1.8 C
Prizren
E martë, 31 Janar, 2023

Tentoi të kalonte kufirin, i riu shqiptar mbytet në Igumenicë, familja: Të na kthejnë trupin

90571_3Familja e të riut Kristian Çullai, i cili u gjet i mbytur në Igumenicë në përpjekje për të kaluar ilegalisht kufirin për në Greqi, kërkojnë kthimin e turpit të djalit të tyre.

Halla e Kristianit, Monda Çuko u bën apel autoriteteve që të kthejnë në Fier trupin e djalit, i cili qëndron prej tre ditësh në morgun e Janinës. Zonja Çuko thotë se familjes i janë kërkuar 1000 euro për të rikthyer trupin e djalit, por ata nuk mund ta përballojnë këtë pagesë.

“U nis në Greqi për bukën e gojës. Kërkojmë kthimin e trupit në Pojan. Të bëhet ekspertiza mjeko-ligjore edhe në Fier. Na kërkuan 1000 euro për kthimin e trupit. Shteti të na ndihmojë, nuk kemi mundësi financiare.”- deklaron halla e djalit.

Kristian Çullai u nis përpara disa ditësh drejt Greqisë bashkë me 3 shokë të tij, të cilët gjithashtu nuk kanë komunikuar me familjet e tyre.

Familja Pelivani në Fier denoncoi një ditë më parë zhdukjen prej 10 ditësh të djalit të tyre 22-vjeçar. Eri Pelivani ishte nisur ilegalisht drejt Greqisë me shokun e tij Kristian Çullai dhe dy djem nga Durrësi. Familja Pelivani u bën apel autoriteteve që ta ndihmojnë për gjetjen e djalit.

“Na informuan se një nga shokët e tij Kristian Çullai, u mbyt. Eri ishte bashkë me Kristianin. Shteti të na ndihmojë të gjejmë djalin. Nuk kemi mundësi financiare për kërkimin e djalit. Që prej vitit 2003 është zhdukur edhe i ati i Erit”- u shpreh nëna e 22-vjeçarit.

GREQI, POLICIA: NË IGUMENICË U GJET VETËM NJË PERSON I MBYTUR

Policia greke ka bërë të ditur se në Igumenicë është gjetur vetëm një person i mbytur, për të cilin nuk ka dijeni nëse ishte i shoqëruar apo jo.

“Roja bregdetare ka gjetur në Igumenicë trupin pa jetë të një personi., i identifikuar si Kristian Cullhaj. Nuk kemi dijeni nëse ishte i shoqëruar.”- thuhet në deklaratën e policisë greke.

Më Shumë

Vetëvendosje: E ritheksojmë, jemi kundër themelimit te Asociacionit

Zyrtarë të lartë të Vetëvendosjes, Sekretari Organizativ, Alim Rama dhe ministri i Kulturës, Hajrulla Çeku kanë takurar drejtorin e FES që pritet sot të...

DOKUMENTI/ Si jepej leja për ushtrim prostitucioni gjatë Mbretërisë Shqiptare

Arkiva Shqip ka publikuar një dokument që tregon se si ushtrohej prostitucioni gjatë mbretërisë. Fillesat e prostitucionit në vend datojnë që në vitin 1910...

Lajmet e Fundit