Drejtuesit më të lartë të Komunës së Bingenit nga Gjermania janë duke e vizituar qytetin e Prizrenin. Ata sot janë prituar nga kryetari i Komunës , Ramadan Muja.

Kryetarët e dy komunave të binjakëzuar para disa kohësh kanë mbajtur edhe një konferencë për shtyp.

“ Në këtë takim miqtë tanë kanë shprehur interesimin e tyre për të dhënë kontributin e tyre në mbështetje të ngritjes së nivelit të arsimit në Prizren si dhe aftësimin profesional për mjek medicinal”, tregoi Muja, transmeton TVPZ.

Kryetari i Bingenit,Tomas Fezer,tha ndërkaq se së shpejti në njërën nga shkollat e Prizrenit do të dhurohen 30 kompjuterë.

“ Jemi duke menduar që të realizojmë edhe mundësinë e ardhjes në institucionet tona shëndetësore për aftësim profesional të teknikëve dhe infermierëve medicinal”.

”Jaët e ardshme, do të sjellim 30 kompjuterë për ndonjërën nga shkollat e këtushme për të ofruar mundësit të ngritjes së nivelit të arsimit,ndërsa po mundohemi që vitin në vijim të jetësojmë angazhimet tona që mundëson ardhjen e mjekëve tuaj në institucionet tona shëndetësore për aftësimin e tyre të mëtejmë profesional”.

“Ne kemi edhe mungesë të mjekëve(infermiereve) për të punuar në shtëpitë shëndetësore për përkujdesjen e pleqve,dhe në rast se përmbushin kërkesat e nevojshme,mjekët nga Prizreni mund t’i angazhojmë edhe në komunën tonë”.

“Sa për fillim do të mundësojmë ardhjen e 3-5 mjekëve nga Prizreni”,tha ai./PrizrenPress.com/

Kryesia e Kuvendit të Republikës së Kosovës, në mbledhjen e sotme të mbajtur, e ka përcaktuar koalicionin LDK-AKK-Nisma për Kosovën si grupin më të madh parlamentar.
Pas përfundimit të kësaj mbledhjeje, ish-kryeparlamentari i Kosovës, Jakup Krasniqi, ka deklaruar se kjo është në pajtim me Kushtetutën dhe se për këtë është pajtuar edhe Kryesia e Kuvendit.

Mirëpo, këtë vendim, Partia Demokratike e Kosovës po e sheh si të pamundshëm. Ndërkaq, sipas burimeve të Koha.net brenda partive politike, mësohet se këtë vendim PDK do ta dërgojë në Gjykatën Kushtetuese, pasi që, sipas tyre, vendimi bie ndesh me të gjitha Ligjet e Republikës së Kosovës. /Koha.net/

Përfaqësuesit e këtyre subjekteve politike janë pajtuar për një dokument, që flet për dialogun dhe privatizimin. Tash të njëjtin duhet ta shqyrtojnë edhe liderët e këtyre subjekteve, gjatë këtyre dy ditëve.
Përfaqësuesit e koalicionit LDK, AAK dhe NISMA sot janë pajtuar me përfaqësuesit e Lëvizjes Vetëvendosje, rreth një draftdokumenti, me anë të të cilit pothuajse janë pajtuar rreth pikave kritike që ndanin përfaqësuesit e VV’së me ata të koalicionit.

Gazeta Express ka mësuar se dokumentin në fjalë, ose sot ose nesër do ta kanë para tyre edhe liderët e këtyre subjekteve, në mënyrë që në seancën e parë të Kuvendit, këto subjekte politike të shkonin si partner të koalicionit të ardhshëm.

“VV është edhe një hap më afër që të jetë pjesë e Qeverisë së ardhshme”, thotë ky burim, duke shtuar se tash cdo gjë do të bëhet zyrtare gjatë këtyre dy ditëve.

Përfaqësuesit e partive që janë pajtuar me dokumentin, kanë qenë në grupe punuese në cilësi të ekspertëve të partive. Pikat kryesore ku është arritur pajtim kishin të bënin me dialogun me Serbinë dhe me procesin e privatizimit.

Në këto pika kanë qenë dallimet kryesore në mes të LDK, AAK, NISMA në njërën anë dhe VV në anën tjetër.

Gati marrëveshja bazë e koalicionit opozitar me VV-në

—Grupi punues i koalicionit opozitar dhe Vetëvendosjes ka kryer punën e tij, duke vënë në letër një “marrëveshje bazë”. Çështja tash kalon tek liderët e partive të koalicionit dhe mbetet në dorën e tyre nëse nesër do ta nënshkruajnë atë.

Grupi punues, i cili përbëhej nga Visar Ymerin dhe Ardiana (VV), Kujtim Shala dhe Abdullah Hoti (LDK), Ardian Gjini dhe Laura Kryeziu (AAK), Bilall Sherifi dhe Endrit Shala (Nisma), ka kryer punën e tij dhe ata kanë bërë gati një marrëveshje bazë, ndërsa tash çështja ka kaluar tek liderët e tyre.

Isa Mustafa, Ramush Haradinaj, Fatmir Limaj dhe Albin Kurti, siç është paraparë me afat të caktuar, do të vendosin nesër nëse do ta nënshkruajnë marrëveshjen për bashkëpunim, do ta kthejnë sërish për modifikim, apo do ta prishin krejt.

“Ata, grupi punues, nuk kanë më çka të bëjnë. Tash çështja kalon në dorën e liderëve. Ata vendosin nesër a do ta nënshkruajnë apo jo”, ka thënë një burim i Politiko.net.

Blloku opozitar bashkë me Vetëvendosjen, të enjten, kanë mbajtur një takim prej tri orësh, nga i cili kanë dalë me konstatimin se e diela është dita e fundit e qartësimit të pozicioneve të tyre, duke i vënë në letër qëndrimet në formë të një marrëveshjeje bazë.

Deri më tash, siç janë shprehur në opinion, blloku opozitar dhe Vetëvendosje nuk kanë folur me të njëjtën gguhë për dialogun, përfaqësimin e pakicës serbe në Qeveri, e as për kohëzgjatjen e mandatit qeverisës.

Nesër, do të mund të kuptohet kush ku ka lëshuar pe. /Politiko.net/

Kryetari i Këshillit Kombëtar të Nismës për Kosovën, Jakup Krasniqi, përmes faqes së tij në Facebook, ka njoftuar se në adresë të tij po vazhdojnë të vijnë kërcënime të ndryshme nga njerëzit e “yshtur” nga poltika e Hashim Thaçit, siç thotë ai.

Krasniqi në Facebook ka postuar një mesazh, të cilin i ka dërguar një person duke e kërcënuar dhe duke e fyer. Ai rastin e ka paraqitur në polici dhe kërkon nga ta që të vihen para drejtësisë këta persona.

“Edhe një herë e njoftoj opinionin publik, se njerëzit e yshtur nga politika e Hashim Thaçit po vazhdojnë me fyerje e sharje. Sot nga një Daut Durmishi nga Skënderaj e i cili siç thotë, punon në Gazetën Express ka vazhduar me sharje në faqën e FB.

Kjo është njëra nga shumë dëshmitë, se ky Grup mafioz nuk është duke u bërë merak për privilegjet që i jep pushteti ligjor, por janë duke i mbrojtur privilegjet e nëntokës me çdo kusht e pa zgjedhur mjete. Kërkoj nga organet e pa kapura të pushtetit që ti kryejnë detyrat e tyre sipas ligjit.

Te njajten gjë e kërkoj edhe nga EULEX-i”, (sic)ka shkruar Krasniqi në Facebook.

Gazeta Expres krahas publikimit të postimit të tekstit të Jakup Krasniqit, ia bën me dije atij që Daut Durmishi nuk punon në Express e as nuk ka punuar ndonjëherë më parë, si dhe e këshillon atë që të gjitha telashet që i ka me Daut Durmishin t’i zgjidhë në polici, para se t’i publikojë në Facebook.

Anëtari i Lëvizjes Vetëvendosje, Glauk Konjufca ka thënë se ky subjekt shpreson që deri nesër (e diel) t’i ofrohet marrëveshja në formë të shkruar nga koalicioni LDK,AAK dhe Nisma.

Madje sipas tij pa një marrëveshje të tillë ky koalilicion nuk i ka të sigurta votat e Vetëvendsojes e as për zgjedhjen kryetarit të Kuvendit.

“Mendojmë që kjo pozitë duhet jetë pjesë e pakos së marrëveshjes së përgjithshme që ne e kemi me këtë grupacion politik.

Nëse nuk arrihet marrëveshja me grupin parlamentar LDK,AAK, Nisma ne që tash iu themi atyre se nuk mund ta votojmë askënd, as për hatër e as për inatë të ndonjë individi, por votojmë për dhe kundër dhe pozicionimet tona i kemi varësisht se çka përfaqësojnë ata në mënyrë programatike, konceptuale, politike për shtetin e Kosovës, për negociatat me Serbinë, për privatizimin e Trepçës, PTK-së e kështu me radhë. Varësisht prej kësaj marrëveshje do të përcaktohet vota jonë për kryetarin e Kuvendit”, ka thënë Konjufca.