Kryetari i Kuvendit të Kosovës, Kadri Veseli mbylli punimet e seancës së Kuvendit pasi opozita për të dytën herë gjatë ditës së sotme bllokoi punimet.
Veseli tha se këto veprime të opozitës janë të paarsyeshme dhe paralajmëroi se nuk do të lejojë që kjo gjendje të vazhdojë edhe më tutje.
Po ashtu u bë e ditur se edhe seanca për ditën e premte është anuluar. /Telegrafi/
Opozita sërish bllokon seancën, Veseli thërret shefat e Grupeve parlamentare
Opozita sërish ka bllokuar punimet e seancës së Kuvendit të Kosovës. Shefat e Grupeve parlamentare të pozitës pohuan se kjo gjendje nuk lejon vazhdimin e seancës së Kuvendit dhe se opozita duhet t’i artikulojë qëndrimet e saja në mënyrë që Kuvendi të dalë me një vendim.
Pasi deputetë nga radhët e opozitës bllokuan punimet e seancës së Kuvendit, kryetari i Kuvendit, kadri Veseli ndërpreu seancën për 30 minuta.
Ai thirri shefat e grupeve parlamentare për një takim për të parë si do të procedohet më tutje.