Faqe 135 – PrizrenPress – Portal informativ

Fillon lyerja e shtyllave të ndriçimit publik në zonën qendrore të Prizrenit

Fokus

admin

-

05/05/2025

Fillon lyerja e shtyllave të ndriçimit publik në zonën qendrore të Prizrenit

Komuna e Prizrenit të hënën ka njoftuar se Drejtoria e Shërbimeve Publike ka nisur aksion për mirëmbajtjen e infrastrukturës së ndriçimit publik, duke filluar me lyerjen e shtyllave përkatëse në zonën qendrore të qytetit.

Sipas njoftimit, aksioni përfshin shtyllat që kanë pësuar dëmtime të lehta ose janë prekur nga korrozioni si pasojë e ekspozimit afatgjatë ndaj kushteve atmosferike.

Me këtë ndërhyrje synohet përmirësimi i pamjes vizuele të hapësirave publike si dhe rritja e sigurisë për qytetarët.

Drejtoria e Shërbimeve Publike ka bërë të ditur se ky aksion nuk do të mbetet i kufizuar vetëm në qendër, por do të shtrihet edhe në pjesë të tjera të qytetit në ditët në vijim, me qëllim të mirëmbajtjes së rregullt të elementeve të ndriçimit urban.

Kryetari i Dragashit deklaron mbi 100 mijë euro pasuri të paluajtshme dhe kursime

admin

-

05/05/2025

0

Kryetari i Dragashit deklaron mbi 100 mijë euro pasuri të paluajtshme dhe kursime

Kryetari i Komunës së Dragashit, që njëherësh është edhe kryetar i Degës së LDK-së, Bexhet Xheladini, ka deklaruar mbi 100 mijë euro pasuri të paluajtshme, si dhe mbi 100 mijë euro kursime.

Në regjistrin e deklarimit të pasurisë për vitin 2025, ai ka theksuar se ka në pronësi një shtëpi prej 150 metrave katrorë në vlerë prej 35 mijë e 200 euro, një ordinancë private prej 22 metrave katrorë në vlerë prej 20 mijë euro, si dhe 9 ngastra të ndryshme toke të sipërfaqeve të ndryshme, vlera e përgjithshme e të cilave kap shumën prej afër 64 mijë eurove.

Në të njëjtën kohë, Xheladini i ka deklaruar në Agjencinë për Parandalimin e Korrupsionit dy vetura në shfrytëzim nga familja. Personalisht ka thënë se posedon një veturë të cilën e ka vlerësuar me 12 mijë euro. Ndërsa, vetura tjetër ka deklaruar se është në pronësi të fëmijëve dhe është vlerësuar po ashtu me 12 mijë euro.

Tutje, ai ka bërë të ditur se në bankë posedon 100 mijë kursime nga puna 40 vjeçare, në ordinancën private dhe nga djali në Zvicër, si 30 mijë euro para të gatshme nga puna 40 vjeçare, në ordinancën private dhe nga djali në Zvicër.

Pagë vjetore si kryetar i Komunës, Xheladini në Agjencinë për Parandalimin e Korrupsionit i ka deklaruar 20 mijë e 763 euro, pastaj 7 mijë e 661 euro pagesë nga puna si mjek në ordinancën private, pension në shumën prej 3 mijë e 679 euro, kamatë prej 1 mijë e 444 euro nga kursimet, teksa 960 euro i ka shkruar si mëditje për udhëtime jashtë vendit, raporton Telegrafi.

Ai ka paraqitur edhe të hyrat vjetore respektivisht pensionin e bashkëshortes në vlerë prej 1,300 euro, dhe 24 mijë franga zvicerane të ardhura vjetore të djalit në Zvicër.

Lëndohet Kasume i Lirisë – thyen gishtin e këmbës

Sport

admin

-

05/05/2025

0

Lëndohet Kasume i Lirisë – thyen gishtin e këmbës

Liria e Prizrenit ka njoftuar se lojtari i tij, Romeo Kasume, ka pësuar një lëndim gjatë ndeshjes kundër Vëllaznimit.

Pas ekzaminimeve mjekësore, është konfirmuar se Kasume ka thyer gishtin e këmbës dhe do të mungojë për disa javë, raporton PrizrenPress.

“Lojtari ynë, Romeo Kasume, gjatë ndeshjes kundër Vëllaznimit ka pësuar një lëndim në gishtin e këmbës, i cili pas ekzaminimeve mjekësore është konfirmuar si frakturë. Ky është një moment i vështirë për lojtarin tonë, por jemi të bindur në forcën dhe vendosmërinë e tij për t’u rikthyer edhe më i fortë. Si FC Liria, i qëndrojmë pranë Romeos dhe i dëshirojmë shërim të shpejtë dhe kthim sa më të shpejtë në fushë! Forca Romeo – mezi presim të të shohim sërish me fanellën bardh e zi!” – thuhet në njoftimin e klubit.

Ky lëndim paraqet një sfidë për Lirinë, e cila do të duhet të përballojë mungesën e një prej lojtarëve të saj më të rëndësishëm në ndeshjet e ardhshme./PrizrenPress.com

Drini i Bardhë vazhdon festën e titullit në Gjonaj pas kurorëzimit në Prizren

Sport

admin

-

05/05/2025

0

Drini i Bardhë vazhdon festën e titullit në Gjonaj pas kurorëzimit në Prizren

Drini i Bardhë ka përmbyllur sezonin 2024/2025 në mënyrën më të bukur, duke u shpallur kampion i Ligës së Tretë të Kosovës. Pas një sezoni të jashtëzakonshëm, ku ekipi regjistroi 17 fitore dhe 1 barazim, Drini i Bardhë mbylli sezonin pa asnjë humbje dhe me kupën në duar.

Ceremonia e ndarjes së kupës dhe medaljeve u mbajt të dielën në Prizren, ku skuadra e Hasit u duartrokit nga tifozët dhe përfaqësuesit e Federatës së Futbollit të Kosovës. Pasi ky moment i paharrueshëm, festa ka vazhduar dhe do të vijojë në Gjonaj, raporton PrizrenPress.

“KF Drini i Bardhë ka nderin dhe kënaqësinë e madhe të ju ftojë në një mbrëmje të veçantë festimi, pas shpalljes kampion në sezonin 2024/2025 në Ligën e Tretë të Kosovës”, thuhet në ftesën e klubit.

Festimet do të vazhdojnë sot (e hënë), në Qendrën Kulturore “Reshat Çoçaj” në Gjonaj, duke nisur nga ora 18:30. Klubi i ka ftuar të gjithë tifozët dhe anëtarët e komunitetit të bëhen pjesë e një feste popullore, që do të shoqërojë ngjitjen e historisë së klubit në Ligën e Dytë.

Me këtë arritje të jashtëzakonshme, Drini i Bardhë shënon një moment të veçantë në historinë e klubit, që këtë vit feston edhe 50-vjetorin e themelimit. “Ky triumf historik, me pasion e sakrificë, vjen pikërisht në vitin kur klubi ynë feston 50-vjetorin e themelimit, duke e bërë këtë arritje edhe më të veçantë për të gjithë ne”, theksohet në ftesë.

Për të gjithë ata që janë pjesë e këtij suksesi, Drini i Bardhë ka falënderuar tifozët dhe përkrahësit e tij: “Pasi është e pamundur të ju bëjmë ftesa personale të gjithëve, dëshirojmë të ju mirëpresim përmes kësaj ftese të përbashkët”./PrizrenPress.com

Ish-operatori sjell rrëfime nga prapaskenat e Kino Lumbardhit në Prizren

Kulture

admin

-

05/05/2025

0

Ish-operatori sjell rrëfime nga prapaskenat e Kino Lumbardhit në Prizren

Programi i klubit të filmit Kinemaja e Zgjeruar në Kino Lumbardh në Prizren vijon këtë javë me bisedë dhe shfaqje të filmit, duke shpalosur rrëfime e përvoja lidhur me filmat e projektuar në këtë hapësirë në periudha të ndryshme kohore.

“Këtë të mërkurë, kemi kënaqësinë të mirëpresim në bisedë z. Asim Mongovci, i cili e njeh mirë Kino Lumbardhin pasi gjatë viteve ‘90 ai ka punuar si operator i kinemasë”, thuhet në njoftimin e Lumbardhit.

Përpos lidhjes së tij të fortë me filmin, sipas njoftimit, Mongovci njihet si aktor, pasi deri në vitin 2020 ka luajtur mbi 20 role të ndryshme në vepra për skenë për të rinj e të rritur në teatrin turk “Nafiz Gurciali”.

“Pas bisedës me z. Mongovci do të vijojmë të shohim filmin e përzgjedhur , që i përket zhanrit komedi e romancë e që ka në qendër një nga mendjet më brilante letrare të të gjitha kohërave drejt rrugës së krijimit të një prej veprave më shenjuese teatrore, sakaq dashuria kthehet në motiv frymëzimi, me gjithë thellësinë dhe poetikën që mbart”, thuhet në njoftimin e Lumbardhit.

Programi dy-mujor fokusohet në kinemanë e kujtimeve, përjetimeve duke sjellë ndërmend eksperiencat e mëhershme të të parit filma në Kino Lumbardhi.

Wendell Green, MVP i ndeshjes Bashkimi-Trepça

Sport

admin

-

05/05/2025

0

Ndjekësit në rrjetet sociale të Federatës së Basketbollit të Kosovës kanë votuar Wendell Green, MVP i ndeshjes Bashkimi-Trepça.

Sipas FBK-së, basketbollisti i Bashkimit e mbylli ndeshjen me 22 pikë, dy kërcime e dy asistime, raporton PrizrenPress.

Albin Kurti e lut Lumir Abdixhikun për koalicion

Lajme

admin

-

05/05/2025

0

Albin Kurti e lut Lumir Abdixhikun për koalicion

Ai, përmes letrës së siguruar nga Klan Kosova, e lut Abixhikun për marrëveshje politike.

Në letër shkruhet:

”Po ju drejtohem me këtë letër meqë nuk u takuam ende. Deputetë të LDK-së së fundmi kanë deklaruar publikisht se për te ecur përpara në legjislaturën e nënte, fillimisht me konstituimin e Kuvendit, nevojitet marrëveshje politike. Si kryetar i Lëvizjes VETEVENDOSJE, dhe kryeministër në detyrë i Republikës së Kosovës, jam i interesuar dhe i vullnetshëm për marrëveshje politike me LDK-në. Ne sigurisht që kemi dallime në bindje politike e në politikat qeverisëse, por koalicionet bëhen pikërisht ndërmjet atyre qe kanë dallime, duke vendosur të drejtat dhe nevojat e shtetit dhe të qytetarëve si prioritet”.

“LDK njihet si parti e cila nuk ka hezituar për koalicione qeverisëse: në 2001-2004 me PDK dhe AAK, në 2004-2007 me AAK, në 2008-2010 me PDK, në 2014-2017 sërish me PDK, ndërkaq në 2020 me LVV. Mospajtimet e diferencat që mund te ketë LDK me LVV sot nuk janë më të mëdha sesa që LDK i kishte para koalicioneve te mëhershme kur i bëri ato. Plus, në vitin 2020 ne bashkë kemi qenë kolegë në Kurti 1, kur unë nuk kam pasur probleme me juve, por me disa te tjerë qe nuk kanë më pozita të larta e as ndikim te madh ne LDK aso asokohe”.

18 vite nga vdekja e këngëtares së shquar shqiptare, Nazmie Hoxhës

Kulture

admin

-

05/05/2025

0

18 vite nga vdekja e këngëtares së shquar shqiptare, Nazmie Hoxhës

Nazmie Hoxha lindi më 25 tetor 1952 në Gjonaj të Hasit të Prizrenit dhe vdiq më 5 maj 2007 në Prishtinë.

Nazmie Hoxha ishte këngëtare e popullarizuar e muzikës popullore shqiptare në vitet 1970-2000. Si fëmijë i pëlqente interpretimi dhe me hyrjen në shkollën e mjekësisë, si pjesë e aktiviteteve të lira fillon ta realizojë edhe dëshirën fëminore për të interpretuar. Aty futet në Shoqërinë Kulturo Artistike të qytetit dhe fillon karrierën e saj. Me këngën “Ylli i bardhë, djalë i dashur”, Nazmia paraqitet para publikut në një koncert në Prishtinë.

Nga këtu, muzikantët e kohës e shihnin si këngëtare me perspektiv dhe më këtë i hapen dyer e inxhizimit të këngëve të saja në RTP. Këngët e para të transmetuara në mjetet mediatike pos këngës së përmendur ishin dhe “Qetësia e lartë mbretëron mbi ne”, “Sa më shpejt ma vure këmbën”.

Me kalimin kohës bënë inxhizimin e këngëve edhe me shoqëri të tjera artistike në Kosovë si b.f. me shoqërinë “Emin Duraku” të Zhurit, “Kastrioti” të Ferizajit por edhe si soliste e RTP-së. Nga viti 1972 është si pjesëmarrëse e rregullt e festivaleve të organizuara në nivel të Kosovës. Po ashtu Nazmia merr pjesë në shfaqjet e ndryshme të organizuara jashtë vendit nga shoqatat e ndryshme kulturore të Kosovës.

Më 8 mars 2003, stacioni televizi RTV 21, transmeton një intervistë biografike të Nazmijes dhënë Florim Kelmendit për programin e rregullt të natës së shtunë, programit “Në orët e vona”.

Ndër këngët më të njohur të saj kanë qenë Si dukat i vogel je dhe Oj zogo dhe disa të tjera. Nazmia vdiq më 5 maj 2007 në orën 19, ajo u varros në Prishtinë. /KultPlus.com

Në Prizren nis festa tradicionale për shënimin e ardhjes së verës

Lajme

admin

-

05/05/2025

0

Në Prizren nis festa tradicionale për shënimin e ardhjes së verës

Festimet tradicionale të Hëdërellez-it (Karabash Baba), që shënojnë ardhjen e verës, po festohen në Prizren me pjesëmarrjen e qindra qytetarëve.

Si çdo vit, festimet e H?d?rellez-it, që mbahen më 5 maj, edhe këtë vit po zhvillohen përreth stadiumit. Qindra qytetarë nga Prizreni dhe nga mbarë Kosova, që nga orët e hershme të mëngjesit, janë drejtuar drejt vendit ku ndodhet Tyrbja e Karaba? Babës.

Në këtë festë të Karabash-it, që po zhvillohet në një atmosferë festive, prizrenasit morën pjesë të veshur me rrobat e tyre më të bukura. Lëkundëset, karuselët dhe argëtimet e tjera që ishin vendosur ditë më parë tërhoqën vëmendjen e madhe të fëmijëve.

Biskotat me pasqyrë, që janë pjesë e pandashme e traditës së Karabash-it, si dhe enët prej balte që simbolizojnë një vit të begatë, ishin ndër produktet më të shitura.

Pjesëmarrësit në festë, duke festuar ardhjen e verës, nuk harruan të marrin degë për t’i varur në dyert e shtëpive të tyre. Që nga orët e para të mëngjesit, zona ku po zhvillohen festimet e Hëdërellez-it është mbyllur për qarkullim nga policia./rtk/

Pas kërkesës për rishqyrtim, Komuna zgjat afatin për konkursin e projektimit të teleferikut për në Kalanë e Prizrenit

Fokus

admin

-

05/05/2025

0

Pas kërkesës për rishqyrtim, Komuna zgjat afatin për konkursin e projektimit të teleferikut për në Kalanë e Prizrenit

Komuna e Prizrenit ka zgjatur afatin e fundit për pranimin e tenderëve në procedurën e prokurimit lidhur me konkursin e projektimit për hartimin e projektit detal për ndërtimin e teleferikut për në Kalanë e Prizrenit.

Në njoftimin për informata shtesë lidhur me këtë procedurë të prokurimit, Komuna ka bërë të ditur se afati i fundit për pranimin e tenderëve në vend të datës 6 maj 2025 është data 13 maj 2025.

Shefi i Zyrës së Prokurimit në Komunën e Prizrenit, Isa Osmankaj ka theksuar se ky afat është ndërruar pas pranimit të kërkesës për rishqyrtim nga ana e një operatori ekonomik.

“Ndërrimi i afatit për pranimin e tenderëve është bërë pas pranimit të kërkesës për rishqyrtim nga ana e një operatori ekonomik, që është refuzuar nga ana jonë. Bazuar në legjislacion, ne duhet t’i mundësojmë që i njëjti ti ketë në dispozicion 10 ditë për të paraqitur ankesën eventuale lidhur me këtë çështje në OSHP”, ka thënë Osmankaj për Telegrafin.

Aktiviteti i prokurimit përkatësisht konkursi i projektimit për hartimin e projektit detal për ndërtimin e teleferikut për në Kalanë e Prizrenit ishte publikuar me 28 mars 2025.

Vlera e parashikuar për këtë kontratë është 170 mijë euro.

Qëllimi i Konkursit të Projektimit sipas dosjes së tenderit është që operatori ekonomik përkatësisht konsulenti të hartojë pakon e dokumenteve që përfshinë:

Specifikime teknike dhe inxhinierike për të siguruar ndërtimin e një sistemi të qëndrueshëm dhe të sigurt transporti;

Planet arkitekturore dhe strukturore për të siguruar integrimin e sistemit në peizazhin historik dhe urbanistik të Prizrenit;

Analizën e ndikimit mjedisor dhe social, duke marrë parasysh ruajtjen e trashëgimisë dhe minimizimin e ndikimit në komunitetin lokal;

Vlerësime të sakta financiare për të përcaktuar koston kapitale (CAPEX) dhe atë operacionale (OPEX), si dhe për të identifikuar mundësitë e financimit dhe rentabilitetin ekonomik;

Strategjitë e sigurisë dhe mirëmbajtjes, për të siguruar funksionimin efikas dhe jetëgjatësinë e projektit; dhe

Dokumentacionin e nevojshëm për tenderim, duke përfshirë kërkesat teknike dhe procedurat për përzgjedhjen e kontraktorëve të ndërtimit.

Marrëveshje tri palëshe për ndërtimin e teleferikut për në Kalanë e Prizrenit, ndërmjet Komunës së Prizrenit, MMPHI-së dhe Sëisscontactit ishte nënshkruar në janar të vitit 2023.

Në Ligjin mbi ndarjet buxhetore për vitin 2025, figuron se për projektin e teleferikut janë planifikuar afër 5.2 milion euro, me ç’rast afër 200 mijë euro janë shpenzuar deri në vitin 2024, teksa 1 milion euro janë aprovuar për vitin 2025 dhe nga 2 milionë euro janë të planifikuara për vitin 2026 respektivisht 2027.

Teleferiku si mjet, mundëson qasjen për të gjitha grupet e komunitetit në njërin prej lokaliteteve më të vizituara të arkeologjisë në Prizren. /Telegrafi/

PrizrenPress

PrizrenPress

PrizrenPress

PrizrenPress

Fillon lyerja e shtyllave të ndriçimit publik në zonën qendrore të Prizrenit

Kryetari i Dragashit deklaron mbi 100 mijë euro pasuri të paluajtshme dhe kursime

Lëndohet Kasume i Lirisë – thyen gishtin e këmbës

Drini i Bardhë vazhdon festën e titullit në Gjonaj pas kurorëzimit në Prizren

Ish-operatori sjell rrëfime nga prapaskenat e Kino Lumbardhit në Prizren

Wendell Green, MVP i ndeshjes Bashkimi-Trepça

Albin Kurti e lut Lumir Abdixhikun për koalicion

18 vite nga vdekja e këngëtares së shquar shqiptare, Nazmie Hoxhës

Në Prizren nis festa tradicionale për shënimin e ardhjes së verës

Pas kërkesës për rishqyrtim, Komuna zgjat afatin për konkursin e projektimit të teleferikut për në Kalanë e Prizrenit

PrizrenPress

Kategoritë

Lidhuni Me Ne