34.6 C
Prizren
E enjte, 26 Qershor, 2025
type here...
Home Blog Page 224

Drejtuesit e “Ekoregjionit” apelojnë për pagesën e faturave të mbeturinave

admin
-
0
Drejtuesit e “Ekoregjionit” apelojnë për pagesën e faturave të mbeturinave

Kryeshefi ekzekutiv i Kompanisë Rajonale për Mbeturina “Ekoregjioni”, Burim Shala i ka bërë thirrje qytetarëve që ti kryejnë obligimet lidhur me shërbimin e mbledhjes së mbeturinave. Sipas tij, përmbushja e detyrimeve është çelësi për një mjedis të pastër dhe të shëndetshëm për të gjithë.

Ai ka theksuar se faturat janë simbolike, ndërkohë që shërbimi ofrohet disa herë gjatë muajit.

“Është e pamoralshme që të mos paguhet fatura e mbeturinave, e cila kushton vetëm 5.5 ose 6 euro në muaj, ndërkohë që ne ofrojmë shërbimin 4 deri në 5 herë në muaj për çdo shtëpi veç e veç. Megjithatë, shumë prej qytetarëve nuk e kryejnë këtë obligim”, është shprehur Shala në rrjetet sociale, duke shtuar se në të njëjtën kohë kërkohen shërbime më të mira, raporton Telegrafi.

Zyrtari i lartë i KRM “Ekoregjioni” ka kërkuar reflektim e veprim me përgjegjësi nga ata që nuk i kanë kryer obligimet ndaj kompanisë.

“Prandaj, ju lutemi reflektoni dhe veproni me përgjegjësi. Përkushtimi juaj në përmbushjen e detyrimeve është çelësi për një mjedis të pastër dhe të shëndetshëm për të gjithë. Ju lutemi, drejtohuni në Kompani apo në Komunë dhe kryeni obligimet që keni për mbeturinat”, ka shkruar Shala.

Sipas tij vetëm me përmbushjen e këtyre obligimeve mund të arrihen suksese të përbashkëta.

Diskutohen sfidat dhe zbatimi i ligjit për përdorimin e gjuhëve në Dragash

admin
-
0
Diskutohen sfidat dhe zbatimi i ligjit për përdorimin e gjuhëve në Dragash

Instituti SINK, në kuadër të projektit “Promovimi i mekanizmave për mbrojtjen e të drejtave të gjuhëve në Kosovë”, realizuar në bashkëpunim me Zyrën e Kryeministrit dhe Njësinë Komunale për të Drejtat e Njeriut (NJKDNJ) në Komunën e Dragashit, mbështetur nga Zyra e Komisionerit për Gjuhët, ka organizuar një takim për të diskutuar mbi zbatimin e Ligjit për Përdorimin e Gjuhëve. Ky ligj, si një e drejtë thelbësore e garantuar nga Kushtetuta dhe legjislacioni përkatës, ishte në fokus të diskutimit, duke adresuar gjithashtu sfidat dhe problemet praktike që hasen gjatë zbatimit të tij.

Në këtë takim morën pjesë nënkryetari i Komunës nga radhët e komuniteteve, Fejsal Halilovi?, i cili foli për rezultatet e arritura me këtë ligj.

“Zbatimi i këtij ligji ka ndihmuar në integrimin dhe bashkëjetesën e komuniteteve, duke siguruar që të drejtat e tyre gjuhësore të respektohen”, theksoi ai.

Uzar Hamza, shef i Zyrës për Komunitete dhe Kthim, prezantoi në detaje sfidat që hasen gjatë zbatimit të këtij ligji.

“Përballohemi me disa vështirësi në implementimin e ligjit, por angazhimi i institucioneve dhe mbështetja e komunitetit janë të rëndësishme për të siguruar suksesin e tij”, u shpreh ai.

Suad Tosuni, personi kontaktues për monitorimin e zbatimit të dygjuhësisë në Komunën e Dragashit, foli për respektimin e dygjuhësisë gjatë takimeve zyrtare dhe prodhimit të dokumenteve zyrtare.

“Ne e vlerësojmë shumë rëndësinë e përdorimit të gjuhëve të dyfishta në çdo aspekt të administratës dhe seancave të Kuvendit”, theksoi ai.

Në shumë aspekte, Dragashi është një shembull i lartë i bashkëjetesës në Kosovë. Gjatë takimit, Valdon Bytyqi, zyrtar nga Ministria e Drejtësisë, njëherit edhe ligjërues, prezantoi temat kryesore mbi të drejtat e gjuhës, përdorimin e gjuhëve sipas Kushtetutës dhe Ligjit për Përdorimin e Gjuhëve.

“Të drejtat për përdorimin e gjuhëve janë të drejta universale që duhet të mbrohen dhe zbatohet në përputhje me legjislacionin”, theksoi ai.

Diskutimet shërbyen si një mundësi e mirë për identifikimin e sfidave dhe eksplorimin e zgjidhjeve konkrete që garantojnë zbatimin e plotë të Ligjit dhe mbrojtjen e të Drejtave Gjuhësore të të gjitha komuniteteve./PrizrenPress.com/

 

Haradinaj: Krushjanët janë fisnikë

admin
-
0
Haradinaj: Krushjanët janë fisnikë

Kandidati për kryeministër i koalicionit AAK-NISMA, Ramush Haradinaj ka takuar e banorët e fshatit Krushë e Madhe.

“Krusha e Madhe sonte vërtetë ishte e madhe! Me përkrahjen masive të krushjanëve fisnikë, do të jemi edhe më të vendosur ta realizojmë vizionin për një Kosovë të fortë, anëtare të NATO-s dhe me zhvillim të fuqishëm ekonomik”, ka shkruar Haradinaj.

Marketing

Parashikimi i motit për rajonin e Prizrenit, ditë me vranësira dhe të kthjellëta

admin
-
0
Parashikimi i motit për rajonin e Prizrenit, ditë me vranësira dhe të kthjellëta

Parashikimi i motit për komunat e rajonit të Prizrenit prej 27 deri më 2 shkurt 2025.

Moti në Prizren do të ndryshojë çdo ditë, duke kaluar nga ditë pjesërisht me re në ditë me vranësira dhe kthjellët. Fillimi i javës do të jetë pjesërisht me re, me temperatura maksimale që variojnë nga 14°C deri në 16°C dhe minimale nga 4°C deri në 6°C. Në mes javë, moti do të jetë kryesisht me vranësira, me temperatura të ngjashme. Drejt fundit të javës, moti do të bëhet i kthjellët, me temperatura që mbeten të qëndrueshme, nga 12°C maksimalja deri në 3°C minimalja. Në përgjithësi, java do të jetë e moderuar, me kushte të përshtatshme për aktivitete të ndryshme në natyrë.

Moti në Suharekë do të ndryshojë çdo ditë, duke kaluar nga ditë pjesërisht me re në ditë me vranësira dhe kthjellët. Fillimi i javës do të jetë pjesërisht me re, me temperatura maksimale që variojnë nga 13°C deri në 15°C dhe minimale nga 2°C deri në 5°C. Në mes javë, moti do të jetë kryesisht me vranësira, me temperatura të ngjashme.

Drejt fundit të javës, moti do të bëhet pjesërisht me re dhe më pas i kthjellët, me temperatura që mbeten të qëndrueshme, nga 13°C maksimalja deri në 2°C minimalja.

Moti në Dragash do të ndryshojë çdo ditë, duke kaluar nga ditë pjesërisht me re në ditë me vranësira dhe kthjellët. Fillimi i javës do të jetë pjesërisht me re, me temperatura maksimale që variojnë nga 6°C deri në 10°C dhe minimale nga 1°C deri në 4°C. Në mes javë, moti do të jetë kryesisht me vranësira, me temperatura të ngjashme. Drejt fundit të javës, moti do të bëhet i kthjellët, me temperatura që mbeten të qëndrueshme, nga 8°C maksimalja deri në 0°C minimalja. Në përgjithësi, java do të jetë e freskët, me kushte të përshtatshme për aktivitete të ndryshme në natyrë.

Moti në Mamushë do të ndryshojë çdo ditë, duke kaluar nga ditë pjesërisht me re në ditë me vranësira dhe kthjellët. Fillimi i javës do të jetë pjesërisht me re, me temperatura maksimale që variojnë nga 15°C deri në 17°C dhe minimale nga 2°C deri në 4°C. Në mes javë, moti do të jetë kryesisht me vranësira, me temperatura të ngjashme. Drejt fundit të javës, moti do të bëhet i kthjellët, me temperatura që mbeten të qëndrueshme, nga 12°C maksimalja deri në 1°C minimalja.

Shiko parashikimin e motit për Kosovë, Shqipëri, rajon dhe botë. 

Policia shqiptoi 1514 gjoba trafiku për 24 orë

admin
-
0
Policia shqiptoi 1514 gjoba trafiku për 24 orë

Policia e Kosovës ka bërë të ditur se brenda 24 orëve të kaluara ka shqiptuar 1514 gjoba në trafik.

Sipas raportit të policisë, gjatë 24 orëve të fundit janë evidentuar disa aksidente në trafikun rrugor, 15 aksidente kanë qenë me lëndime dhe 24me dëme materiale.

Gjatë kësaj periudhe, policia njofton se janë arrestuar 12 persona, ndërkaq 7 të tjerë janë dërguar në mbajtje.

Marketing

Moti sot: Kryesisht me diell, temperaturat deri në 15 gradë Celsius

admin
-
0
Moti sot: Kryesisht me diell, temperaturat deri në 15 gradë Celsius
Mbi Kosovë sot do të mbajë mot kryesisht me diell dhe vranësira të shperndara.
Sipas Institutit Hidrometeorologjik të Kosovës, në mëngjes paraqiten kushte për mjegull.

Temperaturat minimale do të lëvizn ndërmjet – 1 dhe 1 gradë, derisa ato maksimalet deri në 15 gradë Celsius.

“Do të fryjë erë e lehë nga jugperendimi”, thuhet në njoftimin e IHMK-së.

Marketing

Zhduket veterani i UÇK-së, Zylfi Tejeci nga fshati Gorozhup i Hasit

admin
-
0
Zhduket veterani i UÇK-së, Zylfi Tejeci nga fshati Gorozhup i Hasit

Është zhdukur veterani i UÇK-së, Zylfi Tejeci, nga fshati Gorozhup i Hasit.

Lajmi është bërë i ditur në rrjetin social Facebook nga OVL-ja e UÇK-së në Has.

“Organizata e Veteranëve të Luftës të Ushtrisë Çlirimtare të Kosovës, dega Has, është njoftuar nga familjarët e Zylfi Tejecit për humbjen e çdo kontakti me të. OVL UÇK Has lutet që çdo qytetar që ka informacione të lajmërojë Policinë e Kosovës”, thuhet në njoftim./PP/

Mund të jetë një imazh i 1 person

Marketing

Pas tensioneve mes tyre, Egli shkon ta zgjojë Gjestin nga gjumi

admin
-
0
Pas tensioneve mes tyre, Egli shkon ta zgjojë Gjestin nga gjumi

Pas tensioneve të mëdha mes tyre, Egli dhe Gjesti kanë ndarë një moment të qetë dhe të ndjeshëm në mëngjesin e sotëm.

Egli, e cila duket se ende ruan një afeksion të veçantë për Gjestin, vendosi ta zgjojë atë nga gjumi.

Ajo shkoi pranë shtratit të tij dhe iu ul lehtë në krevat, ndërsa ai ende flinte. Kur Gjesti u zgjua pjesërisht, i drejtoi një pyetje të thjeshtë: “Kur je zgjuar?”

Megjithëse biseda mbeti e shkurtë dhe pa shumë ngrohtësi, Egli nuk u largua.

Ajo vazhdoi të qëndrojë pranë tij, duke i ofruar praninë e saj në heshtje, pavarësisht se Gjesti nuk dha ndonjë shenjë konkrete që dëshiron të afrohet me të.

Ky moment duket se tregon përpjekjen e Eglit për të rikthyer afërsinë mes tyre, ndërsa Gjesti vazhdon të mbetet i rezervuar dhe i paqartë për ndjenjat e tij.

Sjellja e tij përforcon dilemat që kanë kapluar raportin mes tyre, duke lënë publikun dhe banorët e tjerë të shtëpisë në pritje për atë që mund të vijë më tej. /Telegrafi

Marketing

Kompleksi ‘Newco Elan’ ofron banesa të ëndrrave tuaja në zemër të Prizrenit

“Guraziu” në Prizren, me 20 vjet përvojë pune në vendosjen e dyerve, laminatit, parketit, kuzhinave dhe dhomave të fjetjes

“Adi-Plast” në Prizren, një emër i njohur në tregun e Kosovës dhe ndërkombëtar për vendosjen e dyerve dhe dritareve

Banesa në shitje nga Renelual Tahiri  

97-shi i LDK-së, Xhavit Ukaj: Mbështetje dhe besim në fshatrat Nashec, Grazhdanik dhe Bishtazhin

admin
-
0
97-shi i LDK-së, Xhavit Ukaj: Mbështetje dhe besim në fshatrat Nashec, Grazhdanik dhe Bishtazhin

Kandidati i LDK-së për deputet, Xhavit Ukaj, i cili mban numrin 97, në kuadër të fushatës zgjedhore ka takuar elektoratin në fshatrat Nashec, Grazhdanik dhe Bishtazhin.

“Sot zhvilluam takime të rëndësishme në fshatrat Nashec, Grazhdanik dhe Bizhtazhin, ku u pritëm me ngrohtësi dhe mbështetje të madhe nga banorët. Këto dy komunitete, të njohura për punën dhe përkushtimin e tyre, meritojnë vëmendje dhe projekte që sjellin zhvillim të qëndrueshëm”, shkruan ai në Facebook. “Faleminderit banorëve të Nashecit dhe Grazhdanikut për mikpritjen dhe besimin e treguar. Së bashku, mund të ndërtojmë një të ardhme më të ndritur!”

124 LDK
97 Xhavit Ukaj

Marketing

 

 

Marshi i hienave

admin
-
0
Marshi i hienave
Yrjet BERISHA
Vuajtjet numërohen me numra
Plagët përballojnë vuajtjet
Mos i hani numrat e kuptueshëm
Mos luani lojën e dhelprës
Nga goja hiqni fjalët e ëmbla
Dhëmbët tuaj lëshojnë helm
Lajkat ua njohim pa hapur gojë
Qafënthyen
1...223224225...8 750Page 224 of 8 750

Të gjitha materialet e portalit janë të mbrojtura me të drejtat autoriale. Ato mund të kopjohen, modifikohen, dhe ripublikohen vetëm duke iu referuar burimit PrizrenPress.com. Të drejtat autoriale janë të rezervuara, sipas dispozitave ligjore në fuqi në Republikën e Kosovës.

© 2019 NuclearAnt.

Kategoritë

Lidhuni Me Ne