Anëtari i Komisionit Qendror të Zgjedhjeve, Florian Dushi ka thënëse do të ishte mirë të mos dështonte procesi i formimit të institucioneve të reja, sepse ka alternativa të mjaftueshme që burojnë nga rezultati i zgjedhjeve të 8 qershorit.

Ai ka thënë se do të ishte e papërballueshme për Kosovën dhe qytetarët e saj mbajtja e tri palë zgjedhjeve brenda disa muajve.

Dushi e ka vlerësuar të mirë dhe demokratik procesin e zgjedhjeve të 8 qershorit, duke thënë se nuk ka pasur vonesa në asnjë segment të organizimit dhe të përmbylljes së procesit zgjedhor./Epoka e re/.

Kurrkush nuk e di me saktësi se ku ndodhet materiali voluminoz që tregon diskutimet në punën përgatitore të hartimit të Kushtetutës së Kosovës. Në Kuvend nuk ndodhet, e në Qeveri nuk dinë me saktësi nëse e kanë diku.
Kur interpreton nene të Kushtetutës, Gjykatës Kushtetuese i hyn në punë ky dokumentacion, që njihet me termin francez “travaux preparatoires”.

Aty përfshihen transkriptet, propozimet e hartuara nga grupet punuese, drafti i Kushtetutës si tërësi, draftet e kapitujve veç e veç, materialet nga udhëtimet jashtë vendit, materialet nga seminaret e punëtoritë, të gjitha transkriptet, e të tjera materiale, shkruan Koha Ditore.

Ky dokumentacion konsiderohet shpesh i dobishëm në sqarimin e qëllimeve të një norme. Kjo për shkakun se ka dy lloje klasike të interpretimeve të një dispozite – interpretimi literal (në germë) dhe interpretimi integral (në frymë). Dhe, për arsye të sanksionimit të parimeve dhe për shkak të kondensimit frazeologjik, kushtetuta, ndryshe nga aktet nënligjore, interpretohet në frymë. Metodika e interpretimit në frymë si burim parësor faktesh ka pikërisht “travaux preparatoires

Nëse vendi shkon në zgjedhje të jashtëzakonshme, kjo, sipas zyrtarëve të LDK-së, do të bënte që zgjedhjet e brendshme të LDK-së të shtyhen në afat të pacaktuar.

Ndryshe ata shpresojnë se nuk do të shkojnë në zgjedhje të jashtëzakonshme. Ndërsa është paralajmëruar se ka zëra të pakënaqur brenda LDK-së, të cilët pritet të “shpërthejnë”, në kohën e zgjedhjeve të këtij subjekti.

Agim Veliu, anëtar i Kryesisë së LDK-së, është shprehur se nuk beson se do të përsëriten zgjedhjet nacionale, për teke të disa individëve. Në këtë mënyrë LDK-ja do të mund t’i kryente zgjedhjet në kohën e caktuar që është fundi i muajit nëntor…tribuna/

Sekretari i Përgjithshëm i PDK-së, Bsari Musmurati, u është kundërpërgjigjur pretendimeve të LDK-së, AAK-së dhe NISMËS, se po i bëjnë presion presidentes Atifete Jahjaga për madatim të dyfishtë të PDK-së për formimin e qeverisë së re.

Musmurati ka thënë për “Epoken e re” se partia më e madhe në vend nuk i bën presion asnjë institucioni dhe se deklarimet e këtyre partive janë të pavërteta dhe nuk përmbajnë asnjë bazë.

Nëse Qeveria e re e Kosovës do të themelohet nga koalicioni i krijuar AAK, LDK dhe NISMA dhe kryeministër do të bëhet Ramush Haradinaj, shansin për t’u bërë deputet do ta ketë edhe një kandidat i AAK-së, i cili nuk ka marrë votat e mjaftuara në zgjedhjet e 8 qershorit.

Është ky ish-kryetari i Komunës së Suharekës, Blerim Kuçi, i cili do të mund të zinte karrige në Kuvendin e Kosovës, nëse partia e tij arrin ta formojë qeverinë.

Sipas votave të fituara, që gjithsej janë 5,015, ai është i renditur menjëherë pas Melihate Tërmkollit, e cila renditet e 11 në listë – aq edhe sa është numri i deputetëve të AAK-së në zgjedhjet e fundit.

Ndërkohë, kushdo që e formon kabinetin qeveritar, pritet që të ketë ndryshime në deputetë, për shkak të posteve ministrore që mund të ndahen./indeksonline/