Në mbledhjen e Komitetit Komunal për Siguri në Bashkësi (KKSB) në Rahovec, e mbajtur sot, situata e sigurisë në komunën e Rahovecit për tremujorin e fundit është vlerësuar si relativisht e qetë,

Përkundër kësaj, kryetari i Komunës së Rahovecit, Idriz Vehapi ka thënë se kemi pasur raste të rënda të vrasjes makabre, për çka organet e hetuesisë po punojnë në ndriçimin e rasteve për vrasjen e Elvis Pistës, si dhe për rastin e fundit që ka ndodhur në fshatin Brestoc të Rahovecit.

“Të gjithë qytetarët kemi obligim të përkujdesemi për sigurinë e përgjithshme, duke bashkëpunuar me institucionet dhe organet policore, dhe bashkarish duhet të punojmë në rritjen e sigurisë, në qytet por edhe në pjesët rurale të komunës sonë”, tha Vehapi. /PrizrenPress.com/

Lëvizja FOL ka prezantuar raportin “Monitoruesi i Prokurimit”, ku thuhet se veprimi që ka bërë Organi Shqyrtues i Prokurimitka krijuar mundësi për keqmenaxhim, keqpërdorim dhe korrupsion në prokurim publik, si dhe dëmtim të interesit dhe konkurrencën e drejtë mes operatorëve ekonomik. Megjithatë ata vlerësuan edhe disa vendime të OSHP-së, ndër to dënimi me gjobë dhe marrje të certifikatës së zyrtares kryesore të prokurimit në MAPL.

Gjatë periudhës Mars- Qershor , sipas këtij raporti OSHP-ja ka marrëgjithsejtë 28 vendime , ku ka gjetur fajtore për moszbatim të dispozitave ligjore të LPP-së gjatë procedurave të tenderimit nëinstitucione të ndryshme publike si komunat, ministritë dhe ndërmarrjet publike.

Organit Shqyrtues të Prokurimitpo ashtu nga 28 vendime, 17 prej tyre kanë kthyer tenderët në ri-vlerësim, 8 vendime i ka marrë për ri-tenderim dhe një e ka anuluar.

Sipas, Sibel Halimit, nga Lëvizja FOL, kjo e fundit ka mirëpritur emërimin e anëtarëve të bordit të OSHP-së, mirëpo siç pohoi ajo shqetësuese për Lëvizjen FOL ka qenëmo-shqyrtimi i 255 ankesave.

“Mos funksionimiështë një çështje tjetër që edhe ka shkaktuar disa probleme tjera zingjirore,është edhe mandati i anëtarëve të bordit të OSHP-së ku anëtarët e bordit, do të thotë kanë munguar tetë muaj në kuadër të këtij institucioni të rëndësishëm dhe Lëvizja FOL ka vlerësuar se ka dhënë mundësi për keqmenaxhim, keqpërdorim dhe korrupsion në prokurimin publik. Po ashtu, organizata jonë ka mirëpritur emërimin e anëtarëve tërinjë të bordit të OSHP-së nga ana e Kuvendit të Kosovës që ka ndodhur me datën 20 mars 2014 dhe si rezultat ri-funksionalizimin faktikisht edhe të këtij institucioni janë anuluar edhe disa konkluzionme nga ana e bordit që ka ndodhur në mars përmes të cilit ka refuzuar t’i shqyrtojë 255 ankesa të deponuara gjatë periudhës kur OSHP ka qenë jo funksionale me arsyetimin se të njëjtave iu ka skaduar afti ligjor pa shqyrtim dhe po ashtu ka qenë tejet shqetësuese se pse këto ankesa do të thotë janë anuluar faktikisht”, ka thënë ajo.

Halimitha se Lëvizja FOL ka vlerësuar se veprimi që ka bërë OSHP-ja ka krijuar mundësi për keqmenaxhim, keqpërdorim dhe korrupsion në prokurim publik, si dhe dëmtim të interesit dhe konkurrencën e drejtë mes operatorëve ekonomik.

Ai thotë se monitorimet e realizuar nga Lëvizja FOL janë mos-standardizimi i procesit të hartimit tëspecifikacioneve dhe kërkesave nënjoftim për kontratë, çmimet jo-normaliste të ulëta që shpesh janëprezente në ofertën e operatorëve ekonomik e po ashtu edhe mos-koordinimin e institucioneve mes vete, madje siç u shpreh ajo, shumë tender janë kthyer në ri-vlerësim, ri-tenderim dhe anulim.

“Nga këto 28 vendime, 17 kanë kthyer tenderët në ri-vlerësim. Së këndejmi, nga 2 tender tëiniciuar nga Komuna e Deçanit, Ferizajt, Prishtinës, dhe Ministria e Arsimit, Shkencës dhe Teknologjisë. Nga 1 tender i iniciuar nga Komuna e Malishevës, Kamenicës, Gjakovës, Pejës, Ministria e Administratës Publike, Ministria e Tregtisë dhe Industrisë, Ministria e Punës dhe Mirëqenies Sociale, Ministria e Kulturës, Rinisë dhe Sporteve dhe Postë, Telekomi i Kosovës janë kthyer në ri-vlerësim, përderisa, 8 vendime janë marrë për ri-tenderim. Derisa nga 1 tender i iniciuar nga Ministria e Shëndetësisë, e Diasporës, e Punëve të Brendshme, e Drejtësisë, e Infrastrukturës, e Financave, si dhe nga 1 tender i iniciuar nga KEK dhe PTK, janë kthyer në ri-tenderim. Organi Shqyrtues i prokurimit me dy vendime të ndara, ka anuluar 1 tender të iniciuar nga KEK dhe 1 nga Komuna e Rahovecit, dhe me 1 vendim tjetër ka dënuar me gjobë dhe marrje të certifikatës së zyrtares kryesore të prokurimit në MAPL”, ka thënë Halimi.

Ndërsa, Kenan Tora, po ashtu nga Lëvizja FOL, tha se ky raport ndahet në dy pjesë, ku pjesa e parë përfshinë 12 procedura të të gjeturave më interesantë, ndërsa pjesa e dytë vendimet e Organit Shqyrtues të Prokurimit.

Ndryshe, ky raport është realizuar gjatë periudhës mars-qershor të këtij viti.

Deputetja e LDK-së, Vjosa Osmani ka reaguar për raportin e Williamson duke e quajtur atë lajm të mirë por edhe lajm të keq.

Në vijim japim postimin e saj në profilin zyrtar të Osmanit në Facebook:

DREJTESI PER TE GJITHA VIKTIMAT

Deklarata e leshuar nga Task Forca Speciale dhe Prokurori amerikan Williamson eshte lajm i hidhur per imazhin nderkombetar te Kosoves. Mjafton te lexohen mediat e huaja te dy diteve te fundit per t’a kuptuar kete. Por, mbi te gjitha, mjafton te lexohet vete Deklarata e Williamsonit, te cilen fatkeqesisht shumekush po e keqinterpreton. Nese vertete dikush mendon qe Williamson ka per qellim njollosjen e luftes se Kosoves per liri, ky eshte jo vetem naivitet politik, por edhe tentim per t’i mbyllur syte para nje situate me te cilen doemos duhet te perballemi nese njehere e pergjithmone duam qe te mbyllet kapitulli i erret ne te cilen disa individe e kane futur Kosoven.

Ashtu sic e ritheksoi Prokurori Williamson, veprimet qe mund t’i kene bere, apo supozohet t’i kene bere disa individe, assesi nuk mund te zbehin luften e drejte dhe çlirimtare per lirine e Kosoves. Ketu nuk ka pergjegjesi kolektive por vetem individuale, ne rast se vertetohet fajesia. Konfirmimi nga Prokurori Williamson se jane duke u hetuar dhe do te vazhdohet te hetohen edhe vrasjet politike eshte lajm i mire per shume familje te veprimtareve te LDK-se qe po kerkojne drejtesi qe 15 vite per humbjen e me te dashurve te tyre. Te gjitha viktimat civile meritojne drejtesi, pavaresisht perkatesise se tyre, dhe te gjithe qe kane kryer krime duhet te perballen me drejtesine, pavaresisht cilit komunitet i takojne. Vetem drejtesia per te gjitha viktimat do t’i hape Kosoves kapitullin e ndritur te ndertimit te institucioneve te forta dhe te sundimit te ligjit.

Ushtruesi i detyrës së kryeshefit të Agjencisë së Rrezatimit në Zyrën e Kryeministrit, Ferki Fejza pas kërcënimeve për mbyllje goje kishte kapur karrigen duke e kërcënuar zyrtarin e Kryeministrisë Naser Balajn, i cili pas këtij incidenti ishte detyruar të lëshojë takimin që mbahej në zyrën e kryeshefit në objektin e Qeverisë së Kosovës.

Sipas burimeve të gazetës “Zëri” incidenti kishte ndodhur të mërkurën në një takim ku kryeshefi i kishte ftuar zyrtarët të raportonin për punën në këtë institucion.

Dhe derisa Naser Balaj, zyrtar i Agjencisë së Rrezatimit kishte filluar të flasë për një çështje që tashmë kishte kaluar në kompetencë të një zyrtari tjetër, u.d. kryeshefi Fejza e kishte urdhëruar ta mbyllë gojën.

Kjo konfirmohet nga vet Balaj. “Më tha me ton të lartë mbylle gojën, mbylle gojën, mbylle gojën… Por ia kujtova se na kishte thirr për një raport pune”, tregon Balaj për ‘Zërin” i cili ishte urdhëruar që ta lëshoj takimin.

Ai tha se kryeshefi në këtë mënyrë ishte sjellë edhe disa herë tjera. “Është sjellë kështu edhe dy herë tjera me mua dhe një herë tjetër me një zyrtar tjetër”, thotë ai.

Balaj ka thënë se do të ankohet për këtë sjellje të kryeshefit në gjitha instancat përgjegjëse.

Gazeta “Zëri” ka provuar që të kontaktoj edhe me Ferki Fejzën mirëpo një gjë e tillë përmes telefonit aktualisht ka qenë e pamundur.

Krijimi i Gjykatës së posaçme është një proces mjaft kompleks dhe që do të merr kohë, vlerësojnë njohësit e çështjeve juridike dhe politike në vend.

Fisnik Korenica nga Grupi për Studime Juridike dhe Politike, duke folur për “Radion Evropa e Lirë”, ka thënë se procesi për themelimin e Gjykatës së posaçme për krime lufte fillon në institucionet e Kosovës, të cilat, pas zgjedhjeve të fundit parlamentare, ende nuk janë konstituuar.

Sipas tij, edhe nëse Kosova i konstituon institucionet për një kohë relativisht të shkurtë, ajo gjithashtu duhet të ketë një shumicë të kualifikuar parlamentare që do ta mbështeste procesin, si dhe një përkrahje konstante të opozitës. “Pa një përkrahje të tillë, në fakt, i tërë procesi do të mund të dështonte, meqë eventualisht kërkohen edhe ndryshime të Kushtetutës, që kërkojnë dy të tretat e votave. Gjithashtu kërkohet edhe ratifikim i një marrëveshjeje ndërkombëtare me një shtet të tretë, i cili do ta pranojë Zyrën për dëgjimin e dëshmitarëve, ratifikimi i të cilës marrëveshje sërish kërkon dy të tretat e votave në Kuvend. Kështu që, në fakt, edhe me konstituimin e këtyre institucioneve, vetëm me përkrahjen gjithë parlamentare mund të shkohet në drejtim të bërjes funksionale të kësaj gjykate”, ka theksuar Korenica.

Analisti i çështjeve politike, Naim Rashiti, nga Grupi Ballkanik për Politika, ka thënë për “Radion Evropa e Lirë” se pas negociatave të gjata ndërmjet Kosovës dhe Bashkimit Evropian për formimin e Gjykatës së posaçme, Kosova përmes votës në Kuvend, me 23 prill, ka dhënë miratimin e saj për krijimin e kësaj gjykate.

Sipas tij, procesi mund të vazhdojë varësisht nga dinamika për konstituimin e institucioneve, ndërkohë që, sipas tij tashmë janë publike paralajmërimet se Zyra për dëgjim do të mund të vendoset në Mbretërinë e Holandës. “Vetëm pas formimit të institucioneve, Qeveria e re e Kosovës duhet ta finalizoj marrëveshjen me Qeverinë e Holandës për krijimin e gjykatës dhe kjo marrëveshje duhet të ratifikohet në Kuvendin e Kosovës. Vetëm atëherë vendoset gjykata dhe krijohet formalisht dhe administrativisht ajo dhe vetëm atëherë raporti i Williamsonit dërgohet në gjykatë dhe ajo vendos se a do të ngritë padi, aktakuzë të menjëhershme, në bazë të hetimit të Task forcës apo të autorizoj ndonjë prokuror të vetin hetimin e mëtutjeshëm të të gjeturave të raportit të Williamsonit”, ka thënë Rashiti.

Ndryshe, Korenica vlerëson se për veç konstituimit të institucioneve të Kosovës, pika më problematike për themelimin e Gjykatës së Posaçme do të jetë marrëveshja e Kosovës me një shtet të tretë, duke nënkuptuar edhe Mbretërinë e Holandës, për hapjen e Zyrës për dëgjimin e dëshmitarëve, ku praktikisht do të zhvillohej pjesa më thelbësore e gjykimit.

Sipas tij, shteti i tretë duhet të arrij konsensus të gjerë brenda për brenda, për tu pajtuar lidhur me vendosjen e një zyre të tillë. “Për shembull, për Mbretërinë e Holandës, të pranosh një zyre gjyqësore të një shteti të tretë, brenda territorit të saj, që gjykon për krime të kryera jashtë Holandës, kërkon të ketë një konsensus të gjerë parlamentar të vet atij shteti. Unë besoj që kjo do të jetë pika thellësisht më e vështira për tu arritur. Në fazat e para kjo çështje është kundërshtuar fuqishëm nga shumë segmente politike të Mbretërisë së Holandës, të cilët kanë ngritur dilemën nëse një zyrë e tillë do të ishte në përputhje me vet parimet kushtetuese të Mbretërisë së Holandës”, ka thënë Korenica.

Por, analisti Rashiti, thotë se Qeveria e Holandës ka dhënë shenjat se mund ta pranoj operimin e Gjykatës së posaçme në territorin e saj. “Ajo që e dimë është se Qeveria e Holandës ka dërguar përmes një shkrese vullnetin e saj në institucionet e BE-së, për gatishmërinë e saj për të mirëpritur krijimin e Gjykatës dhe operimin e gjykatës në territorin e saj. Por, kjo, nuk e besoj se do të ndodhë në këtë vit. Do të marr disa muaj kohë, pas formimit të institucioneve të Kosovës dhe nuk e besoj se do të kemi institucione -nëse nuk shkojmë në zgjedhje- para shtatorit apo tetorit”, shprehet Rashiti.

Ndryshe analistët e çështjeve juridike dhe politike kanë vlerësuar se të paktën do të nevojitet edhe një vit deri në themelimin e Gjykatës së veçantë për krime lufte.
Por, sipas tyre, sa më shumë që vonon themelimi i kësaj gjykate, aq më i madh do të jetë dëmi për imazhin e Kosovës.

Kjo, sipas tyre, për faktin se, ndonëse nuk ka ende aktakuza të ngritura, Kosova do të konsumoj sulme mbi emrin e saj, të cilat shpeshherë nuk do të jenë të natyrës prokuroriale, por politike.

Bashkimi Demokratik ka reaguar edhe një herë ndaj e konkursit për drejtor të shkollave në Komunën e Prizrenit. Sipas BD-së konkursi është përcjellur me shkelje të dispozitave ligjore, është i njëanshëm, abuziv dhe thellësisht politik.

“Ramadan Muja dhe DKASH në Prizren, vazhdojnë të abuzojnë me institucionin e konkursit për drejtor të shkollave në Komunën e Prizrenit ngase: Konkursi i “rishpallur“ nga DKASH në Prizren i dates 26 maj 2014 , njejtë si konkursi i dates 14 mars 2014, është përcjellur me shkelje të dispozitave ligjore, është i njëanshëm, abuziv dhe thellësisht politik. Konkursi nuk ka patur për qëllim përzgjedhjen e kandidatëve më të përgatitur por kapjen e tërësishme të institucioneve arsimore në Komunën e Prizrenit. Janë eleminuar drejtorët e sukseshëm dhe janë zëvendësuar me militantë pariak (PDK–së)”, thuhet në komunikatën e BD-së.

“Shkeljet ligjore konsistojnë në: ndërrimin e komisionit koordinues dhe drejtues të konkursit (ka qenë dashtë të jetë komisioni i njejt ngase ky është konkursi i rishpallur – vazhdim i konkursit të dates 14 mars 2014 – nenin 2 pika 7 të UA. n3. 8 / 2014 ), komision i ri koordinues dhe drejtues është politik dhe nepotik ngase është drejtuar nga militantë partiak ( Sejmir Krasniqi PDK ), i cili gjithashtu ka lidhje të afërta familjare me Kryetarin e dënuar të Prizrenit Ramadan Muja, po ashtu përbërja e komisionit përbën konflikt interesi ngase dy anëtar të tij janë njëkosisht drejtor të shkollave ( shkolla e mesme “ Luciano Motroni dhe shkolla fillore në Skorobisht )”.

“Kryetari i Komunës, DKASH dhe Komisioni në fjalë, në shkelje të vrazhdueshme të dispozitave ligjore, duke abuzuar me mandatin e tyre politik dhe ekzekutiv, pa marrë parasysh Vendimin e SIA në Prizren ( vendimi nr. 157 datë : 16. 06. 2014 – me të cilët konstatohen shkeljet e procedurave ligjore ) me rastin e konkursit të dates 14 mars 2014, konkretsisht në shkollën fillore dhe të mesme të ulët “Mustafa Bakiu” në Prizren, kanë proceduar me rishpallje të konkursit, në vend se të zbatojnë vlerësimin e komisionit të konkursit të dates 14 mars 2014 që drejtori i shkollës në fjalë z. Skender Susuri të zgjedhet edhe për një mandate ngase është poentuar 87 pikë dhe pas poentimit nuk pranohet anulimi i konkursit ngase kemi një vlerësim – rezultat konkret mbi të cilin bëhet zgjedhja( në DKASH ekzistojnë: procesverbalet e komisionit të koordinimit dhe drejtimit të konkursit për vlerësimin dhe rangimin e kandidatit duke përfshir dhe Formulari E me rekomandimin përkatës për zgjedhjen e drejtorit – nenin 7 të UA të MASHT – it nr. 8 / 2014)”.

“Kryetari Ramadan Muja arbitrarisht, në kundërshtim me dispozitat e cekura ligjore nuk e ka pranuar këtë vlerësim dhe ka urdhëruar DKASH njëanshëm të rishpall konkurs”.

Sipas Bashkimit Demokratik fatkeqësia më e madhe në të gjitha këto shkelje ligjore të vazhdueshme që po ndodhin në komunën e Prizrenit ndaj të cilave nuk reagon as Prokuroria në Prizren e cila është futur në gjumin dimëror edhe për kundër asaj që është njoftuar me fakte për shkeljet që bënë klani mafioz i partisë në pushtet. /PrizrenPress.com/