Anëtari i propozuar në komisionin përzgjedhës për drejtorët e shkollave, Arben Shala, ka reaguar ndaj akuzave të Lëvizjes Vetëvendosje, duke e cilësuar këtë si një tentativë për të diskredituar punën e suksesshme në komunë.

“Edhe aty ku nuk mund të gjejnë shkas, shpikin një dhe e procesojnë përmes makinerisë së propagandës. Kjo, që po e përmendni, është një riciklim i një akuze që disa vjet më parë është hedhur poshtë edhe nga prokuroria. Askush prej tyre nuk e tregon këtë sepse nuk iu konvenon; propaganda do ta humbiste qëllimin”, tha Shala për Telegrafin.

Lëvizja Vetëvendosje, në seancën e fundit të Kuvendit, kërkoi largimin e Shalës nga komisioni, me arsyetimin se ai është përfitues i një tenderi dhe subvencioneve nga komuna.

Shala thekson se kjo është një mënyrë e zakonshme e veprimit të këtij subjekti politik.

“E kuptoj që si parti janë të detyruar të gjejnë çfarëdo si mjet për të sulmuar partinë kundërshtare, pa zgjedhur mjete e mënyra. Nëse janë të detyruar të riciklojnë çështje nga disa vjet më parë dhe nuk mund të gjejnë shkaqe të tjera, atëherë është koha t’i japin fund kësaj”, deklaroi Shala.

Ai shtoi se ndjehet i privilegjuar që është shënjestruar nga Lëvizja Vetëvendosje si një armë lufte për të sulmuar partinë kundërshtare.

Marketing

Përjetoni pushime të paharruar dhe dasma magjike në Hotel “Albes Residence”

‘Kabashi Truck’ shet kamiona të punës

“Eli –Edona”, mobilieria me oferta më të mira në Prizren

“Guraziu” në Prizren, me 20 vjet përvojë pune në vendosjen e dyerve, laminatit, parketit, kuzhinave dhe dhomave të fjetjes

“Adi-Plast” në Prizren, një emër i njohur në tregun e Kosovës dhe ndërkombëtar për vendosjen e dyerve dhe dritareve

U.D. Kryeprokurori i Prokurorisë Themelore në Prizren, Petrit Kryeziu, priti në takim pune Inspektorët nga Komisioni i Pavarur për Miniera dhe Minerale, inspektorët komunal dhe përfaqësues nga policia për Rajonin e Prizrenit, lidhur me trajtimin e veprave penale kundër mjedisit. Po ashtu, në këtë takim morën pjesë edhe prokurorë nga Departamenti i Përgjithshëm i kësaj prokurorie, duke përfshirë koordinatorin për trajtimin e veprave penale kundër mjedisit.

Temë kryesore e këtij takimi ishte ndotja dhe degradimi i mjedisit në regjionin e Prizrenit.

U.D. Kryeprokurori Petrit Kryeziu, theksoi se shqetësuese janë rastet e shumta të nxjerrjes ilegale të zhavorrit dhe rërës përgjatë shtratit të lumit Drini i Bardhë, si dhe operimi ilegal i separacioneve.

“Nga të pranishmit, u kërkua bashkëpunim dhe koordinim sa i përket trajtimit të këtyre rasteve, për të ndërmarrë veprime aktive në drejtim të zbulimit dhe kapjes së kryesve të veprave penale që lidhen me degradim të mjedisit, po ashtu u kërkua ndërmarrja e veprimeve aktive në drejtim të sekuestrimit të mjeteve të kryerjes së veprave penale dhe dobisë pasurore”, njofton Prokuroria Themelore në Prizren.

“Të gjithë të pranishmit, u pajtuan që në të ardhmen të kenë takime të ngjashme, me qëllim ngitjen e bashkëpunimit ndër institucional dhe luftimin e kësaj dukurie”.

Prokuroria Themelore në Prizren, mbetet e përkushtuar maksimalisht në luftimin e dukurive të kundërligjshme që degradojnë ambientin dhe u bënë thirrje qytetarëve për bashkëpunim në luftimin e kësaj dukurie degraduese./PP/

Marketing

Përjetoni pushime të paharruar dhe dasma magjike në Hotel “Albes Residence”

‘Kabashi Truck’ shet kamiona të punës

“Eli –Edona”, mobilieria me oferta më të mira në Prizren

“Guraziu” në Prizren, me 20 vjet përvojë pune në vendosjen e dyerve, laminatit, parketit, kuzhinave dhe dhomave të fjetjes

“Adi-Plast” në Prizren, një emër i njohur në tregun e Kosovës dhe ndërkombëtar për vendosjen e dyerve dhe dritareve

Banesa në shitje nga Renelual Tahiri  

Vetëvendosje në Prizren ka kundërshtuar edhe një herë emrat e propozuar për përbërjen e komisionit përzgjedhës të drejtorëve të shkollave.

Kuvendarja e LVV-së në Prizren, Dafina Alishani, akuzoi qeverinë komunale që udhëhiqet nga PDK-ja se po e politizon arsimin.

“Anëtarët e këtij komisioni janë tashmë të njohur për incizimet që dëshmojnë manipulime në konkurse, ku përmenden emrat e kryetarit të Komunës, Shaqir Totaj, dhe të Luljeta Veselaj Gutaj,” tha Alishani.

Sipas saj, njëri prej anëtarëve të propozuar, Arben Shala, ka përfituar një tender për “Hartimin e planit për zhvillimin e arsimit në Komunën e Prizrenit” dhe subvencione nga Drejtoria e Kulturës, Rinisë dhe Sportit.

“Ky ekspert i ‘pavarur’ ka benefite nga kjo qeverisje,” theksoi ajo.

Alishani  kërkon nga qeveria komunale që të largohet nga ky komision emri i Arben Shalës. “Emri i Arben Shalës duhet të largohet për çështje etike,” tha Alishani./PP/

Marketing

Përjetoni pushime të paharruar dhe dasma magjike në Hotel “Albes Residence”

‘Kabashi Truck’ shet kamiona të punës

“Eli –Edona”, mobilieria me oferta më të mira në Prizren

“Guraziu” në Prizren, me 20 vjet përvojë pune në vendosjen e dyerve, laminatit, parketit, kuzhinave dhe dhomave të fjetjes

“Adi-Plast” në Prizren, një emër i njohur në tregun e Kosovës dhe ndërkombëtar për vendosjen e dyerve dhe dritareve