Eksperti i shëndetësisë në LDK, Haxhi Avdyli është i gatshëm të marrë timonin e Degës së LDK-së në Prizren.Ai thotë se asnjëherë nuk i ka ikur përgjegjësisë që deri më tash ia ka dhënë LDK-ja.”Nuk i iki përgjegjësisë së LDK-së”, thotë Avdyli për “PrizrenPress”.

Javën e kaluar Eqrem Kryeziu ka dhënë dorëheqje nga posti i kryetarit të Degës së LDK-së në Prizren. Ai dorëheqjen ia ka ofruar liderit të LDK-së, Isa Mustafa, pas humbjes që pësoi në zgjedhjet lokale për kryetar të Prizrenit dhe garës për deputet të Parlamentit të Kosovës. Kryeziu ishte akuzuar një pjesë e Kryesisë dhe disa nëndegë të LDK-së për mungesë unifikimi dhe humbjen e zgjedhjeve.

Haxhi Avdyli thotë ndërkaq se nëse zgjedhet kryetar i Degës së LDK-së në Prizren, do të jetë një kryetar unifikues.

“Personalisht nuk kam pasur pretendime për t’u bërë kryetar i Degës së LDK-së në Prizren, mirëpo ekziston një kërkesë e gjërë e aktivistëve të kësaj partie që të marrë këtë përgjegjësi. Nëse aktivistët pajtohen që unë të jem kryetar unifikues, atëherë me përgjegjësi të plotë ju them se do të jem unifikues”.

Avdyli, ka vlerësuar lartë dorëheqjen e Kryeziut.

“Vlerësoj lart aktin e përgjegjshmërisë qytetare të një lideri dinjitoz, sic është prof. Eqrem Kryeziu. Ky akt duhet vlerësuar nga të gjithë, edhe nga ata që nuk janë pajtuar ndonjëherë me të”.

“ Ky njeri, sidoqoftë mbetet një figurë emblematike e respektuar për kontributin e tij në ngritjen dhe mbajtjen e shtëpisë sonë të përbashkët, LDK-së. Edhe ky akt është një kontribut në të mirë të LDK-së dhe shpresojmë që kjo s’do jetë fjala e tij e fundit”

“ Sot, LDK ne Prizren ka nevojë më shumë se kurrë për unifikim, mobilizim, dialog mes nesh, punë dhe kontribut pozitiv të secilit aktivist për një ndryshim që do shkon në të mirë të LDK-së, të qytetit dhe Kosovës”./PrizrenPress.com/

Partia Demokratike e Kosovës ka lëshuar një deklaratë përmes të cilës kanë thënë se dy pozitat më të larta shtetërore- Kryeministri dhe Kryeparlamentari – u takojnë atyre.
Partia e Hashim Thaçit, të cilët po e bojkotojnë të gjitha partitë tjera, po insiston ta merr sidomos pozitën e Kryetarit të Kuvendit.

“ Vendimi i Gjykatës Kushtetuese të Kosovës si dhe praktikat e deri tanishme, Partisë Demokratike të Kosovës i takon e drejta e pakontestueshme për të caktuar kandidatin/kandidaten për Kryetar të Kuvendit të Republikës së Kosovës dhe të një Nënkryetari të Kuvendit të Kosovës”, thuhet në njoftimin e PDK’së.

Lexojeni të plotë deklaratën e Partisë Demokratike të Kosovës

Kryesia e Partisë Demokratike të Kosovës, në mbledhjen e mbajtur sot, vlerëson se vendimi i Gjykatës Kushtetuese të Kosovës ka sqaruar në aspektin kushtetues të drejtën e saj si fituese e zgjedhjeve parlamentare që të formojë Qeverinë e Kosovës. Gjithashtu, nisur nga Kushtetuta e Kosovës, Rregullorja e Punës së Kuvendit të Republikës së Kosovës. Vendimi i Gjykatës Kushtetuese të Kosovës si dhe praktikat e deri tanishme, Partisë Demokratike të Kosovës i takon e drejta e pakontestueshme për të caktuar kandidatin/kandidaten për Kryetar të Kuvendit të Republikës së Kosovës dhe të një Nënkryetari të Kuvendit të Kosovës.

Duke marrë parasysh faktin që zgjedhjet e mbajtura ishin një sukses i qytetarëve dhe popullit të Kosovës, PDK fton të gjitha partitë politike për konstruktivitet, bashkëpunim dhe unitet në ndërtimin e të gjitha institucioneve shtetërore të përcaktuara me Kushtetutë.

Partia Demokratike e Kosovës, rikonfirmon qëndrimin e saj, se nuk do të bëjë kompromis me asnjë forcë politike me verdiktin e popullit të shprehur në Zgjedhjet e 8 Qershorit që si parti fituese me mandatarin Hashim Thaçi të udhëheq Qeverinë e Republikës së Kosovës në mandatin e ardhshëm, në pajtim me Kushtetutën e Republikës së Kosovës.

PDK, pret me padurim përmbylljen e procesit të ndërtimit të institucioneve të reja, fillimin e jetësimit të Misionit të Ri: zhvillimin ekonomik, krijimin e Fondit të Punësimit, krijimin e 200.000 vendeve të reja të punës dhe vazhdimin e rritjes së mirëqenies për qytetarët e vendit.

Shpresa Bakija, Kryeprokurore e Prokurorisë Themelore të Gjakovës, e cila është ngarkuar për zbardhjen e vrasjes së kandidatit rahovecian për deputet të PDK-së, Elvis Pista, thotë se deri më tash ka intervistuar më shumë se 13 dëshmitarë.

Sipas saj, hetimet janë në rrugë të mirë për identifikimin e vrasësit, që në mesnatën mes 14 dhe 15 qershorit rreth orës 00:45 në oborrin e restorantit “Jaha”, në Rahovec vrau Pistën, që ka qenë edhe një nga menaxherët kryesor të PTK-së dhe biznesmen i njohur në rajonin e tij.

“Ka veprime hetimore që kërkojnë kohë dhe të cilat nuk mund të publikohen menjëherë. Kemi shpresë së nga provat e mbledhura deri më tani, jemi në rrugë të sigurt që të identifikojmë kryesin e veprës penale”, tha Bakija.

Ajo thotë se organet e hetuesisë janë duke punuar intensivisht për zbardhjen e këtij rasti dhe se pas bastisjeve që janë bërë në një shtëpi dhe në shtëpinë e të ndjerit e banesën ku ai ka banuar me qira ka prova dhe indicie që qojnë drejt zbardhjes.

Kryeprokurorja Bakija ndër të tjera tha se është duke u bërë edhe ekzaminimi i gëzhojave te cilat janë gjetur ne vendin e ngjarjes nga te cilat dyshohet se gjeti vdekjen i ndjeri Pista.

Arma që është përdorur në këtë rast ende nuk është gjetur.

“Unë besoj që do ta zbardhim”, tha Kryeprokurorja në fund. /kallxo.com/

Tre persona të maskuar kanë grabitur pompën e karburanteve “Al Petrol” në Malishevë. Zëdhënësi i Policisë së Kosovës në Prizren, Hazir Berisha tha se grabitja ka ndodhur rreth orës 01:15 minuta pas mesnatës.
“Mbrëmë rreth orës 01:15 min, Policia në Malishevë ka pranuar një informacion, i cili bënte me dije se në rrugën “Imer Krasniqi” kishte ndodhur një grabitje në pompën e karburanteve “Al Petrol”’, tha Berisha.

Sipas dëshmitarëve tre meshkuj të armatosur dhe të maskuar kanë hyrë në objektin e karburanteve dhe nga punëtorët kanë grabitur një shumë parash.

Më pas të dyshuarit kanë ikur nëpër pyllin e afërt. “Njësitet policore menjëherë janë vënë në ndjekje të autorëve. Janë marrë edhe video incizimet nga kamerat e sigurisë të cilat mund të ndihmojnë në zbulimin e autorëve”/PrizrenPress.com/

Jakup Krasniqi mendon se Kosovës i duhet ndryshim, por është i bindur që atë mund t’ia sjellë vetëm koalicioni i formuar pas zgjedhjeve, e jo PDK e cila ka qeverisur deri më tani.

Sipas kryetarit të Këshillit Kombëtar të Nisma për Kosovën, Jakup Krasniqi, PDK-ja është e interesuar që të komunikojnë me Fatmir Limajn, por sipas tij, ua kanë bërë të qartë që synojnë të ndryshojnë qeverisjen në vend.

Ai ka vlerësuar se Nisma ka arritur qëllimin kryesor.

“Nuk ka asnjë lloj ngërçi politik, por ngërçi mund të jetë vetëm në kokat e njerëzve”, ka thënë Krasniqi.

Ai ka bërë të ditur se nuk do të jetë pjesë e ekzekutivit, por vetëm pjesë e Kuvendit.

Kur flet për vendimin e Gjykatës Kushtetuese, thotë se ajo veproi para se të ndodhin veprime, dhe vlerëson se ka krijuar konfuzitet.

Kryetari i deritanishëm i Kuvendit, thotë se Vetëvendosje kanë një qasje më negative sa i përket bisedimeve me Serbinë.

Kur flet për koalicionin, Krasniqi thotë se gjithmonë Nisma ka qenë të bindur se qeverisja e Kosovës duhet të ndryshojë, dhe sipas tij, natyrisht koalicioni që u formua pas zgjedhjeve, i tëri pra kishte një synim, ndryshimin e qeverisjes së Kosovës.

“Prandaj, ndoshta është edhe një përgjegjësi e vet subjektit politik që nga zgjedhjet ka dal numerikisht më e madhja, sepse nuk ka ditur të krijoj komunikim me subjektet tjera politike për një mirëqeverisje në Kosovë. Kosova ka nevojë për një mirëqeverisje dhe subjekti që ka dal e para nuk garanton një mirëqeverisje. Në rend të parë qeverisja varet nga vullneti politik i subjekteve që marrin pjesë në qeverisje. Dhe, unë mendoj që të gjitha subjektet politike kanë treguar gatishmëri për të bërë ndryshime”, thotë ai.

E ofertën nga ana e PDK-së, thotë të mos e kenë pranuar një të tillë.

“Nuk kemi pranuar të kemi ofertë, ju e dini. Sigurisht se ata janë të interesuar të komunikojnë me drejtuesin e Nismës, por neve jemi të interesuar që ta ndryshojmë qeverisjen në Kosovë”, thotë Krasniqi.

Krijimi i koalicionit me LDK-në dhe AAK-në thotë se nuk u krijua për inate të PDK-së dhe Hashim Thaçit, por sipas tij, ishte nevoja që të ndërrohet qeverisja në vend.

Ai flet edhe për kushtet e Vetëvendosjes, në mënyrë që të marrin mbështetjen e tyre për formimin e Qeverisë së re, edhe pse thotë se edhe tani e kanë mbështetjen e tyre.

Për të, Vetëvendosje kanë një qasje më negative sa i përket bisedimeve me Serbinë.

Thotë se dallime kanë në qasje të problemeve, dhe këtë nuk e sheh problem të madh, ngase sipas tij, në bisedime do të tejkalohen.

“Kryesorja është dialogu me Serbinë, natyrisht ata e kanë një qasje paksa si të them më negative. Ne kemi qasje më pozitive, po dialogut, por çfarë dialogu dhe cila do të jetë përmbajtja e dialogut dhe unë mendoj që edhe ky dallim do të tejkalohet gjatë bisedimeve që do të rrjedhin ditëve të ardhshme. Nuk është çështja se kush po lëshon pe më shumë e kush më pak, çështja është që institucionet e Kosovës duhet ta dinë ndryshimin kryesor të tyre dhe ai është për të sjell një qeverisje të mirë dhe në interes të qytetarëve të Kosovës”, pohon ai.

E për vendimin e Gjykatës, thotë se ajo veproi para se të ndodhin veprime, dhe vlerëson se ka krijuar konfuzitet, duke u dhënë mundësi subjekteve të ndryshme që ta interpretojnë vendimin si të dëshirojnë, derisa sipas tij, Kushtetuta e thotë qartë, Qeverinë e formon ai që arrin të bënë numrat në Kuvend.

“Pas luftës, në të gjitha legjislaturat asnjë subjekt politik në Kosovë nuk ka qeverisur pa bërë koalicion dhe për neve është shumë e qartë, ai subjekt politik që i bënë numrat në Kuvend e merr të drejtën për të pasur mandatar”, thotë Krasniqi.

Kur flet për postin e kryetarit të Kuvendit, thotë se nenin 84 e sqaron se grupi më i madh parlamentar e propozon kryetarin e Kuvendit, kurse neni 20 i rregullores e tregon mënyrën se si formohen grupet parlamentare, pra grupet parlamentare formohen sipas subjekteve politike që kanë dal në zgjedhje, por grupet parlament are formohen edhe mbi bazën e programeve që i bashkon, do të thotë deputetët kanë të drejt t’i bashkohen një programi.

I pyetur pse u vendos që Ramush Haradinaj të kandidohet për kryeministër, Krasniqi thotë se subjektet paraprakisht kanë diskutuar për këto çështje dhe është gjetur rruga më e mirë dhe e përshtatshme për ta formuar koalicionin.

Krasniqi nuk jep detaje rreth bisedimeve, ngase thotë se nuk ka qenë ai pjesë e atyre bisedimeve, por ka qenë Fatmir Limaj. /KP/

?Një 12 vjeçar ka humbur jetën për shkak të kontaktit me korrentin elektrik. Sipas dëshmitarëve thuhet se viktima posa e kishte prekur dorëzën e derës së banjës ishte goditur për vdekje.

Rasti ka ndodhur mbrëmë rreth orës 21:25 minuta, në rrugën “XhelalHajda” në Rahavec, konkretisht në objektin e një furre.

Një njësit i KEDS ka qenë në vendin e ngjarjes dhe pritet një raport për t’i sqaruar rrethanat e ngjarjes tragjike. Hetues policorë dhe krim teknika kanë kryer procedurat hetimore dhe është informuar prokurori për veprimet e ndërmarra./PrizrenPress.com