Hartuesit e Kushtetutës të Republikës së Kosovës nuk kanë dhënë shumë alternativa për zëvendësimin e kreut të shtetit. Kështu, akti më i lartë juridik nuk e ka të përcaktuar se kush mund ta marrë timonin e vendit në rast se presidenti/ja nuk mund ta ushtrojë funksionin e saj në një rrethanë kur vendi nuk ka as kryeparlamentar.

Me Kushtetutë, kryetari i Kuvendit është i vetmi zëvendësues i saj. Këtë vakum të krijuar njohësit e çështjeve kushtetuese e shohin si një arsye më shumë për ndryshime kushtetuese. Për profesorin Riza Smakën, mungesa e një zëvendësuesi tjetër të Presidentit, në rast kur vendi mbetet pa kryetar të Kuvendit, mund ta dërgojë vendin në një krizë të thellë institucionale.

Ai përveç tjerash ka një ide se kush do të mund të ishte zëvendësues i Presidentit, “Do të duhej të merrej sipas interpretimit juridik logjik, që kryetari i kuvendit të mëparshëm që edhe ashtu është kryesues për caktimin e agjendës të seancës konstituive, që përkohësisht ta zëvendësonte presidenten”, ka thënë Smaka../tribuna/

Serbia refuzon t’i zbatojë pikat kryesore të Marrëveshjes së Brukselit.Shumë pika të Marrëveshjes së 19 prillit të vitit të kaluar, të cilat tanimë do të duhej të ishin përmbushur, kanë ngecur për shkak të refuzimit të Serbisë që t’i zbatojë ato.

Analistët thonë se formati aktual i dialogut me Serbinë është shteruar dhe nuk ka logjikë të vazhdojë më tej pa u implementuar pikat më të rëndësishme, të cilat dalin nga Marrëveshja e 19 prillit, sikurse është ajo për shuarjen e strukturave ilegale të Serbisë dhe krijimin e Gjykatës Themelore në veri.

Fisnik Korenica, nga Grupi për Studime Juridike dhe Politike, ka thënë se faj shumë të madh për ngecjet gjithashtu ka edhe Qeveria e drejtuar nga Hashim Thaçi, e cila vazhdon të ketë komunikim me Serbinë, edhe pse kjo e fundit nuk ka zbatuar parimet bazike. Madje, sipas Korenicës, situata vetëm sa është tensionuar edhe më shumë në veriun e Kosovës me vendosjen e barrikadave. Ka përmendur dy gjëra themelore që rrjedhin prej kësaj marrëveshjeje,, shkruan sot Koha Ditore.

Analistët thonë se e ardhmja e dialogut do të varet edhe nga ajo se kush do të udhëheqë Qeverinë e ardhshme dhe nëse aty do të jetë faktor kryesor Lista Serbe

Nëse Gjykata Kushtetuese vendos në favor të Partisë Demokratike, gjatë shqyrtimit të kërkesës për vlerësimin e kushtetushmërisë së zgjedhjes së kryetarit të Kuvendit, në seancën e 17 korrikut, atëherë sipas ekspertëve, Kosova do të futet në fazën e ngërçit politik dhe institucional. Madje, ata thonë se një vendim i tillë mund edhe ta çojë vendin në zgjedhje të reja. Kushtetuesja vlerësimin do ta bëjë më 21 gusht.

E nëse shansi i jepet koalicionit LDK-AAK-Nisma, atëherë sipas tyre i hapet rrugë krijimit të shpejtë të institucioneve, pavarësisht se ky proces ndikohet edhe nga mbështetja e lëvizjes “Vetëvendosjes” dhe Listës Serbe.

Analisti politik, Shpend Kursani, ka thënë se e tërë rrjedha e ngjarjeve varet se mbi çfarë baze do të mund të anulohet zgjedhja e Isa Mustafës për kryetar të Kuvendit dhe se çfarë do të sugjerojë pastaj Gjykata Kushtetuese.

Nëse Kushtetuesja e anulon zgjedhjen e Isa Mustafës për shkak të shkeljes së disa procedurave teknike dhe vendimi merret në favor të koalicionit opozitar, Kursani parashikon përsëritje të seancës konstituive dhe votim të sërishëm të Mustafës. Me kryetar Kuvendi të pakontestuar, sipas tij, do të vazhdohet me krijimin e Qeverisë, kuptohet nëse do të ekzistojnë numrat nga VV-ja apo nga Lista Serbe.

Ndërkaq, Dren Doli nga Grupi për Studime Juridike dhe Politike, ka thënë se janë më shumë se dy skenarë që lidhen me vendimin e Gjykatës Kushtetuese, përcjell koha.net. Sipas Dolit, mosanulimi i vendimit nga ana e Gjykatës do të nënkuptojë që Kuvendi duhet të fillojë procedurat e zgjedhjes së nënkryetarëve të mbetur dhe konstituimin e Kryesisë. “Natyrisht pas propozimit të presidentes të fillojnë procedurat për formimin e Qeverisë së ardhshme sipas udhëzimeve të dhëna në vendimin paraprak të Gjykatës Kushtetuese”/Koha Ditore/

Edhe pse janë të thirrun për me mbrojt rendin dhe ligjin, nuk janë të paktë zyrtarët policor të cilët e shkelin ligjin tue kry vepra të ndryshme penale.

Vetëm në 6 muejt e parë të këtij viti Inspektorati Policor i Kosovës ka ngrit ma shumë se 40 kallëzime penale ndaj zyrtarëve policor të Kosovës, transmeton Rrokum.

Simbas zyrtarëve t’IPK nga 1 Kallnor deri me 30 Qershor të këtij viti, ky institucion ka ngrit 54 kallëzime penale ndaj zyrtarëve policor, 29 prej tyne janë dërgue me raport të veçantë si dhe 33 raste janë në proces të hetimit.

Simbas zhadhansit t’Inspektoratit Policor te Kosoves, Arber Beka, janë 34 raste ku zyrtarët policor dyshohen për keqpërdorim të detyrës apo autoritetit zyrtarë, 22 raste rrezikim i trafikut publik, 18 lëndim i randë trupor, 10 raste kanosje, si dhe 9 falsifikim i dokumentit zyrtar.

Gjatë hetimeve të rasteve penale nga Deparatamenti i Hetimeve t’IPK, simbas Bekes, veprat ma të shpeshta për të cilat dyshohen se i kanë krye këta zyrtar policor janë Keqpërdorimi i detyrës apo autoritetit zyrtar, Rrezikimi i Trafikut Publik, Lëndim i Lehtë Trupor, Kanosje, si dhe Falsifikimi i Dokumentit Zyrtar.

Bazue në të dhanat e IPK për gjashtë mujorin e këtij viti në total IPK ka pranue dhe hetue 52 raste të veprave penale me elemente të korrupsionit dhe veprave tjera kundër detyrës zyrtare, ndër të cilat ma të shpeshtat janë 28 raste të keqpërdorimit të pozitës apo autoritetit zyrtar, 7 raste marrje e ryshfetit, 3 raste dhanie e ryshfetit, 3 raste Ushtrim i ndikimit, 2 raste Zbulim i fshehtësisë zyrtare dhe 9 raste Falsifikimi i dokumentit zyrtar.

Trajtimi me prioritet i rasteve me elemente korruptive dhe reduktimi në maksimum i rasteve që janë në pritje asht mbetet si objektivë në vazhdimësi për Inspektoratin Policor të Kosovës (IPK).

Ndërkohë, në vitin 2013 Inspektorati Policor ka realizue katër inspektime të rregullta dhe dy të jashtëzakonshme ku janë inspektue 81 njisi policore dhe janë inspektue 142 dosje të ndryshme dhe janë intervistue rreth 152 zyrtarë policorë të të gjitha gradave dhe pozitave.

Deputeti i PDK-së, Adem Grabovci duke komentuar vendosmërinë e bllokut opozitar, LDK, AAK, Nisma për të refuzuar çfarëdo bashkëpunimi me PDK-në ka thënë se demokracia funksionon mbi parimin e debatit dhe jo të përjashtimit, gjë të cilën sipas tij po e bëjnë LDK, AAK e Nisma.

“Alfa dhe omega e demoracisë është debati, aty ku nuk ka debat nuk ka demokraci dhe emërtimin e dini ju dhe çdo qytetarë i Kosovës, PDK-ja nuk udhëhiqet nga logjika e përjashtimit të askujt, nga linqimi i askujt, por nga logjika e debatit dhe e bashkëpunimit”, ka thënë Grabovci për gazetën “Zëri”.

Ai m ëtej ka shtuars se shqetësimi dhe angazhimi i PDK-së është se si të ndërtojnë institucione kredibile të fuqishme, të cilat do të jenë në gjendje të marrin vendimet e duhura. Grabovci ka thënë se deputetët në Kuvend do të votojnë për zhbllokimin e jetës së qytetarëve të Kosovës.

“Ne kemi besim tek përfaqësuesit e popullit se ata do ta orientojnë votën e vet në përputhje me besimin e qytetarëve dhe besimi i qytetarëve u është dhënë për të zhbllokuar jetën dhe për krijimin e një jetë më të mirë për qytetarët, e jo për të bllokuar jetën e qytetarëve”, ka deklaruar Grabovci.

Faik Canolli nga Prishtina tash e 33 vjet nuk ka vënë gjumë në sy.

Ai thotë se nga ky viti 1981, kur e kishte lënduar këmbën, kishte pasur një intervenim kirurgjik në Ohër dhe prej atëherë më nuk ka mundur të flejë, transmeton klan Kosova

Canolli thotë se pagjumësia i shkakton telashe të mëdha. Thotë se ka qenë edhe në Gjermani për të gjetur ilaç, por nuk ia ka dalë.

“Përveç që nuk po mund të flej, tash kam telashe edhe me harresën. Nuk po mund të mbaj mend”, thotë Canolli.