Delegatët Kuvendi i pestë zgjedhor i Organizatës së Veteranëve të Luftës së Ushtrisë Çlirimtare të Kosovës, ia kanë besuar sot edhe një mandat 4 vjeçar Hysni Gucatit, i cili këtë pozitë e ka ushtruar edhe mandatin e kaluar.

Në këtë kuvend, Gucati i ka marrë 112 vota, kurse kundërkandidati i tij, Nasim Hardinaj ka marrë 95 vota.

Kompania e Ujësjellësit “Hidroregjioni Jugor” në Prizren ka bërë të ditur se pas përsëritjes së analizave të ujit të pijes në burimet e fshatit Banjë – Malishevë, ku ajo operon, u konstatua se uji është i pijshëm dhe mund të përdoret pa shqetësime nga banorët e zonës.

“Këto analiza janë realizuar pas disa shqetësimeve të ngritura nga qytetarët dhe pas verifikimeve të mëtejshme nga ekipi i ekspertëve të kompanisë. Pavarësisht pasigurisë që mund të ketë pasur për disa ditë, rezultatet përfundimtare kanë konfirmuar se uji përmbush të gjitha kriteret e sigurisë dhe mund të konsumohet nga banorët”, thuhet në njoftim.

Kompania ka theksuar se do të vazhdojë të monitorojë cilësinë e ujit në mënyrë periodike për të siguruar që standardet e shëndetit publik të mbahen gjithmonë.

Në përpjekje për të siguruar shërbim të pakompromis, “Hidroregjioni Jugor” i ka bërë thirrje qytetarëve që të raportojnë çdo shqetësim që mund të kenë në lidhje me cilësinë e ujit, për të mundësuar veprime të shpejta dhe të efektshme.

Kryeministri i  Kosovës, Albin Kurti, ka vizituar disa fabrika dhe biznese të njohura në rajonin e Sharrit dhe Prizrenit.

Ai ka vizituar  fabrikat “Meka” dhe “Sofra e Hasit”, si dhe kompanitë “Renelual Tahiri” dhe “Rizam Holding”, të cilat prodhojnë produkte të mishit, brumi, materiale betoni dhe objekte banesore.

“Këto katër biznese ofrojnë mbi 290 vende pune, shumë prej të cilave janë të populluara nga gra. Kurti theksoi se Qeveria e tij do të mbështesë gjithmonë bizneset, duke u mundësuar atyre që të rriten dhe zhvillohen, pasi ato janë një faktor kyç për rritjen e punësimit dhe zhvillimin ekonomik të Kosovës”, shkruan Kurti.