Instituti Hidrometeorologjik i Kosovës ka njoftuar se përgjatë javës së ardhshme, temperaturat maksimale do të arrijnë deri në 36 gradë Celcius.

Sipas njoftimit të IHMK-së, korriku i këtij viti po mbyllet si muaji më i nxehtë nga vitet e tjera, që nga 1854-a.

Sipas IHMK-së, e hëna do të jetë me diell dhe me vranësira që përcjellën me reshje shiu. Maksimalet do të arrijnë 24-28 gradë, ndërkaq ato minimale 12-15 gradë Celcius.

E martja do të jetë me diell, ku maksimalet do të arrijnë përreth 27-31 gradë.

Edhe e mërkura sipas IHMK-së do të jetë me diell e me vranësira të pakta, që do të sillen kryesisht në relievin malor. Temperaturat maksimale do të shkojnë deri në 32 gradë.

“E enjte-Të enjten parashihet mot me diell dhe vranësira të pjesshme. Temperaturat minimale do të lëvizin ndërmjet 11-15 gradë Celsius, ndërsa maksimalet e ditës parashihen të lëvizin ndërmjet 32-35 gradë Celsius Të premten – Mot kryesisht me diell. Vranësira të shpërndara parashihen kryesisht rreth relievit malor. Temperaturat minimale do të lëvizin ndërmjet 12-16 ndërsa maksimalet e ditës parashihen të lëvizin ndërmjet 32-36 gradë Celsius. Do të fryjë erë drejtimesh të ndryshme me shpejtësi 1 deri 7 m/s”, thuhet në njoftim të IHMK-së.

“Temperatura mesatare në nivel global ishte 16.63 në vitin 2019, derisa ajo tani ka arritur në 17.08 gradë Celsius, që konsiderohet rritje rekorde”, vijon komunikata.

Ministria e Industrisë, Ndërmarrësisë dhe Tregtisë përmes një njoftimi publik ka thënë se është rritur numri i vizitorëve në Republikën e Kosovës.

Në njoftim thuhet se “numri i përgjithshëm i vizitorëve në Republikën e Kosovës gjatë muajit qershor të këtij viti ka pasur rritje prej 29%, krahasuar me qershorin e vitit të kaluar”.

“Vlen të theksohet se nga numri i përgjithshëm i vizitorëve 60.98% ishin të jashtëm kurse 39.02 % ishin vendorë.Sipas Agjencisë së Statistikave të Kosovës, statistikat e Hotelerisë për muajin qershor 2023 rezultojnë me 13.3 % rritje të vizitorëve të jashtëm, krahasuar me qershorin e vitit 2022”, bëhet e ditur në njoftim.

Ministria thotë se në total 29 317 vizitorë të huaj, nga të cilët numri më i madh është nga: Shqipëria, Gjermania, Turqia, Zvicra etj.

“Vizitat janë evidentuar nga qëndrimet në hotelet e Republikës së Kosovës, kurse vizitat ditore nuk hyjnë në këtë evidencë e që nëse llogariten përqindja do të ishte shumë më e lartë. Kosova, gjithnjë e më atraktive për turistët”, vijon njoftimi.

Pak më parë, Qendra Kombëtare për Menaxhim Kufitar i ka përditësuar të dhënat lidhur me fluksin në kufi.

Në tabelën më poshtë shihet se te Dheu i Bardhë pritjet po zgjasin deri në 3 orë, ndërsa në Merdar mbi 2 orë.

Ndërsa në Muçibabë, pritjet po zgjasin deri në 25 minuta, e te Hani i Elezit deri në 10 minuta.

Në Han të Elezit dhe Muçibabë, pritjet për të dalë po zgjasin deri në 10 minuta.

Reklamë

Bëhu me banesë  në super lokacion, pranë qendrave tregtare Galeria Shopping Mall,  dhe Abi Çarshia, Qëndra Mjeksis Urgjente 100m , Stacioni i Autobusëve 100m.

Mob: +383 44 128 112

Email: [email protected]

Web: www.renelualtahiri.com