Qytetarët e Kosovës së shpejti do të mundë të udhëtojnë pa viza për në vendet e zonës Shengen, nëse institucionet kosovare e luftojnë më seriozisht korrupsionin.

Këtë e ka bërë të ditur edhe komisionari evropian, Dimitris Avramopoulos, gjatë një vizite zyrtare në Prishtinë. Deklaratë kjo të cilën institucionet vendore e kanë vlerësuar si pozitive.

Ndërkohë që zyrtarët qeveritarë ka thënë se janë të vetëdijshëm për rëndësinë e luftimit të korrupsionit.

Ata më tej kanë deklaruar se muaji qershor mund të jetë koha kur Kosova do të përmbush të gjitha kriteret duke ia dërguar kështu Komisionit Evropian edhe raportin përfundimtar për përmbushjen e kritereve për liberalizimin e vizave…/zeri/

Jo vetëm deputetët opozitarë, por edhe ata të partive në pushtet e kanë nënshkruar kërkesën për formimin e një Komisioni Hetues Parlamentar për të zbardhur veprimtarinë e Shërbimit Informativ të Kosovës (SHIK).

Deri më tani, nisma për hetim të SHIK-ut që është iniciuar nga vetë deputetët e Kuvendit, ka gjetur mbështetjen e 38 ligjvënësve kosovarë, por nuk ka arritur t’i marrë votat e mjaftueshme (40) për të nisur ky hetim, shkruan ‘Zëri’.

Deri para disa ditësh ishin 39 deputetë që e nënshkruan listën për hetim, por pas tërheqjes së deputetes Melihate Tërmkollit, ky numër ka rënë në 38.

Ndërkaq, për formimin e një komisioni të tillë parlamentar, nevojitën votat edhe të dy deputetëve të tjerë.

Deputeti i Kuvendit të Kosovës nga radhët e lëvizjes Vetëvendosje, Rexhep Selimi ka thënë se procesi i verifikimit të veteranëve të UÇK-së rrezikon të dështojë për shkak të paqartësive në ligj dhe qasjes joadekuate të mënyrës së verifikimit nga ana e atyre që kanë pasur për obligim ta bëjnë një gjë të tillë.

Selimi për ‘Epokën e re’ ka thënë se ky proces ka përfunduar keq, prandaj edhe po ndodh mos publikimi i të gjitha listave të zonave operative.

Sipas tij, me anë të këtij procesi të verifikimit ka njerëz që e kanë marrë statusin e veteranit, por që nuk e meritojnë, dhe ka të atillë që e meritojnë, por nuk e kanë marrë.

Ai tha se Ligji për veteranët e UÇK-së duhet të amandamentohet urgjentisht

Deputeti i Lëvizjes Vetëvendosje Rexhep Selimi thotë se nuk ka aplikuar për statusin e veteranit dhe nuk do e bëjë një gjë të tillë, derisa nuk ekziston përkufizimi i veteranit të luftës.

Në një emision në Televizionit Rrokum Selimi ka thënë se në ligjin aktual, ky përkufizim nuk ekziston dhe se fajet janë te Qeveria si hartuese ligjesh.

Sipas tij në ligjin aktual mungojnë dy gjëra; përkufizimi i veteranit dhe kriteret për të qenë i tillë.

“Në këtë ligj defektet kryesore janë se nuk janë të përkufizuara, pra nuk ekziston përkufizimi veteran i luftës së UÇK-së, ekziston përkufizimi veteran, luftëtar, pjesëtar i luftës…defekti i dytë është se nuk janë përcaktuar kriteret e mirëfillta se kush do të duhej të ishte veteran”, tha Selimi.

Kuvendi Komunal i Prizrenit, diskuton sot për gjendjen e krijua në arsim.

Partitë opozitare kanë kërkuar një seancë të veçant për të diskutuar për skandalet e fundit në arsim.

Kërkesa e opozitës është mbështetur edhe nga pozita.

Seanca fillon në ora 10:00. /PrizrenPress.com/

Ish-komandanti i UÇK-së Zafir Berisha është i habitur me listën e publikuar të Brigadës 125 të UÇK-së. Ai thotë së në këtë listë janë përfshirë dezertorët, ndërkaq janë hequr luftëtarët e vërtetë të luftës.

“Të nderuar bashkëluftëtarë edhe unë që kam qenë në komisionin fillestar verifikues po befasona me këtë listë të Brigadës 125”, shkruan ai në Facebook.

“Ka mundur të ndodhë ndonjë lëshim i vogël, por kjo që po shihet, pas nesh dikush e ka bërë ,,operacion,, këtë listë. Turp….!”.

“Deri ku ka arrit injoranca e njerëzve. Luftetari Lumni Berisha-Hanci që u palgos me 1 shtator 98 në LEZ, jo që s’pranohet invalid i luftës, por as veteran, ndërsa dezertor dhe ata qe e kanë pa luftën neper TV janë në krye të listave”./PrizrenPress.com/

Sonte në mbrëmje janë publikuar edhe listat e verifikuara të pjesëtarëve të UCK-së të Zonës së Pashtrikut.

Sipas listave fillestare, në këtë zonë kanë rënë 440 dëshmorë të kombit e 724 janë invalidë të luftës.

Nga kjo Zonë që ka pasur gjithsej gjashtë brigada, statusin e veteranit e kanë fituar 5550 veteranë.

Listat e Zonës së Pashtrikut publikohen pas atyre të Shalës, Nerodimes, Karadakut dhe Llapit.

Tashmë kanë mbetur pa u publikuar listat nga Zona e Dukagjinit dhe Drenicës, si dhe të Shtabit të Përgjithshëm të UÇK-së.

Ndryshe, sot disa veteranë kanë protestuar para Qeverisë duke kërkuar që sa më parë të publikohen listat e plota dhe se të gjitha gabimet të përmirësohen.listat mund t’i lexoni ketu  www.komveterani.net
/Telegrafi/