë personale me familjen e tij të ngushtë deri në fund të këtyre procedurave do të shkaktonte dëme të panevojshme psikologjike dhe do të dëmtonte kapacitetet e tij për të përgatitur mbrojtjen për të mirën e tij. Vendosja e një regjimi tepër të kufizuar, në izolim virtual në bazë të materialit të ofruar nga Prokuroria do të ishte irracionale, e padrejtë dhe arbitrare”, shkruan mbrojtja.

Asociation “Loyola-Gymnasium” shpall konkurs për një mësimdhënës/e të lëndës së matematikës