Sara Hoxha është një ndër blogeret më të njohura në vend.
Ajo u bë akoma më e njohur pas lidhjes së saj me reperin, Ledri Vula, përcjell ORAinfo.
Sara është shumë aktive në rrjetet sociale, me postime nga më të ndryshmet.
Përmes fotografisë së fundit ajo na ka prezantuar me veturën e saj luksoze./ORAinfo/
Dita ndërkombëtare e luftës kundër HIV/AIDS-it e gjen Kosovën me 13 raste të reja të personave të prekur me këtë virus gjatë vitit 2023.
Shefi i repartit për sëmundje seksualisht të transmetueshme në Klinikën Infektive në Prishtinë, Murat Mehmeti, thotë për Radion Evropa e Lirë se këto raste janë paraqitur në institucionin që ai udhëheq.
Aktualisht, sipas tij, aty janë duke u trajtuar dhe mbikëqyrur 65 raste në total.
Mehmeti bën thirrje për sa më shumë testime, duke theksuar rëndësinë e diagnostikimit të hershëm.
“Zbulimi i hershëm i HIV-it nënkupton edhe fillimin e hershëm të trajtimit dhe mundësinë më të vogël të paraqitjes së komplikimeve nga ky infeksion. Dihet se, nëse ky infeksion avancon dhe nuk zbulohet herët, atëherë vjen deri te dëmtimi në masë i imunitetit”, thotë Mehmeti.
Në maj të këtij viti, Radio Evropa e Lirë raportoi për mungesë të terapisë në Klinikën Infektive për trajtimin e personave me HIV/AIDS, por infektologu Mehmeti siguron se ky nuk është më rasti.
“Tash për tash qëndrojmë mirë sa i përket terapisë”, thotë ai.
Mehmeti, po ashtu, thekson se shumica e rasteve të reja të të infektuarve janë meshkuj të moshave të reja.
Vitin e kaluar, në Kosovë u shënuan 17 raste të reja me HIV/AIDS – shifër që paraqiti dyfishim rastesh në krahasim me vitin 2021 kur ishin regjistruar tetë të tilla.
Testime për HIV/AIDS në Kosovë bëjnë edhe disa qendra jashtë Infektives, përfshirë Qendrën për Këshillim dhe Trajtim të Varësisë “Labirint”.
Radio Evropa e Lirë kërkoi koment për këtë temë nga drejtori i kësaj qendre, Safet Blakaj, por nuk mori përgjigje.
Virusi HIV e dëmton sistemin imunitar të personit të prekur, duke e lënë atë të ekspozuar ndaj infeksioneve të rënda.
Ai mund të transmetohet nëpërmjet shkëmbimit të lëngjeve të ndryshme trupore nga individët e infektuar.
Rasti i parë me HIV/AIDS në Kosovë është paraqitur në vitin 1986 dhe që atëherë rreth 50 persona kanë humbur jetën.
Kosova radhitet në mesin e vendeve me shkallë më të ulët të HIV/AIDS-it.
Por, sipas Organizatës Botërore të Shëndetësisë, HIV-i mbetet një problematikë e madhe sa i përket shëndetit publik.
Sipas të dhënave të OBSH-së, në fund të vitit 2022 kanë qenë 39 milionë njerëz të prekur me HIV/AIDS – shumica prej të cilëve në rajonin e Afrikës.
Fundjava do të sjellë përballje interesante në elitën e basketbollit të Kosovës.
Kjo xhiro do të hapet me sfidën mes Pejës dhe Golden Eagle Yllit apo kampionit dhe ish-kampionit apo edhe skuadrave verdhezi.
Ky duel i gjen skuadrat në forma të ndryshme, pasi pejanët kanë pësuar tri humbje në tri ndeshjet e fundit, që erdhën pas shtatë fitoreve radhazi, kurse therandasit kanë pesë fitore radhazi, pasi që nuk e kishin nisur aq mirë këtë edicion.
Përballja e dytë e së shtunës zhvillohet mes Vëllaznimit dhe Trepcës, dy skuadra në formë të lartë, si dhe që kërkojnë fitoren e radhës. Kuqezinjtë kanë gjashtë fitore radhazi pas katër humbjeve, ndërsa mitrovicasit janë në vendin e parë me tetë fitore e dy humbje.
Sigal Prishtina dhe Istogu do të përballen të dielën, ku bardhekaltrit kanë pasur rënie të formës në ndeshjet e fundit, duke bërë ndryshime edhe në shtabin teknik, ndërsa numëron pesë fitore e pesë humbje, ndërsa istogasit janë në vendin e fundit me një fitore e nëntë humbje.
Java e 11-të do të mbyllet me derbin prizrenas mes Proton Cable Prizrenit dhe Bashkimit. Proton Cable Prizreni ka tri fitore e shtatë humbje, kurse Bashkimi ka katër fitore e gjashtë humbje.
Superliga /Java 11-të
Të shtunën takohen:
17:00 Peja-Golden Eagle Ylli
19:00 Vëllaznimi-Trepça
Të dielën takohen:
17:00 Sigal Prishtina-Istogu
19:00 Proton Cable Prizreni-Bashkimi
Andre Onana mund të ndalohet të luajë për Manchester United nëse vendos të refuzojë një thirrje për të luajtur në Kupën e Kombeve të Afrikës (AFCON), sipas raporteve.
Portieri 27-vjeçar, i cili ka bërë 20 paraqitje për United që nga transferimi i tij prej 47.2 milionë paund nga Inter-i në verë, pritet të luajë për Kamerunin në AFCON.
Pasi doli nga pensionimi ndërkombëtar në shtator, Onana ka luajtur për vendin e tij në ndeshjet kundër Senegalit dhe Mauritius.
Por sipas një raporti nga “The Sun”, ai po “konsideron të qëndrojë në shtëpi për turneun” për t’u fokusuar në karrierën e tij te United, ku ai ka bërë një sërë gabimesh amatore kohët e fundit.
Në fakt, Onana thuhet se është “i shqetësuar” për humbjen e mundshme të vendit të tij si numri një i United nëse merr pjesë në AFCON, thotë “Manchester Evening News”, ndërsa Altay Bayindir pret kohën e tij.
Nëse Onana refuzon të bashkohet me skuadrën e Kamerunit, atëherë portieri mund të ndalohet të luajë për klubin e Premier League nga FIFA.
Sipas rregulloreve të FIFA-s, një lojtar i thirrur nga vendi i tij nuk ka të drejtë të luajë për klubin gjatë periudhës për të cilën duhet të ishte liruar.
“Një lojtar i cili është thirrur nga shoqata e tij për një nga ekipet e saj përfaqësuese, përveç rasteve kur është rënë dakord ndryshe nga shoqata përkatëse, nuk ka të drejtë të luajë për klubin në të cilin është regjistruar gjatë periudhës për të cilën ka qenë i liruar ose duhet të ishte liruar në përputhje me dispozitat e këtij aneksi, plus një periudhë shtesë prej pesë ditësh”, thuhet në rregulloren e FIFA-s.
Si rezultat i atij rregulli dhe pasigurisë që krijoi, mbrojtësi i Liverpool-it, Joel Matip, mbeti jashtë ndeshjeve kundër Manchester United dhe Plymouth kur hodhi poshtë mundësinë për të luajtur për Kamerunin në AFCON.
FIFA përfundimisht e liroi Matip-in të luante për skuadrën e Jurgen Klopp dhe ai u shfaq si zëvendësues i vonë në humbjen e tyre 3-2 ndaj Swansea më 21 janar 2017.
Nëse ai vendos të luajë në turneun e vitit të ardhshëm, atëherë Onana mund të humbasë gjashtë ndeshje të United, duke përfshirë katër ndeshje në Premier League kundër Spurs, Wolves, West Ham dhe Aston Villa.
Ai gjithashtu mund të humbasë ndeshjen e raundit të tretë të FA Cup të United që do të zhvillohet në fundjavën e 6-7 janarit nëse ai merr një thirrje të hershme për t’u paraqitur në kampin para-turneut të Kamerunit.
Dhe nëse United kualifikohet më tej nga grupi i Champions League, ata do të luanin ndeshjen e parë të një ndeshjeje të 1/16 vetëm 48 orë pas finales së AFCON.
Kupa e Kombeve të Afrikës do të fillojë më 13 janar dhe do të përfundojë më 11 shkurt.Albanian Post
Dy herë kampioni i Super Bowl-it, Von Miller, është dorëzuar në polici pasi u lëshua një urdhër arresti për një rast të dyshuar të dhunës në familje që përfshinte një grua shtatzënë.
Policia u thirr për një “rrëmujë të madhe” në shtëpinë e lojtarit të Buffalo Bills në Dallas të mërkurën.
Miller, 34 vjeç, dyshohet se ka debatuar dhe sulmuar një person shtatzënë.
Policia thotë se Miller është larguar nga vendi i ngjarjes para se të mbërrinin, ndërsa viktima është trajtuar për lëndime të lehta.
Departamenti i Policisë Glenn Heights konfirmoi se ai ishte dorëzuar të enjten pasdite.
Ai u burgos në burgun DeSoto Tri-City në Teksas, por pasi la garanci 5,000 dollarë u lirua pak kohë më vonë.
Të mërkurën, Bills tha në një deklaratë se ata ishin në dijeni të çështjes dhe ishin “në proces të mbledhjes së më shumë informacioneve”, ndërsa Liga Kombëtare e Futbollit tha se do të “ndiqte të gjitha zhvillimet ligjore”.
Miller ishte hetuar më parë, por nuk ishte akuzuar për dhunë në familje në vitin 2021.
Akuza për sulmin ndaj një gruaje shtatzënë është një krim i shkallës së tretë në Teksas dhe dënohet me burg. Albanian Post
Jose Mourinho ka marrë edhe një herë vëmendjen pasi shpërtheu pas ndeshjes së Roma-s të enjten në mbrëmje, duke akuzuar në veçanti një lojtar.
Verdhekuqtë barazuan 1-1 me Servette në Europa League, me golin e Romelu Lukaku-t të anuluar nga një goditje e Chris Bedia në fillim të pjesës së dytë.
Barazimi e çoi Roma-n në 10 pikë në Grupin G, por e gjen veten dy pikë prapa Slavia Pragës në ndeshjen e fundit.
Ata do të përballen me Sheriff-in e fundit në grup në “Stadio Olimpico” më 14 dhjetor, por ka një shans që ata të marrin pjesë në play-off për të arritur në raundin e 16-të.
Mourinho po kërkon ta drejtojë Roma-n në finalen e Europa League për të dytin sezon radhazi.
Por portugezi ishte i pakënaqur me qëndrimet e lojtarëve të tij dhe përmendi mesfushorin Houssem Aouar. Ish-lojtari i Lyon-it u zëvendësua nga Lorenzo Pellegrini në minutën e 56-të.
“Përsëri ne ishim sipërfaqësorë në qëndrimin tonë, në interpretimin tonë të këtij momenti të ndeshjes”, tha ai për “Sky Sport Italia”.
“Ka lojtarë që edhe një herë humbën një mundësi për të provuar veten, për shembull Aouar”.
“Janë disa që janë në stol dhe vijnë në Serie A me një qëndrim të shkëlqyer, pastaj në Europa League vijnë me këtë qëndrim të plogësht, sikur nuk janë mësuar të qëndrojnë në stol dhe pastaj nuk e përmirësojnë lojën”, theksoi portugezi.
Mourinho, i vetmi trajner që ka fituar të tria garat e klubeve të UEFA-s, vazhdoi të pyesë lojtarët e tij për “bërjen e minimumit” në Europa League.
“Unë nuk dua të bëj dramë për hyrjen në play-off. Drama është se ne kishim qëndrim të gabuar nga këta lojtarë dhe ata që dalin kështu për pjesën e dytë, në mënyrë të përsëritur”, vazhdoi Mou.
“Sinqerisht nuk e kuptoj. Kam drejtuar 150 ndeshje të Champions League, të cilat janë shumë më të vështira, dhe megjithatë duket se ka njerëz që nuk kanë një histori të madhe në Evropë dhe i luajnë këto ndeshje me minimumin”.
“Ka nga ata që japin gjithçka për 90 minuta dhe nga ata që duket se e kthejnë hundën në këtë garë. Ka njerëz që ndihen rehat me këtë qasje sipërfaqësore dhe ne e paguajmë atë në rezultate”, përfundoi ai.
Roma rikthehet në Serie A kundër Sassuolo të dielën, para se të presë Fiorentina-n. Albanian Post
Kryeministri i Republikës së Kosovës, Albin Kurti, gjatë vizitës që i ka bërë Komunës së Gjilanit, ka folur edhe për çështjen e dialogut.
Shefi i ekzekutivit kosovar tha se Kosova është e interesuar për normalizim të marrëdhënieve me Serbinë.
Kurse për ndonjë takim të ri në mes të dy shteteve, Kurti tha se nuk është në dijeni.
“Nuk jam në dijeni për ndonjë takim të planifikuar, si kryeministër, Qeveria dhe institucionet e Kosovës kanë qenë gjithmonë të përkushtuara, konstruktive dhe kreative, por nga sulmi terrorist në Banjskë të Zveçanit, prioriteti i Kosovës është siguria, e siguria është siguria e kufijve”, tha ai.
“Ne duam normalizim të marrëdhënieve me Serbinë, por nuk mund të kemi normalizim pa siguri, e siguria nënkupton që kriminelët nuk duhet të jenë të lirë siç po ngjanë në Serbi”, tha Kurti.
Asociation “Loyola-Gymnasium” shpall konkurs për një mësimdhënës/e të lëndës së matematikës
Një qytetar është arrestuar në Prizren mbi dyshimin e blerjes dhe posedimit të paautorizuar të narkotikëve.
Sipas raportit të Policisë, substanca narkotike i është gjetur gjatë ndërhyrjes së policisë pas një raportimi për dhunë në familje, ku e kishte hasur të dyshuarin duke paketuar substancë që dyshohet të jetë e llojit marihuanë.
I dyshuari është arrestuar dhe dërguar në qendrën e mbajtjes për 48 orë.
Asociation “Loyola-Gymnasium” shpall konkurs për një mësimdhënës/e të lëndës së matematikës
“Rruga Suzi Qelebi-Prizren,30.11.2023-21:10. Është arrestuar i dyshuari mashkull kosovar pasi që policia kishte shkuar te shtëpia e të dyshuarit për një raportimin të dhunës në familje, kishte hasur në të dyshuarin duke paketuar substancë që dyshohet të jetë narkotike e llojit marihuanë. Me urdhëresë te prokurorit kujdestar dhe në prezencën e prindërve të dyshuarit është bërë kontroll në shtëpi dhe gjatë kontrollit në dhomën e të dyshuarit janë gjetur dhe konfiskuar qese plastike të mbushura me substancë të dyshuar narkotike të llojit marihuanë me peshë 56.10 gram, tridhjetë e pesë qese plastike të zbrazëta, një peshore digjitale. Me vendim të prokurorit kujdestar, i dyshuari është ndaluar në qendrën e mbajtjes për 48 orë”, thuhet në njoftimin e policisë.
Prokurori i Shtetit njofton opinionin publik se gjatë 24 orëve të fundit nga prokuroritë themelore janë ngritur njëqindenjë (101) aktakuza kundër njëqindeshtatëmbëdhjetë (117) personave, për vepra të ndryshme penale, po ashtu, me urdhër të Prokurorit të Shtetit, për 48 orë janë ndaluar dhjetë (10) persona, si dhe është bërë një (1) kërkesë për caktimin e paraburgimit për një (1) person të dyshuar.
Prokuroria Themelore në Prishtinë, gjatë 24 orëve të fundit, ka paraqitur një (1) kërkesë për caktimin e masës së paraburgimit ndaj një (1) personi dhe ka ngritur dyzetekatër (44) aktakuza kundër dyzeteshtatë (47) personave për vepra të ndryshme penale.
Prokuroria Themelore në Prizren, gjatë 24 orëve të fundit, me urdhër të prokurorit ka ndaluar për 48 orë, pesë (5) persona të dyshuar, në dy raste të ndara. Ndërsa, nga kjo prokurori janë ngritur njëmbëdhjetë (11) aktakuza kundër katërmbëdhjetë (14) personave, për vepra të ndryshme penale.
Asociation “Loyola-Gymnasium” shpall konkurs për një mësimdhënës/e të lëndës së matematikës
Prokuroria Themelore e Pejës, gjatë 24 orëve të fundit ka ndaluar një (1) person të dyshuar.
Prokuroria Themelore në Gjilan, ka ngritur njëzetetre (23) aktakuza kundër njëzetegjashtë (26) personave, për vepra të ndryshme penale.
Prokuroria Themelore në Gjakovë, gjatë 24 orëve të fundit, me urdhër të prokurorit kujdestar, ka ndaluar një (1) person.
Prokuroria Themelore në Mitrovicë, gjatë 24 orëve të fundit, ka ndaluar dy (2) persona, si dhe ka ngritur gjashtë (6) aktakuzë kundër gjashtë (6) personave, për vepra të ndryshme penale.
Prokuroria Themelore në Ferizaj, gjatë 24 orëve të fundit, ka ndaluar një (1) person të dyshuar dhe ka ngritur shtatëmbëdhjetë (17) aktakuza kundër njëzet e katër (24) personave për vepra të ndryshme penale.
1 mijë e 853 gjoba trafiku janë shqiptuar në 24 orët e fundit në vendin tonë.
Gjatë kësaj periudhe kanë ndodhur 17 aksidente me të lënduar dhe 38 me dëme materiale.
Asociation “Loyola-Gymnasium” shpall konkurs për një mësimdhënës/e të lëndës së matematikës