Policia e Prizrenit, ka arrestuar gjatë 24 orëve të fundit edhe të dyshuarin e tretë për grabitje dhe vjedhje të rënda në shumë lokacione të komunës së Prizrenit, Rahovecit dhe Gjakovës. Para një jave policia në rrugën e transitit në Prizren, kishte arrestuar dy të dyshuar për vjedhje si bashkëautor të arrestuarit të fundit A. Gashi ( 36 vjeç), ka bërë të ditur zyrtari për informim e Drejtorisë Rajonale të Policisë në Prizren, rreshter Vesel Gashi.

Rreshteri Gashi, tha se gjatë bastisjes së shtëpive të të arrestuarve janë sekuestruar gjësende të ndryshme si: teknikë e bardhë, kalorifer, TV Plazma, shumë mjete të punës për ndërtimtari dhe me vlerë të kushtueshme. Ai tha se gjatë arrestimit të të dyshuarit A.Gashi,është gjetur edhe një pistoletë, me ç’rast është bërë edhe sekuestrimi i armës, njoftoi rreshteri Gashi. Ftohen banorët e Lagjes “ Arbana” dhe asaj “ Jeta e Re” si dhe të fshatrave Landovicë,Atmaxhë, Gjonaj, Krajkë që të lajmërohen në polici për të marrë gjësendet e tyre, sepse autorët e dyshuar të vjedhjeve të rënda mendohet të kenë ushtruar veprimtarinë e tyre kriminale në këto lagje dhe vendbanime…/TVPZ/

Kryetari i Prizrenit. Ramadan Muja,ka uruar Kancelarin e Ipeshkvisë së Kosovës, shkëlqesinë e tij Don Shan Zefi dhe të gjithë qytetaret e besimit katolik të komunës me rastin e Ditës së Pashkës.

“Kjo festë bashkë me urimet qe bartë brenda vetës, le të na shërbejë në forcimin e dashurisë për njeri-tjetrin dhe kultivimin e tolerancës, si vlerë e demokracisë për ne dhe brezat qe do të vijnë”, thuhet në urimin e Mujës.

“Dita e Pashkës, uroj qe të na sjellë, shëndet dhe lumturi në familjet tona.
Urime për shumë mote”/PrizrenPress.com/

Katër perona janë arrestuar brenda 24 orësh në rajonin e Prizrenit. Tre të arrestuarit janë nga Prizreni, ndërsa një nga Suhareka. Arrestimi i tyre është bërë me urdhër të Gjykatës Themelore në Prizren.

Raporti i Policisë së Kosovës
Fshati Mojsi Golemi, Prizren 02.04.2015 – 07:30. Në bazë të urdhëresës së lëshuar nga Gjykata Themelore në Prizren është arrestuar i dyshuari mashkull K-Shqiptar dhe i njëjti dërgohet në vuajtje të dënimit.
Rr. “Beteja e Kabashit”, Prizren 02.04.2015 – 12:30. Në bazë të urdhëresës së lëshuar nga Gjykata Themelore në Prizren është arrestuar i dyshuari mashkull K-Shqiptar dhe i njëjti pas pagesës së gjobës së përcaktuar nga gjykata lirohet.

Rr. “Zekrija Rexha”, Prizren 02.04.2015 – 13:30. Në bazë të urdhëresës së lëshuar nga Gjykata Themelore në Prizren është arrestuar i dyshuari mashkull K-Shqiptar dhe i njëjti pas pagesës së gjobës së përcaktuar nga gjykata lirohet.

Gjinoc, Suharekë 02.04.2015 – 09:00. Në bazë të urdhëresës së lëshuar nga Gjykata Themelore në Suharekë është arrestuar i dyshuari mashkull K-Shqiptar dhe i njëjti pas pagesës së gjobës së përcaktuar nga gjykata lirohet./PrizrenPress.com/

Kryetari i Komunës së Malishevës, Ragip Begaj, këto ditë po qëndron në Turqi, në kuadër të një vizite zyrtare të organizuar nga Asociacioni i Komunave të Kosovës, së bashku me disa kryetarë të komunave të tjera.

Sipas një njoftimi nga zyra e tij, ai e ka shfrytëzuar këtë vizitë për të ftuar biznesmenët turq të investojnë në Malishevë.

Në kuadër të kësaj vizite të organizuar nga Asociacioni i Komunave të Kosovës, delegacioni nga Kosova kanë vizituar një panair i cili është duke u mbajtur në qytetin Antalya.