Njësitet e Doganës mbrëmë në bashkëpunim me Policinë e Kosovës kanë arritur të parandalojnë futjen e një sasie narkotikësh në pikë kalimin Vermicë. Shoferi ka arritur t’i ikë kontrollit duke gjuajtur kështu substancën narkotike diku rreth 400 metra larg pikë kalimit.
Fillimisht automjeti ka përfunduar të gjitha procedurat e nevojshme të regjistrimit gjatë hyrjes në territorin doganor të Republikës se Kosovës i njëjti është ndaluar nga zyrtarët doganës për kontroll detale,
“Shoferi është urdhëruar të futej në vijën e dytë për kontroll detal dhe me ketë rast ngasësi i këtij automjeti ka filluar me shpejtësi të madhe të largohet nga pikë kalimi kufitar duke mos respektuar urdhrat e personave zyrtarë. Menjëherë pas kësaj zyrtarët e doganës së bashku me ata të policisë janë vënë në ndjekje duke arritur që të gjejnë automjetin 6 km larg pikë kalimit kufitar, menjëherë pas identifikimit të personit dhe verifikimit se bëhet fjalë për personin e njëjtë, automjeti dhe personi janë rikthyer në pikë kalimin e Vermicë nën përcjellje nga zyrtarët doganor dhe ata policor për t’iu nënshtruar kontrollit detal. Njësitet e policisë kufitare ka në arritur të gjejnë një paketim të dyshuar si substancë narkotike e hedhur diku rreth 400 metra larg pikë kalimit të Vermicës e që dyshohet të jetë hedhur nga personi i cili drejtonte automjetin gjatë ikjes së tij. Policia ka arrestuar personin si dhe ka vazhduar me procedimin e rastit”, ka thënë ai.
Dogana fton qytetarët që të thërrasin në telefonin 0800 50 095 nëse hasin apo shohin keqpërdorime dhe kontrabandim, sepse vetëm së bashku mund të mbrojmë dhe ndërtojmë shtetin tonë.