Moti sot do të jetë me diell dhe vranësira të pakta, më shumë për gjatë relievit malor.
Në mëngjes ngrica dhe kushte për mjegull.
Temperaturat minimale do të shënohen ndërmjet -6 deri -3°C, ndërsa ato maksimale mes 2 dhe 6°C.
Orë letrare përmbyllëse për vitin 2024
Shoqata për Kulturë dhe Art “Fidani” në Prizren ka përmbyllur vitin 2024 me një orë letrare.
Drejtori i shoqatës, Berat Batiu, ka falënderuar të gjithë krijuesit për mbështetjen e treguar gjatë këtij viti.
Ai ka theksuar se viti 2024 ishte i suksesshëm.
Sipas tij, gjatë këtij viti janë mbajtur gjithsej 29 manifestime letrare, duke përfshirë edhe manifestimet tradicionale.
Disa nga aktivitetet më të veçuara janë:
Manifestimi Letrar Tradicional “Ora e pavarësisë”
“Ditët e lidhjes” – manifestim gjithëkombëtar
“Muzgjet e Prizrenit” – manifestimi më i vjetër letrar në mbarë Republikën e Kosovës
Promovim librash
Orë letrare në shkollat fillore dhe të mesme të Komunës së Prizrenit
Shoqata për Kulturë dhe Art “Fidani” shpreson që edhe në vitin e ardhshëm të vazhdojë me sukses aktivitetet kulturore dhe letrare, duke kontribuar në pasurimin e jetës kulturore të qytetit të Prizrenit dhe më gjerë./PP/
Marketing
Përjetoni pushime të paharruar dhe dasma magjike në Hotel “Albes Residence”
Wendell Green Jr i bashkohet Bashkimit
KB Bashkimi ka nënshkruar me organizatorin amerikan Wendell Green Jr, një lojtar me përvojë dhe statistika të shkëlqyera.
Green Jr vjen pas një sezoni të suksesshëm në Superligën e Islandës, ku realizoi mesatarisht 23.2 pikë, 5.4 kërcime dhe 3.4 asistime për ndeshje.
“Mirë se vjen në familjen portokalli e zi, Wendell!”, thuhet në njoftimin e klubit./PrizrenPress.com/
Përjetoni pushime të paharruar dhe dasma magjike në Hotel “Albes Residence”
Kompleksi ‘Newco Elan’ ofron banesa të ëndrrave tuaja në zemër të Prizrenit
Mërgimtari për herë të dytë brenda vitit dhuron donacion në QMF-në e Xërxës së Rahovecit
Për të dytën herë brenda vitit, Agron Berisha ka dhuruar donacione në qendrën e Mjekësisë Familjare në Xërxë të Rahovecit. Se çfarë dhuroi këtë herë Berisha, ndjekim kronikën e përgatitur nga Albiona Hajdari.
Shtroja është e shqyer qe një kohë.
Por në dhomën e infuzioneve në QMF-në e Xërxës së Rahovecit, dhjetëra pacientë u trajtuan në këtë shtrat.
Ndonëse të paktë në numër, edhe më të paktë janë shtretërit në gjendje të mirë në këtë ambulancë të mjekësisë familjare.
Por nga sot, kjo qendër u pajis me shtretër të rinj.
E gjithë kjo falë donacioneve nga mërgimtari Agron Berisha.
Ky i fundit solli një kamion të mbushur plot me pajisje mjekësore e higjienike për qendrat mjekësore në Rahovec.
Kontributin e tij e vlerëson lartë kryetari i komunës, Smajl Latifi.
“Numri i njerëzve me nevoja të veçanta ose me aftësi të kufizuar në komunën tonë nuk është i vogël, të them të drejtën është bukur i madh dhe ne po përpiqemi edhe si komunë por fatbardhësisht nuk na mungojnë as donatorët si Agroni i cili sa herë vjen në Kosovë është e pamundur pa i sjellë diçka të mirë, të nevojshme edhe QMF-ve, edhe shkollave tona por edhe komunës”, ka deklaruar ai.
Megjithatë sipas drejtorit të QMF-së, Elbunit Kryeziu, ka akoma nevojë për pajisje mjekësore.
“E kemi një listë të pacientëve që janë të palëvizshëm dhe nevojtarë për pajisjet që i ka pru Agroni, besoj që edhe donacionin e dytë besoj kemi me shpërnda me pacientët. Kemi me i përcjellë edhe në njësitet e QMF-së, në Krushë, Xërxë, Bellacerkë edhe në qendrat tjera ku kemi nevojë për shtretër e paisje të tjera”, ka deklaruar Kryeziu.
Se çka solli donacion në këtë qytet, tregon vet Agron Berisha.
“Është e dyta herë këtë vit që kemi sjellë donacione, kësaj radhe kemi ardhë me 23 shtretër, 40 karroca, paisje tjera. Falë njerëzve që kanë nevojë dhe që marr përkrahje më bën të vazhdoj të sjell edhe vitin e ardhshëm, shpresoj”, ka deklaruar donatori, Berisha.
Përveç tyre, Berisha ka sjellë edhe pajisje elektronike për të furnizuar shkollat.
Ato do të shpërndahen në fillim të vitit shkollor në Rahovec.Tëvë1
Marketing
Përjetoni pushime të paharruar dhe dasma magjike në Hotel “Albes Residence”
Limaj në Malishevë falënderon mërgatën për kontributin dhe mbështetjen e dhënë
Kryetari i Nismës Socialdemokrate, Fatmir Limaj, ka takuar në Malishevë bashkatdhetarët që jetojnë dhe veprojnë në diasporë.
“Sot, në vendlindjen time në Malishevë, pata kënaqësinë të takohem me bashkatdhetarë që jetojnë dhe veprojnë në diasporë, të cilët vazhdimisht kanë kontribuar në zhvillimin dhe shtetndërtimin e Kosovës.
Bashkatdhetarët tanë janë rreshtuar fuqishëm rreth NISMA Socialdemokrate dhe listës tonë që përfaqëson #veçVEPRA. Më shumë se kurrë, Kosova ka nevojë për njerëz të dëshmuar, që në etapa të ndryshme, ditën të rreshtohen drejt dhe për Kosovën fituese”, ka shkruar Limaj në Facebook.
Përjetoni pushime të paharruar dhe dasma magjike në Hotel “Albes Residence”
Kompleksi ‘Newco Elan’ ofron banesa të ëndrrave tuaja në zemër të Prizrenit
Kërkohet 26-vjeçari i zhdukur nga Prizreni, Arban Hisari
Me datë 24 Dhjetor 2024, nga familjarët e tij është raportuar një person i zhdukur.
Personi Arban (Dashnor) Hisari, i lindur më 05.06.1998 nga Prizreni, është larguar nga shtëpia më 24.12.2024 dhe që nga ajo ditë i ka humbur kontaktet me familjen dhe nuk dihet se ku gjendet.
“Policia, në bashkëpunim edhe me familjen e tij, kanë kërkuar personin e zhdukur në vende dhe lokacione të ndryshme, megjithatë personi i raportuar si zhdukur deri më sot nuk është gjetur. Andaj, kërkojmë bashkëpunim nga të gjithë qytetarët që, nëse e shohin personin e njëjtë apo dinë diçka për vendndodhjen e tij, të raportojnë Policinë Rajonale në Prizren, apo në cilindo stacion të policisë në Kosovë”, thuhet në njoftimin e Policisë./PrizrenPress.com/
Përjetoni pushime të paharruar dhe dasma magjike në Hotel “Albes Residence”
Kompleksi ‘Newco Elan’ ofron banesa të ëndrrave tuaja në zemër të Prizrenit
“Veteranët e UÇK-së, themeluesit e shtetësisë së Kosovës” – mesazhi i kryetarit të Malishevës në Ditën e Veteranit
Në organizim të degës së Organizatës së Veteranëve të Luftës (OVL) të UÇK-së në Malishevë, sot u shënua 30 Dhjetori – Dita e Veteranit, një ngjarje e veçantë për nderimin e kontributit dhe sakrificës së luftëtarëve të UÇK-së, të cilët dhanë gjithçka për lirinë dhe shtetësinë e Kosovës.
Tubimi i shënimit të kësaj dite u hap nga kryetari i OVL-së të Malishevës, Metush Kryeziu, i cili theksoi se, megjithëse shumë veteranë jetojnë në kushte të vështira, krenaria dhe sakrifica e tyre mbeten të pashlyeshme.
“Asnjë situatë nuk mund të mohojë kontributin tuaj të jashtëzakonshëm,” tha ai, duke vënë në pah se sakrifica e veteranëve është e pashlyeshme dhe do të kujtohet brez pas brezi.
Kryetari i Komunës së Malishevës, Ekrem Kastrati, i drejtohej të pranishmëve me fjalë plot vlerësim.
“Secili prej jush jeni kapitull i shtetësisë dhe pavarësisë. Kjo vlerë është forca më e madhe për të ruajtur shtetësinë”, theksoi ai.
Kastrati shtoi se trashëgimia e veteranëve do të mbahet mend dhe do të kujtohet me krenari, duke e cilësuar atë si bazamentin e pashlyeshëm të shtetësisë së Kosovës.
Në fjalën e tij, ai ndau gjithashtu një moment personal, duke kujtuar periudhën kur ishte i burgosur gjatë luftës dhe shprehu mirënjohje të përhershme ndaj veteranëve të UÇK-së për sakrificën e tyre, që ndikoi edhe në lirimin e tij të parakohshëm nga burgu.
Në përfundim të ceremonisë, dega e OVL të UÇK-së në Malishevë ndau 130 mirënjohje për veteranët e luftës nga Komuna e Malishevës dhe për ata që kanë kontribuar në luftimet brenda territorit të kësaj komune, duke nderuar kështu kujtimin dhe respektin për luftën e lavdishme të UÇK-së dhe kontributin e jashtëzakonshëm të atyre që dhanë gjithçka për lirinë e Kosovës./PrizrenPress.com/
Brittany Byrd i bashkohet KBF Bashkimit
KBF Bashkimi ka kënaqësinë të njoftojë përforcimin më të ri në skuadër, Brittany Byrd.
Si një lojtare me përvojë të madhe dhe kampione në disa shtete, Byrd sjell aftësi të jashtëzakonshme dhe energji të re për ekipin portokalli e zi.
“Jemi të lumtur të mirëpresim Brittany Byrd në familjen e KBF Bashkimi! Ajo është një lojtare me përvojë të madhe dhe kampione në disa shtete. Brittany do të jetë një aset i çmuar për ekipin tonë”, thuhet në njoftimin e klubit./PrizrenPress.com/
Përjetoni pushime të paharruar dhe dasma magjike në Hotel “Albes Residence”
Kompleksi ‘Newco Elan’ ofron banesa të ëndrrave tuaja në zemër të Prizrenit
Smith i Prizrenit shpallet MVP i Javës
Amerikani i Proton Cable Prizrenit, Lenzelle Smith është zgjedhur basketbollisti më i mirë për xhiron e 14-të të Superligës së Kosovës që u zhvillua në fundjavë dhe ishte e fundit për vitin 2024.
FBK-ja, ka bërë të ditur të hënën se Lenzelle Smith është shpallur “MVP i Javës”, çmim ky që ndahet për lojtarin me paraqitjen më të mirë pas çdo xhiroje.
Smith pati indeksin më të lartë – 38 – pati udhëhoqi Proton Cable Prizrenin drejt fitores së madhe ndaj Golden Eagle Yllit, duke e mbyllur ndeshjen me 22 pikë, 12 kërcime e 12 asistime.
Si “MVP i Javës”, Smith ka zënë vend është në pesëshen më të mirë të xhiros, pjesë e së cilës janë edhe Jason Jitoboh, Jericole Hellems, Tekele Cotton dhe Arti Hajdari.
Jitoboh pati 20 pikë e 6 kërcime, ndërsa Hellems shtoi 20 pikë e 7 kërcime në fitoren e Vëllaznimit ndaj Sigal Prishtinës.
Cotton debutoi te Trepça me 16 pikë, 5 kërcime e 2 asistime në triumfin ndaj Borës kurse Hajdari me 19 pikë e 4 kërcime ndihmoi Pejën ta mposht Bashkimin.
Përjetoni pushime të paharruar dhe dasma magjike në Hotel “Albes Residence”
Kompleksi ‘Newco Elan’ ofron banesa të ëndrrave tuaja në zemër të Prizrenit
‘Zoom Club’ në Prizren shkrumb e hi 2 ditë pas hapjes, pronari: Kurrë probleme s’kom pasë, 200 mijë € dëmi
Diskoteka Zoom Club te Tranziti i Ri në Prizren mëngjesin e sotëm ishte cak i një incidenti që shkaktoi zjarr të madh dhe për pasojë objekti u u dogj tërësisht. Të lënduar nuk pati, por dëmet janë të mëdha – për çka tashmë ka nisur hetimi nga Policia dhe Prokurori i Shtetit. Akoma nuk dihet se kush fshihet prapa këtij rasti dhe cili është motivi i personave të përfshirë, raporton Gazeta Sinjali.
Nga Policia Rajonale në Prizren e kanë konfirmuar që rasti po hetohet dhe tashmë pronari i diskotekës ka dhënë dëshminë e tij para hetuesve policorë.
Sinjali ka kontaktuar pronarin Burim Sedolli, i cili ka në pronësi edhe një diskotekë tjetër në Suharekë, ‘Infinit Club’, me ç’rast ka dhënë deklaratën e tij për incidentin që i ndodhi në diskotekë vetëm pak disa pasi e hapi.
Sedolli ka deklaruar se nuk ka asnjë dyshim se kush mund të jetë i përfshirë në këtë rast, pasi siç tha ai, nuk ka probleme e as mosmarrëveshje me askënd.
Ai bëri të ditur se objektin e kishte marrë me qira para dy muajsh dhe pas mbrëmjes së parë që u organizua më 27 dhjetor, ndodhi sulmi i mbrëmshëm.
“Me dyshu nuk dyshoj te askush sepse nuk kom pasë asnjë incident me kërkond. Arsyen pse nuk pe di…na kemi pase mbrëmje mbramë në Suharekë, në Infinit. E këtu [Zoom Club] e kemi pasë për sonte, por fatkeqësisht. Një mbramje e kena majtë më 27 dhjetor edhe sonte u konë mbrëmja e dytë që kemi pasë me mbajtë. Unë jom qiramarrësi i atij objekti. Në nëntor e kom marrë me qira, një muaj e kom përgatitë edhe tash veç ndodhi kjo.” – tha Sedolli për Sinjalin.
Sedolli tutje u shpreh se prej kur kanë vendosur që të hapin diskotekën në Prizren, tentativa të tilla siç ndodhi mbrëmë, ka pasur edhe te diskoteka në Suharekë.
Teksa njoftoi që ka dhënë dëshminë e tij për rastin, Sedolli po ashtu tregoi se dëmi i shkaktuar në objekt është deri në 800 mijë euro, ndërsa investimi i tij kap vlerën e rreth 200 mijë eurove.
“Prej që e kemi marrë në Prizren, edhe në Suharekë kane tentu, a është lloj xhelozie prej një qyteti tjetër punojna në një qytet tjetër nuk e di…por s’mundemi me thanë që e kemi një dyshim ma të vogël me dikon që kemi pasë mosmarrëveshje a diçka.
Vlera e dëmit është diku rreth 700-800 mijë euro si objekt, e vlera e dëmit të investimit prej kur e kam marrë me qira janë rreth 200 mijë euro.
Ndodhi çka ndodhi, nuk kom naj dyshim naj diçka, kurrë s’kom pasë probleme, as në Suharekë që e kemi.” – përfundoi ai.
Marketing
Përjetoni pushime të paharruar dhe dasma magjike në Hotel “Albes Residence”
Kompleksi ‘Newco Elan’ ofron banesa të ëndrrave tuaja në zemër të Prizrenit