Policia e Kosovës ka njoftuar se në 24 orët e fundit në Kosovë janë shpërndarë 2 mijë e 224 tiketa trafiku.
Sipas forcave të rendit, u regjistruan edhe 46 aksidente trafiku me dëme materiale, 19 të tjera me të lënduar ndërsa një aksident me fatalitet.
Gjatë 24 orëve të fundit u arrestuan 21 persona ndërsa 13 u dërguan në mbajtje.
Kompleksi Sportiv i Rahovecit, investimi më i ri sportiv në komunë, është gati për t’u hapur me një sfidë të zjarrtë ndërmjet KF Rahoveci dhe KF Liria të Prizrenit këtë të diel, përcjell PrizrenPress.
Kryetari i Komunës, Smajl Latifi, zhvilloi dje një vizitë në kompleks, duke u shprehur i kënaqur me përfundimin e pjesës më të madhe të punimeve dhe me gatishmërinë e infrastrukturës për të pritur ndeshjen e së dielës.
Ky projekt i rëndësishëm, i financuar nga Komuna e Rahovecit, është drejt përfundimit të plotë dhe pritet të përurohet brenda këtij muaji. Megjithatë, fusha tashmë është plotësisht e përgatitur për lojë dhe gati të presë ekipet dhe tifozët./PrizrenPress.com/
Përjetoni pushime të paharruar dhe dasma magjike në Hotel “Albes Residence”
Kompleksi ‘Newco Elan’ ofron banesa të ëndrrave tuaja në zemër të Prizrenit
Gjykata e Prizrenit ka caktuar më 01.11.2024 masën e paraburgimit prej një muaji ndaj gjashtë të dyshuarve të arrestuar për fajde dhe detyrim në kuadër të operacionit “Milioni”.
Kështu ka konfirmuar për KALLXO.com u.d. kryeprokurori i Prizrenit, Petrit Kryeziu.
“Gjykata ka caktuar masën e paraburgimit për të gjithë të pandehurit” – tha Kryeziu.
Marketing
Përjetoni pushime të paharruar dhe dasma magjike në Hotel “Albes Residence”
Kompleksi ‘Newco Elan’ ofron banesa të ëndrrave tuaja në zemër të Prizrenit
Java e tetë e ProCredit Superligës do të sjellë përballjen më të zjarrtë të sezonit deri tani, derbin mes kampionit aktual Trepça dhe liderit të pamposhtur Bashkimi, përcjell PrizrenPress.
Kjo ndeshje e shumëpritur, që do të zhvillohet sot nga ora 17:00 në Mitrovicë, premton një atmosferë elektrizuese në prani të tifozëve të dy ekipeve.
Trepça vjen në këtë duel me pesë fitore dhe dy humbje, duke synuar të ndërpresë serinë e fitoreve të Bashkimit, i cili është i vetmi ekip pa humbje në Superligë, me shtatë fitore në shtatë ndeshje. Me një formë të tillë, Bashkimi mban vendin e parë dhe synon ta mbrojë me çdo kusht ndaj kampionit.
Ky takim jo vetëm që ka rëndësi për renditjen në tabelë, por përbën gjithashtu një provë force dhe prestigji për të dyja skuadrat, duke e shndërruar atë në ngjarjen kryesore të kësaj jave në basketbollin kosovar./PrizrenPress.com/
Përjetoni pushime të paharruar dhe dasma magjike në Hotel “Albes Residence”
Kompleksi ‘Newco Elan’ ofron banesa të ëndrrave tuaja në zemër të Prizrenit
Në mëngjes pritet të ketë mjegull, nëpër ultësira, njofton Instituti Hidrometeorologjik i Kosovës.
Temperaturat minimale do të lëvizin ndërmjet 0-3 gradë Celsius, ndërsa maksimalet ndërmjet 15 deri 18 gradë Celsius.
“Do të fryjë erë nga drejtimi i verilindjes me shpejtësi 1-3m/s”, shkruan mes tjerash në njoftim.
Përderisa në shtëpinë e Adem Aga Gjonit në Prizren punimet kanë përfunduar, në dy asete të Kamenicës ka nisur restaurimi.
Kështu bëri të ditur ministri i Kulturës, Hajrulla Çeku përmes një statusi në Facebook.
Lidhur me këtë, Çeku është shprehur se gjatë qeverisjes së tyre, buxheti për trashëgiminë kulturore është katërfishuar.
“Në qeverisjen tonë katërfishuam buxhetin për trashëgiminë kulturore. Për vetëm tri vjet e gjysmë kemi restauruar monumente e asete më shumë se në dekadën 2010-2020”.
Përjetoni pushime të paharruar dhe dasma magjike në Hotel “Albes Residence”
Kompleksi ‘Newco Elan’ ofron banesa të ëndrrave tuaja në zemër të Prizrenit
Bashkimi ka shënuar fitore të rëndësishme ndaj Penzës me rezultat 72:67 (21:13, 19:19, 18:15, 14:20), në kuadër të Superligës Femra, xhiroja e katërt.
Skuadra vendase nisi më mirë, duke mbyllur pjesën e parë me rezultatin 40:32.
Edhe pse çikat e Penzës luftuan deri në fund, ato nuk arritën t’ia shkaktonin humbjen vendaseve, të cilat zhvilluan një lojë të mirë.
Më të mirat nga Bashkimi ishin Caterrion Thompson me 21 pikë, 9 kërcime dhe 6 asistime, Aulona Muhadri me 16 pikë, 10 kërcime dhe 2 asistime.
Pas katër xhirove, Bashkimi mbetet i pamposhtur me 4 fitore, ndërsa Penza ka tri fitore dhe një humbje./PrizrenPress.com/
Përjetoni pushime të paharruar dhe dasma magjike në Hotel “Albes Residence”
Para dy ditësh është përuruar asfaltimi i një rruge që lidh fshatin Kërstec të Komunës së Dragashit dhe dy fshatra të Shqipërisë të banuar nga komuniteti joshumicë.
Në këtë përurim ka marrë pjesë edhe kryeministri Albin Kurti, pasi që Qeveria kishte ndarë 2.6 milionë euro për përurimin e kësaj rruge.
E sot në një reagim për media, nga komuna e Dragashit kanë thënë se ftesë për pjesëmarrje në këtë përurim nuk ka pasur kryetari i komunës që vjen nga LDK-ja, Bexhet Xheladini.
Nga kjo komunë kanë deklaruar se mosftuarja e Xheladinit ka të bëjë me një lëshim protokollar, teksa thanë se është edhe një veprim i shëmtuar dhe jo i ndershëm i atyre që e organizuan këtë ceremoni.
“Mosftuarja e kryetarit të Komunës sonë dhe ftuarja e kryetarit të Bashkisë Kukës, ishte një lëshim protokollar dhe një veprim i shëmtuar dhe jo i ndershëm i atyre që e organizuan këtë ceremoni. Po ashtu edhe injorimi që iu bë komunitetit joshumicë të Komunës sonë.Komuna e Dragashit është e përkushtuar për ndërtimin e raporteve të mira dhe korrekte ndërinstitucionale, pavarësisht dallimeve politike, partiake, ideologjike, etj. Andaj, shpresojmë që në të ardhmen, gjeste të tilla të pahijshme nga ana e institucioneve të mos ndodhin”, thuhet tutje në reagim.
Marketing
Përjetoni pushime të paharruar dhe dasma magjike në Hotel “Albes Residence”
Peja 03 ka shënuar fitor ndaj Junior 06 Moni Bau me rezultat 64:60 (13:14, 17:23, 17:12, 17:11) në kuadër të Superligës Femra, xhiroja e katërt.
Skuadra nga Prizreni filloi më fort, duke marrë epërsinë në pjesën e parë 30:37. Por çikat e Pejës nuk u dorëzuan!
Në periudhën e tretë dhe të katërt, ato arritën të shkrijnë epërsinë dhe kaluan në avantazh, duke treguar një lojë fantastike dhe triumfuan 64:60.
Më të mirat për Peja 03 ishin Veronika Liubinets me 17 pikë, 18 kërcime dhe 3 asistime, si dhe Tae’lor Earlene Willard me 16 pikë, 2 kërcime dhe 5 asistime.
Pas katër xhirove, Peja 03 ka dy fitore e dy humbje, ndërsa Junior 06 ka një fitore e tri humbje./PrizrenPress.com/
Marketing
Përjetoni pushime të paharruar dhe dasma magjike në Hotel “Albes Residence”
Rihanna ka vendosur të marrë një rol të veçantë për mikun e saj të vjetër Eminem.
Sipas një raportimi të In Touch, Rihanna ka vendosur të luajë një mblesëri për shoqen e saj beqare.
“Rihanna, si shumë njerëz në jetën e tij, nuk mund ta kuptojë pse ai është ende beqar dhe ajo ka vendosur ta bëjë misionin e saj t’i gjejë një të dashur”, tha një burim i brendshëm.
Ata shtuan, “Ajo e njeh atë mjaft mirë për të ditur se çfarë lloj gruaje do të ishte një përshtatjs e mirë dhe ajo ka shumë ide se me kë ta vendosë atë.”
Burimi deklaroi se gjetja e një vajze për reperin, i cili preferon jetën beqar, është më pak sfiduese pasi duhet ta bësh atë të pranojë të takohet.
“Problemi është që Eminem të pajtohet sepse ai është ende shumë i mbyllur ndaj idesë. Ai pretendon se është më i lumtur në vetvete dhe nuk dëshiron të merret me dramën e takimit, por Rihanna nuk po merr jo si përgjigje”, tha burimi.
Ata shtuan se këngëtarja mendon se Eminem “po e lë jetën t’i kalojë”.
Megjithatë, Rihanna është zotuar se do ta kryejë misionin e saj.
Përjetoni pushime të paharruar dhe dasma magjike në Hotel “Albes Residence”