Kuvendi i Kosovës sot do të mbajë seancë të re plenare.
Në rend të ditës në këtë seancë janë pyetjet parlamentare të deputetëve për kabinetin qeveritar.
Kujtojmë se dje, kuvendi mbajti seancë ku u diskutua për Raportin e Progresit të Komisionit Evropian për Kosovën.
Gjatë seancës së djeshme pati përplasje të ashpra mes deputetëve të pozitës e opozitës.
Instituti Hidrometeorologjik i Kosovës ka bërë të ditur se gjatë ditës parashihet të jetë mot i vranët dhe vende-vende me riga shiu.
Sipas IHMK-së, sot parashihet të jetë dita më e nxehtë e kësaj jave, ku temperaturat pritet të shkojnë deri në 10 gradë Celsius.
“Temperaturat minimale do të lëvizin ndërmjet 0-2 gradë Celsius, ndërsa maksimalet e ditës parashihen të lëvizin ndërmjet 6-10 gradë Celsius”, thuhet në njoftimin e IHMK-së, transmeton Klankosova.tv.
Qyteti me temperaturën më të ulët do të jetë Dragashi, me 0 gradë Celsius, ndërsa maksimalet e ditës parashihen të shënohen në Prizren dhe Pejë me nga 10 gradë Celsius.
Shkruan: Berat Luzha
Krahina etno-gjeografike e Hasit, e quajtur ndryshe edhe si Hasi i Thatë, shtrihet rreth malit të Pashtrikut. Kufizohet me lumenjtë Drini i Bardhë e Ereniku dhe ndodhet mes krahinave të Malësisë së Gjakovës dhe Lumës. Në mes të krahinës ngrihet madhështor mali i Pashtrikut.
Krahina e Hasit është zonë e banuar shumë herët. Hasjanët janë pasardhës të fisit ilir të pirustëve. Janë zbuluar shpella të banuara, tuma ilire, kulla të vjetra, kështjella mesjetare, duke përfshirë edhe kështjellën e Lekë Dukagjinit. Emri Has përmendet për herë të parë në një dokument të vitit 1570.
Në Lidhjen Shqiptare të Prizerenit Hasi mori pjesë me shumë përfaqësues e luftëtarë të shquar. Hasjanët janë shquar sidomos në aksionin kryengritës në Gjakovë, më 6 shtator 1878, kur u rrethua dhe u vra Mehmet Ali Pasha. Ata luftuam e morën pjesë edhe në luftën për mbrojtjen e Plavës e Gucisë, në Lidhjen e Pejës etj.
Fati i keq e deshi që njësia apo krahina gjeografike dhe etnografike e Hasit të ndahet padrejtësisht në vitin 1913 në dy pjesë të barabarta; njëra pjesë mbeti brenda kufirit të shtetit shqiptar dhe pjesa tjetër iu dha shtetit fqinj grabitqar, Serbo-Jugosllavisë. Ndarja nuk ishte vetëm izolim i Hasit, por edhe ndarje ekonomike, kulturore, shpirtërore, etnografike.
Në vitin 1921 Kruma është shpallur qendër e Prefekturës së Kosovës (Drinit), që përfshinte Hasin, Lumën dhe Malësinë e Gjakovës. Aty ka filluar Revolucioni i Qershorit, kur forcat e komanduara nga Bajram Curri, më 25 maj 1924, pushtuan komandën e xhandarmërisë dhe prefekturën në Krumë, pastaj kaluan në Lumë, Lurë, Dibër, Mat dhe hynë, më 10 qershor 1924, si fitimtarë në Tiranë. Pas rënies së Revolucionit, në dhjetor 1924, regjimi zogist iu hakmor popullit të Hasit; vari në litar në Krumë dy dhe burgosi 40 kryengritës, si dhe e hoqi Prefekturën nga Kruma, duke e vendosur në Bicaj të Lumës e më vonë në Kukës.
Tërë krahina e Hasit ka gjithsej 745 km2 dhe rreth 55 mijë banorë. Në pjesën e Hasit në Shqipëri kanë mbetur 374 km2 me 17 mijë banorë dhe, në anën tjetër të kufirit, kanë mbetur 371 km2 me rreth 40 mijë banorë. Rrethi i Hasit, me 30 fshatra dhe një qytezë, është njëri ndër 36 rrethet dhe njëra ndër 61 bashkitë e R. së Shqipërisë. Ndërsa fshatrat e Hasit në R. e Kosovës nuk kanë mundur ta formojnë një qendër të veten administrative, por kanë hyrë në përbërje të komunave Prizeren e Gjakovë. Të kujtojmë se tërë Hasi, në të dy anët e kufirit, është rajoni më i pazhvilluar, me pak tokë bujqësore dhe me pak pasuri ujore. Mirëpo, hasjanët janë punëtorë të vyeshëm dhe kryesisht janë marrë e merren edhe sot me mjeshtërinë e bukëpjekësit, të shpërndarë gjithandej Kosovës dhe në shumë shtete të rajonit.
Hasi identifikohet me kulturën, traditat dhe zakonet e veçanta, me të folmen lokale, me veshjet karakteristike, me këngët dhe vallet popullore. Kostumi unik i grave të Hasit në Kosovë është autentike, origjinale dhe artistike, e ndryshme nga veshjet në zonat tjera.
Edhe pse Hasi është krahinë me shtim të lartë natyror, për shkak të kushteve të rënda të jetesës, të mungesës së investimeve dhe të shpërnguljeve të mëdha, numri i popullsisë viteve të fundit ka rënie drastike, duke lënë fshatra dhe zona të tëra të pabanuara apo me shumë pak banorë.
Që nga viti 1916 në Has (brenda kufirit) u krijua qendra administrative e Krumës me 32 fshatra, ndërsa Hasi (tej kufirit) me 38 fshatra nuk arriti të krijojë një qendër të veten, por fshatrat e tij i përkasin dy komunave të mëdha; Gjakovës (22 fshatra) dhe Prizerenit (16 fshatra).
Relievi i krahinës së Hasit është kryesisht kodrinor – malor, me kontraste të mëdha. Ndodhet në lartësinë mbidetare prej 268 m (liqeni i Fierzës) deri 1989 m (maja e Pashtrikut). Kjo krahinë përbëhet nga sipërfaqe pyjore, sipërfaqe të zhveshura, sipërfaqe të punuara, kullota e livadhe dhe sipërfaqe urbane. Në brendësi të krahinës nuk ka lumenj, por ka një rrjet përrenjsh, që kryesisht furnizohen nga reshjet e shiut dhe të borës. Pas çlirimit e deri në vitin 1990 në Has është ndërtuar një rrjet kanalesh ujitëse dhe janë krijuar 24 rezervuare që ujitnin rreth 23 për qind e tokës bujqësore. Pas viteve ‘90-ta sistemi i ujitjes është dëmtuar dhe tash nuk funksionon. Hasi ka pak tokë të punueshme, por ka kushte e mundësi për zhvillimin e blegtorisë, pylltarisë, pemëtarisë e turizmit.
Rrethi i Hasit është i pasur me minerale, veçanërisht me mineralin e kromit, me mineralin e bakrit dhe me mineralin e ferro-nikelit. Deri në vitet 90-ta kanë punuar disa miniera të vogla dhe fabrika e pasurimit të bakrit në Golaj, ku kanë punuar mbi 3000 punëtorë.
Në Has ka mundësi të zhvillimit të turizmit ujor, kulturor, gastronomik etj. Në zonë ndodhen 30 monumente të mbrojtura natyrore, duke përfshirë edhe “Vorrin e mirë” në majën e Pashtrikut, ku zhvillohet pelegrinazh. Në malin e Pashtrikut gjenden disa shpella karstike ende të pa hulumtuara. Pastaj janë burimet e gurrat, pishat shekullore etj.
Hasi ka klimë të përzier mesdhetare dhe kontinentale. Reshjet atmosferike në këtë pjesë të Atdheut janë më të pakta se mesatarja e vendit. Qysh në vitin 1969 në Krumë ishte ngritur stacioni meteorologjik, që merrej me matjen dhe studimin e temperaturës në atmosferë dhe në thellësi të tokës.
Hasin e bashkon me Kosovën tradita, e folmja lokale, zakonet e doket. Kjo krahinë, e lidhur ngushtë me Kosovën, e ka përkrahur, e ka ndihmuar dhe e ka mbështetur luftën çlirimtare të UÇK-së, veçanërisht me furnizim me armë e municion, si dhe me përgatitje e pjesëmarrje të luftëtarëve në luftën çlirimtare. Gjithashtu, Hasi (R. e Shqipërisë) ishte një strehë e të dëbuarve nga forcat serbe gjatë luftës çlirimtare në vitin 1999. Nga Hasi (R. e Shqipërisë) për lirinë e Kosovës kanë rënë 14 dëshmorë, ndërsa nga Hasi (R. e Kosovës) kanë rënë 52 dëshmorë. Gjatë pranverës së vitit 1999 Hasi kishte më shumë popullsi të dëbuar nga Kosova se sa popullsi vendore. Mbi 20 mijë kosovarë janë strehuar nëpër familjet hasjane dhe një pjesë e vogël në strehimoret kolektive.
Në Has kanë lindur apo kanë jetuar e vepruar, kanë gjetur strehë e mikpritje luftëtarë të shumtë kombëtarë. Disa kronistë, studiues e historianë e tregojnë Hasin si vendin e origjinës së Kastriotëve. Nga treva e Hasit janë Pal Hasi, Pjetër Bogdani, Pjetër Mazreku, Shtjefën Gjeçovi etj. Bajram Curri ka jetuar e vepruar edhe në Has, kur kishte ndikuar të formohej Prefektura e Kosovës, me seli në Krumë, prefekt i të cilës ishte sekretari i Bajram Currit, Tahir Zajmi, nga Gjakova. Pas vetëvrasjes së tribunit Bajram Curri, populli i Hasit e barti trupin e tij nga Dragobia dhe e varrosi me nderime të larta në Krumë.
Në vitin 1922 Bajram Curri i kishte kërkuar Ministrisë së Arsimit të hapte shkolla në Has e Lumë dhe atë është hapur shkolla e parë në Krumë. Një vit më vonë në Krumë është krijuar shoqëria arsimore “Shkëlzeni”, e cila luftonte analfabetizmin dhe përhapte arsimin, kulturën dhe historinë kombëtare. Në internatin “Kosova” të Krumës mësuan shumë të rinj nga Gjakova, Malësia e Gjakovës, Luma e Hasi. Në Zym mbahen “Takimet e Gjeçovit” ndërsa në Gjonaj organizohet festivali “Hasi jehon”.
Hasi, për të tjerët, përherë ishte Has i ndarë, i thatë, i largët, i varfër… Edhe sot Hasi është një Has i thatë e i varfër, një Has i shpërnguljeve të mëdha, një Has i qetësisë dhe i njerëzve të paktë. Hasi është Has i ëndrrave, ku djemtë adoleshentë ëndërrojnë si të ikin një ditë rrugëve të pafund për të mbërri Londrën e largët.
Tashmë është arrestuar edhe personi që dyshohet se ka blerë arin e vjedhur nga grabitësit në argjendarinë në Suharekë.
Asociation “Loyola-Gymnasium” shpall konkurs për një mësimdhënës/e të lëndës së matematikës
Policia e Kosovës ka thënë se të enjten e ka neutralizuar një të dyshuar për grabitjen e argjendarisë në Suharekë dhe se ka shkuar në shtatë numri i të arrestuarve për këtë rast.
Në një njoftim për media, policia tha se zyrtarët policorë janë detyruar që në vetmbrojtje të përdorin forcën proporcionale, me ç’rast kanë neutralizuar të dyshuarin gjatë një operacioni policor në Prishtinë.
Operacioni, përpos në Prishtinë, është zhvilluar edhe në dy lokacione të tjera: në Fushë Kosovë dhe në Carralevë.
Shtatë lokacione të ndryshme janë bastisur gjatë operacionit policor, tha policia.
“Deri më tani numri i të arrestuarve ka shkuar në shtatë persona, një i neutralizuar dhe një tjetër ende gjendet në kërkim policor”, tha policia.
Asociation “Loyola-Gymnasium” shpall konkurs për një mësimdhënës/e të lëndës së matematikës
Njoftimi i plotë i policisë:
Lidhur me rastin e grabitjes së armatosur të ndodhur me datën 22.11.2023 në Suharekë, ku të dyshuarit gjatë grabitjes kanë shtënë me armë zjarri në drejtim të zyrtarëve policorë, Policia e Kosovës, në bashkëpunim dhe koordinim me Prokurorinë Themelore në Prizren, ka vazhduar hetimet intensive, me qëllim të zbardhjes së rastit dhe sjelljes para organeve të drejtësisë së personave të dyshuar.
Si rezultat i hetimeve të pandërprera fillimisht ishin arrestuar tre persona të dyshuar për ndihmë në kryerje të veprës penale të grabitjes, përderisa hetimet drejt identifikimit dhe ndriçimit të rastit kanë vazhduar deri më sot, kur edhe është realizuar operacioni policor.
Pas hetimeve intensive dhe mbledhjes së dëshmive, sot në Prishtinë, Fushë Kosovë dhe Carralevë është realizuar operacioni policor i cili ka përfshirë kontrollin në shtatë lokacione të ndryshme, me qëllim të identifikimit dhe arrestimit të personave të dyshuar.
Gjatë zhvillimit të operacionit policor, një i dyshuar ka shtënë me armë zjarri në drejtim të zyrtarëve policorë duke ua rrezikuar drejtpërdrejt jetën e tyre, me ç’rast është plagosur një zyrtar policor. Zyrtarët policorë në vetëmbrojtje janë detyruar të përdorin forcën proporcionale, duke arritur të neutralizojnë një të dyshuar, përderisa katër të dyshuar të tjerë janë arrestuar. Deri më tani numri i të arrestuarve ka shkuar në shtatë persona, një i neutralizuar dhe një tjetër ende gjendet në kërkim policor.
Zyrtarit policor i është ofruar ndihma mjekësore në SHSKUK, ku sipas informatave të para nga mjekët kompetentë i njëjti është jashtë rrezikut për jetë.
Vlen të potencohet se personat e dyshuar kanë të kaluar kriminale me dyshimet e bazuara për përfshirje në vepra penale si: vrasje, grabitje, vjedhje e rëndë, sulm, kanosje, lëndim trupor, detyrim, armëmbajtje pa leje etj.
Të gjitha veprimet e mëtejme policore do të ndërmerren në bashkëpunim dhe koordinim me prokurorinë kompetente.
Një i vdekur, një i plagosur e dy të arrestuar është bilanci i operacionit të sotëm policor për rastin e grabitjes së armatosur në Suharekë.
Asociation “Loyola-Gymnasium” shpall konkurs për një mësimdhënës/e të lëndës së matematikës
Paparaci nga burimet e veta mëson se është vrarë grabitësi i argjendarisë ndërsa një polic është plagosur por që ndodhet jashtë rrezikut për jetë.
Ndërkaq, policia ka arrestuar të dyshuarit tjerë për përfshirje në grabitjen e armatosur në Suharekë, Bujar Basha dhe Leutrim Cakolli.
Bujar Basha (1981) nga Prizreni ka qenë i burgosur në Dubravë për shkak të një vjedhjeje që e ka kryer menjëherë pas luftës në Kosovë.
Ai është konsideruar si i rrezikshëm e disa herë ka ikur nga burgjet e Kosovës e nuk është kthyer më.
Në arrati ai kishte kryer një rast tjetër grabitjeje në një argjendari në Drenas, me ç’rast kishin mbetur të plagosur dhe dy policë.
Pasi ishte kapur, në nëntor 2009, atij i është shqiptuar dënimi i unisuar me gjithsej 14 vjet e dhjetë muaj./Paparaci
Gjatë një operacioni policor, policia ka neutralizuar njërin nga grabitësit e argjendarisë në Suharekë, me ç’rast i njëjti ka mbetur i vrarë.
Po ashtu dyshohet se gjatë aksionit është plagosur edhe një zyrtar i Policisë së Kosovës, i cili është jashtë rrezikut për jetë.
Personi që dyshohet se ka mbetur i vrarë është me inicialet D.G.
Ndërkaq, policia ka arrestuar edhe dy persona të tjerë nën dyshimin se janë përfshirë në këtë grabitjen të armatosur.
Më 22 nëntor ka ndodhur një plaçkitje e armatosur në një argjendari në qytetin e Suharekës. Në tentativën për ta parandaluar plaçkitjen, është plagosur një polic i Kosovës në këmbë.
Nga ky incident, përveç një polici të plagosur, kishte mbetur edhe një tjetër i lënduar.
Gjykata e Prizrenit ka vendosur një muaj paraburgim për dy të akuzuarit në lidhje me grabitjen e një argjendari në Suharekë.
Të dy të akuzuarit, Albin Beqiri dhe Fatmir Tahiri, akuzohen për ndihmë në kryerjen e grabitjes së armatosur. Prokuroria ka kërkuar masën e paraburgimit gjatë një seance paraprake në Gjykatën e Prizrenit, ndërsa të akuzuarit janë dërguar në Burgun e Sigurisë së Lartë në Dyz./RTV Dukagjini
Asociation “Loyola-Gymnasium” shpall konkurs për një mësimdhënës/e të lëndës së matematikës
Era Istrefi është padyshim ndër emrat më të përfolur në media rozë.
Së fundmi, artistja ka sjell disa fotografi të bukura për ndjekësit.
Nga: Bajram Mjeku
Sa herë shënojmë 28 Nëntorin, ditën e madhe kur në Vlorë u shpall Shqipnia e pavarur, na kujtohen edhe shtrembërimet e mëdha të historisë shqiptare, që vazhdojnë të ndodhin edhe sot. Më keq se kjo, ndodh kur me një të rënë dore, zhbëjmë personalitete të mëdha që kanë bërë shumë për Shqipninë. Ndër më kryesorët është dom Nikollë Kaçorri, të cilin më shumë kemi dashur ta njohim si prelat katolik i humbur diku në malet e ashpra të Veriut, se sa personaliteti më vendimmarrës për bërjen e shtetit shqiptar.
Është pak e rëndësishme të thuhet se dom Nikollë Kaçorri ishte figurë e shquar e kryengritjeve kundër rendit xhonturk, firmëtar i Deklaratës së Pavarësisë dhe zëvendëskryeministri i parë i Shqipnisë në kabinetin e Ismail Bej Vlorës. Ai ishte nyja e miqësisë së fortë midis Shqipnisë me Perandorinë Austro-Hungareze, derisa kjo e fundit ishte sponsoruesja kryesore për themelimin e shtetit shqiptar.
Sikur mbas Luftës së Madhe të mos shuhej Perandoria e dyfishtë, sot Shqipnia do të ishte shteti më i konsoliduar në familjen evropiane. Shuarja e Perandorisë Austro-Hungareze, ishte fatkeqësia më e madhe për të ardhmen e kombit shqiptar.
Brezat që vijnë, duhet të dinë të vërtetën për personalitete të rëndësishme dhe ngjarje të mëdha, në mënyrë që të këqijat të mos bëhen precedentë të rrezikshëm për të ardhmen e tyre. Precedente të këtilla ndodhën edhe në Kosovë. Kur u shpall pavarësia e saj, jo pak plangprishës i pamë duke u krekosur në vijën e parë, derisa shtetndërtuesit nuk ishin as në fund të hollit!
***
Dom Nikollë Kaçorri për shkaqe shëndetësore shkoi në Vjenë në vitin 1916 dhe më 28 janar të këtij viti, Perandori austro-hungarez Franc Jozef e dekoroi me urdhrin Kryqi i Meritës. Ai ndërroi jetë në Sanatoriumin Fürth më 29 maj të vitit 1917 dhe u varros në Vjenë.
U desh të kalojnë plot 94 vjet që eshtrat e tij të kthehen në atdhe! Që regjimi stalinist në Shqipni nuk e bëri këtë është punë e ditur, por pse nuk ndodhi pas rënies së komunizmit, është fort e çuditshme. Më keq se kjo, eshtrat e Kaçorrit nuk u kthyen në atdhe me nismën e shtetit shqiptar, por me iniciativë private të një patrioti vullnetmirë. Ai është shkodrani dhe miku im i mirë Pjetër Logoreci, i cili tash disa vjet jeton e punon në Vjenë. Zhvarrosjen e eshtrave të dom Nikollë Kaçorrit, Logoreci e përshkruan kështu: “Dita e 1 shkurtit të vitit 2011, ishte nji ditë e shënueme për çdo shqiptar, e sidomos për mue personalisht, sepse mbas nji periudhe të gjatë kërkimesh dhe veprimesh administrative, arrita të baj nxjerrjen e eshtnave të Imzot Nikollë Kaçorrit. I gjetëm të mbështjellë në atllas të kuq, që ishte flamuri shqiptar. Zoti më shpërbleu mundin e punën gjashtëmujore që bana tue trokitë në dyert e administratës së sektorit të varrimeve në Bashkinë e Vjenës. Disa vjet ma parë, prifti i misionit katolik në Vjenë, dom Izak Doda, më pat folë për ekzistencën e eshtnave të dom Nikollë Kaçorrit në varrezat qendrore të Vjenës. Me dashamirësinë e autoriteteve austriake dhe me mbështetjen personale të Dr. Bernhard Stillfried, i cili më dha edhe financimet, u mundësua nxjerrja e riatdhesimi i eshtnave të heroit të kombit. Jam i lumtun që arrita ta përfundoj me sukses misionin tim, për të dërgue në atdhe dhe për t’i dorzue pranë Kishës së Shën Luçisë në Durrës më 9 shkurt, sargun me eshtnat e arkitektit të shtetit shqiptar, Imzot Nikollë Kaçorri”, shkruan Pjetër Logoreci.
Edhe tash mbas 12 vjetësh kur eshtrat e Tij pushojnë në Shqipni, përfaqësuesit e shtetit shqiptar, nuk denjojnë ta nderojnë as edhe me një buqetë lule mbi varrin e Tij!
Asamblistja e LDK-së në Komunën e Rahovecit, Edona Kryeziu, në seancën e së mërkurës të Kuvendit Komunal, ka ngritur si shqetësim dy çështje që i adresohen qeverisjes lokale, njëra për Drejtorinë e Shëndetësisë dhe tjetra Drejtorin e Shërbimeve Publike.
Ajo ka thënë se ka dy pyetje për këto dy drejtori, udhëheqësit e saj.
“Drejtoresh a jeni në dijeni se dyjave e keni jashtë shërbimit aparatin e Biokimisë. Ju këtu për t’ua lehtësuar jetën e qytetarëve dhe jo për t’ua vështirësuar. Qytetarët e komunës së Rahovecit janë të detyruar që shërbimet laboratorike t’i kryejnë jashtë komunës së tyre ose në laboratore private, kur dihet se kostoja e tyre është shumë e lartë, në të shumtën e rasteve edhe e papërballueshme”, ka thënë Kryeziu.
Asociation “Loyola-Gymnasium” shpall konkurs për një mësimdhënës/e të lëndës së matematikës
Ajo ka shtuar se në stinën e dimrit numri i pacientëve është gjithmonë më i madh dhe qytetarët nuk mund t’i kryejnë as shërbimet më të vogla përbrenda komunës.
Ndërkaq sa i përket pyetjes tjetër, Kryeziu ka thënë se mirëmbajtja e rrugëve në qytet dhe fshatra nuk është e mirë.
“Për drejtorin e Shërbimeve Publike. Edhe pse komuna, Drejtoria e Shërbimeve Publike ka të kontaktuar kompanitë për mirëmbajtjen e rrugëve, nga terreni shohim se nuk po respektohet kjo kontratë dhe si pasojë e kësaj rrugët në qytet, lagje dhe fshatra nuk po mirëmbahen sipas kontratës”, ka thënë asamblistja Kryeziu.
Në këtë çështje ka përmendur fshatin Xërxë, që sipas saj, rrugët janë bërë të pakalueshme.
“Është një kërkesë emergjente e fshatit ku pothuajse shumica e rrugëve kanë nevojë për ndërhyrje”, ka deklaruar Kryeziu.