Drejtoria e Shëndetësisë ka furnizuar sot Shërbimin Urgjent të Prizrenit me dy autoambulanca të reja, të pajisura me të gjitha mjetet e nevojshme mjekësore për të siguruar përgjigje të shpejtë dhe efikase në rastet emergjente.

Kryetari i Prizrenit, Shaqir Totaj, theksoi rëndësinë e këtij investimi për përmirësimin e shërbimeve të urgjencës.

Ai u shpreh se këto autoambulanca ofrojnë mundësi më të mira teknike, duke rritur kështu efikasitetin në trajtimin e pacientëve në situata kritike.

Drejtori i Shëndetësisë, Simir Krasniqi, dhe udhëheqësi i Qendrës për Mjekësi Familjare “Nexhip Berisha”, Fadil Bajraktari, theksuan se investimi për këto autoambulanca, të pajisura me mjete moderne, ka si qëllim krijimin e kushteve më të mira për stafin e Urgjencës, në mënyrë që të ofrohet shërbim cilësor për pacientët.

Përgjegjësi i Shërbimit të Urgjencës, Arbnor Ukaj, theksoi se me sigurimin e këtyre dy autoambulancave, shërbimi do të jetë në gjendje të reagojë më shpejt ndaj nevojave emergjente.

Ai tregoi se ky investim, i cili kap vlerën e 147 mijë eurove, do t’i mundësojë Shërbimit të Urgjencës të ketë në dispozicion gjithsej 11 autoambulanca për trajtimin e rasteve emergjente.

Marketing

Përjetoni pushime të paharruar dhe dasma magjike në Hotel “Albes Residence”

“Guraziu” në Prizren, me 20 vjet përvojë pune në vendosjen e dyerve, laminatit, parketit, kuzhinave dhe dhomave të fjetjes

“Adi-Plast” në Prizren, një emër i njohur në tregun e Kosovës dhe ndërkombëtar për vendosjen e dyerve dhe dritareve

Tetë muaj pas nënshkrimit të marrëveshjes së mirëkuptimit ndërmjet Komunës së Prizrenit dhe Ministrisë së Zhvillimit Rajonal është iniciuar procedura e prokurimit për përzgjedhjen e operatorit ekonomik që do të ndërtojë objektin e ri për nevojat e shoqatës “Esnaf”.

Njoftimi për kontratë, për projektin e titulluar “Ndërtimi i objektit administrativ për nevojat e zejtarëve ESNAF në Prizren” është publikuar të martën nga Komuna e Prizrenit, raporton Telegrafi.

“Do të bëhet rrënimi i objektit ekzistues si dhe ndërtimi i komplet objektit të ri”, thuhet në dosjen e tenderit.

Ministri i Zhvillimit Rajonal, Fikrim Damka dhe kryetari i Komunës së Prizrenit më 20 shkurt të këtij viti patën nënshkruar marrëveshjen e mirëkuptimit në kuadër të Programit për Zhvillim Rajonal 2024 për projekte të investimeve kapitale, respektivisht për zbatimin e projektit të përbashkët “Ndërtimi i objektit administrativ për nevojat e zejtarëve “ESNAF”.

Ndërkaq “Esnaf” muaj më parë pat shprehur kënaqësinë që ky projekt kapital po ec drejt jetësimit në 30-vjetorin e themelimit të shoqatës.

Në njoftimin e “Esnafit” thuhej se objekti i ri, në aspektin arkitektonik do të jetë një gërshetim i tradicionales dhe modernes dhe se do të shërbej si një qendër shumë funksionale.

Shoqata e Biznesmenëve dhe Zejtarëve “Esnaf” është themeluar në vitin 1994, me qëllim që të kontribuojë në zhvillimin ekonomik. /Telegrafi/

Marketing

Përjetoni pushime të paharruar dhe dasma magjike në Hotel “Albes Residence”

“Guraziu” në Prizren, me 20 vjet përvojë pune në vendosjen e dyerve, laminatit, parketit, kuzhinave dhe dhomave të fjetjes

“Adi-Plast” në Prizren, një emër i njohur në tregun e Kosovës dhe ndërkombëtar për vendosjen e dyerve dhe dritareve

Drejtoria e Përgjithshme e spitalit të Prizrenit është përgjigjur me shkrim për ankesën e objektit të repartit të pediatrisë.

Nga kjo drejtori kanë thënë se ky repart është shumë i vjetër dhe për arsye të vjetërsisë edhe renovimet në atë vend nuk po kryejnë punë.

Sipas kësaj drejtorie projekti është i gatshëm dhe janë në pritje të mjeteve financiare që të zgjidhet problemi.

“Objekti ku është i vendosur Reparti i Pediatrisë është një objekt i vjetër dhe cështja e e ngritur nga ju është trashëguar dhe në repart disa herë janë bërë intervenime po përshkak të vjetërsisë së objektit dëmtimet e mureve po përseriten sidomos në hapsirat e nyjeve sanitare, për stabilizim të gjendjes nga ekspertët është kërkuar renovimi i tërsishëm i repartit përfshirë edhe ndërrimin e sistemit të ujësjellsit, kanalizimit dhe rrjetit elektrik, projekti është i gatshëm dhe jemi në pritje të burimit të mjeteve financiare, në momentin që do të sigurohen mjetet do të realizohet menjëherë projekti dhe do të zgjidhet problemi në fjalë”, thuhet në përgjigjen e ministrisë për Kanal10.

Rikujtojmë se një qytetare nga komuna e Prizrenit në një lidhje direket me Arben Ahmetin në emisionin “Adresa e ankesave”, është ankuar për gjendjen e keqe në Pediatrinë e Spitalit të Prizrenit, ku ajo thotë se po rri më fëmijën e saj të sëmurë në një dhomë me erë myku./Gazeta10

Marketing

Përjetoni pushime të paharruar dhe dasma magjike në Hotel “Albes Residence”

“Guraziu” në Prizren, me 20 vjet përvojë pune në vendosjen e dyerve, laminatit, parketit, kuzhinave dhe dhomave të fjetjes

“Adi-Plast” në Prizren, një emër i njohur në tregun e Kosovës dhe ndërkombëtar për vendosjen e dyerve dhe dritareve