Komuna e Prizrenit ka njoftuar se të hënën është mbajtur konsultimi publik me akterët e shoqërisë civile për përfshirjen e nevojave të personave me aftësi të kufizuara në politikat publike.

Qëllimi i takimit, në kuadër të projektit EMPOËERED – Përfshirja e Personave me Aftësi të Kufizuara, organizuar nga PREDA Plus dhe Komuna e Prizrenit, sipas njoftimit ka qenë mbledhja e ideve dhe propozimeve për politika sa më gjithëpërfshirëse dhe një mjedis më të qasshëm për të gjithë.

“Bashkë me nënkryetarin Kujtim Gashi, përfaqësues të institucioneve, shoqërisë civile dhe qytetarë, diskutuam mbi përfshirjen dhe nevojat e personave me aftësi të kufizuara. Theksova rëndësinë e përfshirjes së tyre si një detyrë të përbashkët dhe prioritet të komunës sonë”, ka bërë të ditur kryetari Totaj.

Ndërkaq nënkryetari Gashi ka pohuar se PAK-të janë pjesë e çmuar e shoqërisë.

“Prandaj, po zhvillojmë konsultime të drejtpërdrejta me përfaqësuesit e tyre, për të ndërtuar së bashku projekte të reja që i përgjigjen realisht nevojave dhe kërkesave të tyre. Është detyrë e jona që zëri i tyre të dëgjohet dhe të shndërrohet në veprim konkret”, është shprehur Gash

Kompania Rajonale e Ujësjellësit “Hidroregjioni Jugor” sh.a., në bashkëpunim dhe me asistencën e Policisë së Kosovës, ka njoftuar se më 17 qershor 2025 do të nisë një aksion për shkyçjen e konsumatorëve që janë lidhur në mënyrë të paligjshme në rrjetin e ujësjellësit, si dhe për ata që kanë borxhe të papaguara për një periudhë të gjatë kohore.

Aksioni do të fillojë nga ora 09:00 dhe do të zhvillohet në zona të ndryshme të shërbimit, sipas planifikimit të ekipeve teknike dhe menaxheriale të kompanisë.

“Qëllimi i këtij aksioni është parandalimi i keqpërdorimit të shërbimeve publike, rritja e përgjegjësisë qytetare dhe respektimi i ligjit”.

KRU “Hidroregjioni Jugor” u bën thirrje konsumatorëve që të shlyejnë borxhet e tyre dhe të largohen vullnetarisht nga lidhjet ilegale, për të shmangur masa ndëshkuese dhe procedura ligjore.

Ky veprim është pjesë e përpjekjeve të vazhdueshme për sigurimin e një shërbimi cilësor dhe të ligjshëm për të gjithë qytetarët./PP/

Marketing

Me aktivitete të shumta, Malisheva ka shënuar 16 Qershorin, Ditën e Çlirimit dhe Ditën e Dëshmorëve. Kjo datë lidhet ngushtë me rënien e dëshmorit të parë, të fundit, dhe çlirimin e Komunës së Malishevës.

Kryetari Ekrem Kastrati priti mysafirët në një ceremoni zyrtare, pas së cilës u bënë homazhe dhe u vendosën kurora lulesh në varrezat e dëshmorëve në Malishevë dhe Kleçkë.

Po ashtu, u përurua pllaka me “Betimin e ushtarit të UÇK-së”, pranë muzeut dhe shtëpisë së OVL të UÇK-së në Malishevë, si dhe u hap zyrtarisht objekti i ri i dedikuar veteranëve të luftës, përkatësisht OVL të UÇK-së në Malishevë.

Manifestimi qendror u mbajt në Shtëpinë e Kulturës “Tahir Sinani”, ku përveç fjalimeve solemne, u ndanë edhe çmimet tradicionale për trimëri, heroizëm, kontribut në arsimin shqip dhe shëndetësi.

Me këtë rast, drejtuesit e komunës dhe të organizatave të dala nga lufta uruan të gjithë qytetarët për Ditën e Çlirimit, duke përkujtuar me nderim 85 dëshmorët e Malishevës, të rënë në luftën çlirimtare të UÇK-së.

“Kjo është dita e krenarisë sonë. Shënojmë 26-vjetorin e çlirimit të Malishevës, kujtojmë dëshmorët dhe sakrificën e secilit luftëtar, që bashkë me përkrahjen e popullit dhe të botës demokratike, sollën lirinë. Malisheva ishte zemra e luftës: selia e shtabit të përgjithshëm të UÇK-së, vendi i zërit të lirisë dhe i diplomacisë ndërkombëtare”, ka theksuar Kastrati.

Sipas njoftimit, ai ka thënë se liria nuk është e plotë pa lirimin e krerëve të luftës që po mbahen padrejtësisht në Hagë, si Hashim Thaçi, Jakup Krasniqi, Kadri Veseli, Rexhep Selimi, Isni Kilaj, Haxhi Shala dhe të tjerë.

Kastrati foli edhe për zhvillimin e përgjithshëm të komunës pas luftës, duke theksuar investimet dhe lirimin e hapësirave publike në mandatin e tij.

Kryesuesi i Kuvendit Komunal të Malishevës, Argjend Thaçi, theksoi se “Malisheva ishte zemra e rezistencës dhe luftës çlirimtare”, duke përmendur kronologjinë e përpjekjeve për liri dhe rolin e veçantë të dëshmorëve, të cilët, siç tha ai, “nuk e panë lirinë, por janë drita e saj”.

Edhe Thaçi, shprehu shqetësimin e përgjithshëm për mbajtjen të padrejtë të krerëve të luftës, në nga ana e gjykatës në Hagë.

Kryetari i degës së OVL të UÇK-së në Malishevë, Metush Kryeziu, bëri thirrje për bashkim të spektrit politik në shërbim të interesave të vendit.

Ai gjithashtu shprehu shqetësimin e të gjithëve, për mbajtjen e padrejtë të krerëve të UÇK-së në gjykata ndërkombëtare, duke uruar qytetarët për këtë ditë të rëndësishme.

Në fund të manifestimit, u ndanë çmimet tradicionale:

Për trimëri dhe heroizëm – Çmimi “Imer Krasniqi”:

Naser Shala (pas vdekjes), Tahir Ulluri, Feim Thaçi (pas vdekjes), Hajdin Berisha (pas vdekjes) dhe Hajrullah Mazreku (pas vdekjes).

Për kontribut në mjekësi – Çmimi “Dr. Shpëtim Robaj”:

Dr. Haki Balaj (pas vdekjes), Fatime Gashi-Mazreku dhe Shehide Hoti-Gashi.

Për kontribut në arsimin shqip – Çmimi “Hamdi Berisha”:

Sylejman Telaku dhe Haxhi Kastrati.

Në fund, është dhënë edhe një program kulturor dhe artistik.