Lajmi për ndarjen e Bleonës nga Ganiu ka qenë padyshim kryefjala e kësaj jave. Këngëtarja që prej vitesh jeton në Amerikë ka qenë e pranishme në mediat shqiptare duke folur për herë të parë rreth marrëdhënies të përfunduar tanimë me ish të dashurin e saj.
Edhe pse çifti është ndarë, Bleona flet ende për dashurinë që ndjen për Ganiun. Madje këngëtarja e mirënjohur ka shprehur dëshirën për të pasur një fëmijë në të ardhmen me ish të dashurin e saj. Deri më tani, Ganiu ka preferuar të qëndrojë i tërhequr nga të gjitha këto lajme apo deklarata që Bleona ka bërë.
Megjithatë ai ka nisur jetën e tij duke e lënë pas këtë histori. Në profilin e tij në ‘Facebook’, të cilin siç rrëfeu për “Summer Pages” Bleona ia ka hapur vetë, Ganiu ka postuar fotot më të fundit, nga ku duket se po e shijon jetën e tij prej beqari. Në njërën prej këtyre fotove, ai shfaqet në shoqërinë e një femre.
Përqafimi mes Ganiut dhe vajzës misterioze, të bën të mendosh se përveç makinave sportive, që shihen në foto, Ganiu po shijon edhe shoqërinë e bukuroshes, duke lënë pas kështu shijen e hidhur që ndarja me Bleonën i ka lënë.