20.7 C
Prizren
E enjte, 7 Maj, 2026
type here...
Home Blog Page 455

Hamdi Bytyqi kandidat i LVV-së për kryetar të Therandës

admin
-
0
Hamdi Bytyqi kandidat i LVV-së për kryetar të Therandës

Lëvizja Vetëvendosje ka zyrtarizuar Hamdi Bytyqin si kandidat për kryetar të Komunës së Therandës në zgjedhjet lokale që do të mbahen në vjeshtë.

Kliko videon: https://www.facebook.com/PrizrenPress/videos/10046792598768386

Njoftimi është bërë gjatë një tubimi të mbajtur sot në këtë komunë, në prani të kryetarit të LVV, Albin Kurti dhe drejtuesve të lartë të subjektit.

“Theranda është gati për të vetëvendosur edhe në nivelin lokal! Hamdi Bytyqi është alternativa më e mirë për qytetarët”, thuhet në njoftimin e LVV-së.

Pjesë e ngjarjes ishin gjithashtu Sekretari Organizativ i LVV-së, koordinatori i qendrave, deputeti Zyba, kryetari i qendrës në Therandë, dhe Sekretari për media, Arlind Manxhuka.

Në deklaratën zyrtare u theksua se fryma e investimeve të Qeverisë Kurti do të vazhdohet edhe në nivelin lokal përmes një qeverisjeje që vendos qytetarin në qendër të politikës komunale.

Marketing

Ceremoni përkujtimore në Prizren për ikonën e kinematografisë Bekim Fehmiu

admin
-
0
Ceremoni përkujtimore në Prizren për ikonën e kinematografisë Bekim Fehmiu

Në përvjetorin e ndarjes nga jeta të aktorit legjendar Bekim Fehmiu, Teatri i Qytetit “Bekim Fehmiu” në Prizren organizoi një ceremoni përkujtimore për të nderuar jetën dhe veprën e tij të jashtëzakonshme.

Në këtë ngjarje simbolike, pjesëmarrësit hodhën lule në lumin Lumbardh – në vendin ku vite më parë ishte shpërndarë hiri i aktorit, në një akt solemn që përkujton lidhjen e tij të thellë me qytetin e lindjes.

Të pranishëm në ceremoni ishin familjarë, miq, bashkëpunëtorë dhe artdashës, të cilët ndanë kujtime dhe reflektime për rolin që Bekim Fehmiu pati jo vetëm në artin shqiptar, por edhe në skenën ndërkombëtare.

“Bekim Fehmiu mbetet një emër i pavdekshëm që vazhdon të frymëzojë brezat e rinj të artistëve,” thuhet në njoftimin e Teatrit të Qytetit, që mban me krenari emrin e tij.

Aktori Bekim Fehmiu, i lindur në Prizren, është një nga figurat më të ndritura të kinematografisë shqiptare dhe ballkanike, i njohur për rolet e tij në produksione ndërkombëtare dhe për guximin e tij në mbrojtjen e vlerave artistike e njerëzore.

“Kujtimi i tij vazhdon të jetojë në zemrat e të gjithëve që e njohën dhe u frymëzuan prej tij”, thuhet në njoftim.

Marketing

Mot kryesisht me diell dhe temperatura të larta gjatë javës së ardhshme

admin
-
0
Mot kryesisht me diell dhe temperatura të larta gjatë javës së ardhshme

Reshje të izoluara parashihen të martën, të mërkurën dhe të premten, kryesisht në formë të rrebesheve afatshkurtra në zona të kufizuara.

Kliko videon: https://www.facebook.com/PrizrenPress/videos/10046792598768386

Temperaturat minimale do të lëvizin ndërmjet 10 dhe 15°C, ndërsa maksimalet pritet të arrijnë deri në 30°C në disa rajone.

Vlen të theksohet se indeksi UV do të jetë i lartë gjatë gjithë javës, ndaj qytetarët këshillohen të mbrohen nga ekspozimi i gjatë në diell.

Marketing

Trump: E ndala shpërthimin e luftës Kosovë-Serbi, do të sjell paqe edhe mes Iranit e Izraelit

admin
-
0
Trump: E ndala shpërthimin e luftës Kosovë-Serbi, do të sjell paqe edhe mes Iranit e Izraelit

Presidenti i Shteteve të Bashkuara të Amerikës, Donald Trump, u ka bërë thirrje Iranit dhe Izraelit që të arrijnë një marrëveshje paqeje, ndërsa në mesazhin e tij ka përmendur edhe rastin e Kosovës dhe Serbisë si shembull të suksesit të tij në diplomaci.

Kliko videon: https://www.facebook.com/PrizrenPress/videos/10046792598768386

Në një postim në platformën e tij “Truth Social”, Trump ka deklaruar se gjatë mandatit të tij të parë kishte ndalur një konflikt të mundshëm mes Kosovës dhe Serbisë, që sipas tij ishte “gati të shpërthente në luftë”.

“Irani dhe Izraeli duhet ta bëjnë një marrëveshje, dhe do ta bëjnë një marrëveshje, ashtu siç e bëra unë Indinë dhe Pakistanin të arrijnë një marrëveshje… Gjithashtu, gjatë mandatit tim të parë, Serbia dhe Kosova ishin duke e përshkallëzuar situatën me intensitet… dhe ky konflikt i vjetër ishte gati të shpërthente në luftë. Unë e ndala. Biden e ka dëmtuar perspektivën afatgjatë me disa vendime të këqija, por unë do ta rregulloj përsëri”, shkroi Trump.

Ai përmendi gjithashtu ndërhyrjen e tij për të ulur tensionet midis Egjiptit dhe Etiopisë për çështjen e digës në lumin Nil.

Në fund të postimit të tij, Trump tha se po zhvillohen shumë telefonata dhe takime për të arritur paqe mes Izraelit dhe Iranit.

“Do të kemi paqe së shpejti midis Izraelit dhe Iranit. Bëj shumë dhe nuk marr kurrë meritë për asgjë, por është OK, populli e kupton. Bëje Lindjen e Mesme të Madhe Përsëri!”, shkroi Trump.

Këto deklarata të Trump vijnë në një kohë kur tensionet mes Izraelit dhe Iranit janë përshkallëzuar për të tretën ditë radhazi, me kërcënime të ndërsjella për përdorim të forcës edhe më të madhe.

Marketing

Industria e mishit “Medina” në Prizren – traditë, cilësi dhe shije autentike të produkteve të mishit që nga viti 1991

admin
-
0
Industria e mishit “Medina” në Prizren – traditë, cilësi dhe shije autentike të produkteve të mishit që nga viti 1991

Parimi ynë është i qartë: të kontribuojmë me integritet në zhvillimin komercial të vendit tonë, duke ofruar produkte të besueshme, të shëndetshme dhe me shije të jashtëzakonshme. Për ne, reputacioni ndërtohet me punë të ndershme dhe cilësi të pakompromis.

Kush jemi ne?
Medina është një kompani me rrënjë të thella në industrinë e mishit dhe produkteve të tij – aktivitetin e saj e ka nisur që nga viti 1991, duke evoluar ndër vite me investime të vazhdueshme në teknologji dhe standarde ndërkombëtare.

Sot, prodhojmë me krenari:
Suxhuk Boutique & shtëpie
Sallam & proshutë të specializuar
Produkte të freskëta viçi dhe pule

Certifikimet tona:

  • TSE ISO 9001 – Menaxhimi i Cilësisë
  • TSE ISO 22000 – Siguria Ushqimore

Me një hapësirë prodhimi prej 2,900 m² dhe një kapacitet vjetor prej 200 tonësh, jemi të pranishëm në tregun vendor dhe ndërkombëtar – gjithmonë me standardin “Medina” për cilësi të lartë.

Misioni ynë

Të ofrojmë mish dhe produkte të mishit të cilësisë më të lartë në të gjithë Kosovën, duke rritur ndërgjegjësimin për ushqim të shëndetshëm dhe përbërësit natyralë të dobishëm për organizmin.

Vizioni ynë

Të jemi zgjedhja nr. 1 e konsumatorëve për cilësi, besueshmëri dhe përkushtim ndaj standardeve shëndetësore dhe higjienike – çdo ditë, në çdo produkt, në çdo tryezë.

Orari i punës:
E Hënë – E Premte | 09:00 – 17:00

Kontakti:
+383 (0) 44 / 33 74 22
[email protected]
[email protected]
[email protected]

Zgjedh Medina – Zgjedh Cilësinë që i Beson!
#Medina #ProduktNatyral #SuxhukTradicional #CilësiKosovare

Mund të jetë një imazh i teksti që thotë "NGA MEDINA, N? ???? T? INOUSTRIAEMISHIT INDUSTRIA MISHIT MEDINA"

Mund të jetë një imazh i hotdog dhe teksti

Balje: Zgjedhjet lokale e vendosin Kuvendin në çështje sekondare

admin
-
0
Balje: Zgjedhjet lokale e vendosin Kuvendin në çështje sekondare

Deputetja e Kuvendit të Kosovës, Duda Balje, tha se nuk ka asnjë informacione për zhvillimet e reja dhe për të dalë nga kriza institucionale.

Kliko videon: https://www.facebook.com/PrizrenPress/videos/10046792598768386

Sipas saj, caktimi i datës për zgjedhjet lokale e vendosin kuvendin në çështje sekondare.

Ajo foli se LDK ka bërë hap konkret për të dalë nga kriza, duke propozuar një plan konkret.

Marketing

Aksion në lokalet e natës në Prizren/ Arrestohen pesë persona, sekuestrohen armë dhe thika

admin
-
0
Aksion në lokalet e natës në Prizren/ Arrestohen pesë persona, sekuestrohen armë dhe thika

Një operacion i planifikuar nga Policia e Kosovës në Prizren, në bashkëpunim me Prokurorinë Themelore, ka rezultuar me arrestimin e pesë personave dhe sekuestrimin e armëve të zjarrit dhe mjeteve të ftohta.

Kliko videon: https://www.facebook.com/PrizrenPress/videos/10046792598768386

Mbrëmjen e 14 qershorit, njësitet policore të Stacionit në Prizren kanë kryer kontrolle në disa lokale të natës të llojit bar-lounge, me qëllim garantimin e rendit dhe sigurisë publike. Sipas njoftimit zyrtar, katër prej të dyshuarve janë kapur me thika të fshehura në brez, ndërsa një tjetër është ndaluar pasi iu gjet një armë zjarri pa leje.

“Të gjithë personat e dyshuar janë arrestuar dhe intervistuar në prani të avokatëve mbrojtës, ndërsa me vendim të prokurorit të shtetit janë dërguar në ndalim policor për 48 orë”, thuhet në njoftimin e policisë.

Materialet e sekuestruara – armët dhe thikat – do të përdoren si prova në procedurën penale ndaj të dyshuarve, të cilët përballen me akuzën “Mbajtje në pronësi, kontroll ose posedim të paautorizuar të armëve”.

Policia e Kosovës ka ritheksuar angazhimin e saj për të garantuar siguri për qytetarët dhe për të parandaluar veprimtaritë e paligjshme.

“Jemi të përkushtuar në mbrojtjen e rendit dhe ligjit, si dhe në mbajtjen nën kontroll të veprimeve që rrezikojnë sigurinë publike”, thuhet më tej në njoftim./PP/

Marketing

 

Prizreni në duart e interesave – LDK: Krimi urbanistik nën qeverisjen Totaj

admin
-
0
Prizreni në duart e interesave – LDK: Krimi urbanistik nën qeverisjen Totaj

Komuna e Prizrenit po përballet me një nga krizat më serioze të planifikimit urban, teksa akuzat për keqpërdorim të pushtetit lokal janë bërë publike dhe të dokumentuara. Dega e Lidhjes Demokratike të Kosovës (LDK) në këtë komunë ka ngritur shqetësimin për, siç e cilëson ajo, “shndërrimin e Prizrenit në një zonë të krimit urbanistik”.

Kliko videon: https://www.facebook.com/PrizrenPress/videos/10046792598768386

Reagimi i LDK-së vjen pas publikimit të një hulumtimi të realizuar nga  “Betimi për Drejtësi”, ku evidentohen praktika që bien ndesh me çdo standard të qeverisjes lokale.

Sipas këtij hulumtimi, në Komunën e Prizrenit janë dokumentuar raste të “ndryshimit taktik të numrave të parcelave për të lëshuar leje të shumëfishta ndërtimi për të njëjtën pronë”, “tejkalime të miratuara të kateve”, si dhe “lëshim i certifikatave të përdorimit në kundërshtim me ligjin”.

“Këto veprime nuk janë thjesht shkelje teknike – ato janë shkatërrim sistematik i rendit ligjor në funksion të përfitimeve të një grushti njerëzish”, thuhet në reagimin e LDK-së.

Përgjegjësia për këtë situatë, sipas kësaj partie, bie mbi qeverisjen aktuale komunale, në krye me Shaqir Totajn.

“Kryetari Totaj gjithnjë e më shumë shihet si një figurë protokollare, ndërsa pushteti real ushtrohet nga individë dhe grupe të interesit që veprojnë pa llogaridhënie dhe përtej ligjit”, shton LDK.

Partia opozitare kërkon ndërhyrje të menjëhershme nga organet e drejtësisë.

“Është radha e Prokurorisë që të veprojë me gjithë forcën e ligjit. Të dhënat dhe faktet janë publike, të dokumentuara dhe serioze”.

LDK paralajmëron se muaji tetor – kur pritet të mbahen zgjedhjet lokale – do të jetë mundësi reale për të përmbysur atë që e quan “model të errët të udhëheqjes në Prizren”.

“Qyteti meriton një qeverisje që mbështetet në ligj, drejtësi dhe interes publik – jo në marrëveshje të heshtura dhe pazar të mbyllur”./PrizrenPress.com/

Marketing

 

Prizreni blindon mesfushën: Hazer Brahaj rinovon kontratën

admin
-
0
Prizreni blindon mesfushën: Hazer Brahaj rinovon kontratën

Klubi fubollistik Prizreni ka siguruar vazhdimësinë e njërit prej lojtarëve më të rëndësishëm të skuadrës, Hazer Brahaj, duke rinovuar kontratën me mesfushorin që është cilësuar si “zemra dhe motori i ekipit”, raporton PrizrenPress.

Në njoftimin zyrtar, klubi e ka vlerësuar lartë kontributin e tij ndër vite, duke theksuar se “Hazeri ka dhënë gjithmonë maksimumin në çdo minutë, në çdo ndeshje dhe në çdo stërvitje”. Ai është përshkruar si një shembull për të gjithë ekipin falë përkushtimit dhe profesionalizmit që e karakterizon.

“Me Hazerin në mesin tonë, vazhdojmë rrugëtimin drejt objektivave të mëdha dhe jemi të bindur se ai do të jetë përsëri një nga lojtarët kyç në sukseset tona të radhës”, thuhet më tej në komunikatën e klubit. /PrizrenPress.com

Marketing

Dështon edhe përpjekja e 32-të e konstituimit të Kuvendit të Kosovës

admin
-
0
Dështon edhe përpjekja e 32-të e konstituimit të Kuvendit të Kosovës

Deputetët vazhdojnë të dështojnë ta konstituojnë përbërjen e re të Kuvendit të Kosovës edhe katër muaj pas mbajtjes së zgjedhjeve parlamentare të 9 shkurtit, duke e lënë vendin pa institucione të reja.

Ata u mblodhën sot për herë të 32 radhazi, çdo të dytën ditë që nga 15 prill dhe u larguan shpejt si rendomë pa gjetur zgjidhje për zhbllokimin e ngërçit politik. Ata do të mblidhen përsëri pas 48 orëve, pra të martën e 17 qershorit.

Në seancën e së dielës u pa një interesim i vogël edhe për të marrë pjesë madje, pasi vetëm 75 deputetë ishin të pranishëm nga 120 sa ka Kuvendi i Kosovës.

Marketing

 

1...454455456...9 188Page 455 of 9 188

Të gjitha materialet e portalit janë të mbrojtura me të drejtat autoriale. Ato mund të kopjohen, modifikohen, dhe ripublikohen vetëm duke iu referuar burimit PrizrenPress.com. Të drejtat autoriale janë të rezervuara, sipas dispozitave ligjore në fuqi në Republikën e Kosovës.

© 2019 NuclearAnt.

Kategoritë

Lidhuni Me Ne