Media të afërta me PDK’në kanë filluar të spekulojnë rreth mundësisë që vendi të shkojë prapë në zgjedhje, pas që opozita nuk do ta arrijë ta formojë Qeverinë, kurse ftuesi i zgjedhjeve, Koalicioni i Hashim Thaçit, s’ka më kë ta krijojë Qeverinë.

Në ditën e konstituimit të Kuvendit, sipas rregullores së Kuvendit, grupet parlamentare duhet të shprehin vullnetin e shprehur në zgjedhje.

Ndërsa, shkrirjet e disa grupeve në një grup të vetëm, mund të bëhen vetëm pas seancës konstituive, përkatësisht pas zgjedhjes së organeve të Kuvendit.

Neni 8 i rregullores së punës, që parasheh përgatitjen e mbledhjes konstituive nga Kryetari i legjislaturës së mëparshme, pika 2, thotë: “Kryetari dhe Kryesia, jo më pak se pesë ditë para mbajtjes së mbledhjes konstituive të legjislaturës së Kuvendit thërrasin mbledhje të përbashkët me kryetarët e partive, që kanë fituar vende në Kuvend, për ta përgatitur propozimin e rendit të ditës për mbledhjen konstituive, për t’i caktuar vendet e deputetëve, përkatësisht të forcave politike në sallë, sipas fuqisë politike që kanë, sipas numrit të deputetëve të secilës forcë politike”.

Ndërsa, pika 3, thotë: “Nëse dy apo më shumë grupe parlamentare kanë numër të njëjtë të deputetëve, atëherë renditja e tyre bëhet me short”.

Me vet faktin që kryetari i mëparshëm i Kuvendit i thërret kryetarët e partive që kanë fituar vota, reflekton se këto parti konsiderohen bartëse të grupeve parlamentare.

Kjo konfirmohet edhe te pika 3 e këtij neni, ku i referohet me nocionin “grup parlamentar”.

Kjo do të thotë, se në ditën e konstituimit, nocioni “grup parlamentar” reflekton vetëm vullnetin e shprehur në zgjedhje dhe të gjitha partitë apo koalicionet e certifikuara, duhet të ulen sipas forcës politike, ashtu siç e kanë rezultatin nga zgjedhjet.

Në këtë kontekst, nocioni “grupi më i madh parlamentar”, i përmendur te neni 12 (Zgjedhja e Kryetarit dhe nënkryetarëve të Kuvendit), i referohet grupit më të madh në ditën e konstituimit.

Gjithashtu, pika 1 e nenit 12 e saktëson se seanca konstituive nuk mund të konsiderohet e mbyllur pa zgjedhjen e Kryetarit dhe Kryesisë së Kuvendit.

Ndërkaq, lëvizjet e deputetëve, përfshirë edhe shuarjen e grupeve parlamentare dhe bashkimin e dy apo më shumë grupeve janë të rregulluara me nenin 20, por të gjitha këto lëvizje mund të bëhen vetëm pas konstituimit të Kuvendit dhe organeve të tij.

Se si do të ecën procesi deri në konstituimin e Kuvendit dhe organeve të tij është shumë vështirë të parashihet, por i gjithë sistemi juridik dhe politik i Kosovës është i bazuar në parimin se duhet respektuar vullnetin politik të shprehur në ditën e zgjedhjeve.

E kjo mund të dëshmohet edhe me faktin, se në rast të votimit të ndonjë mocioni të votëbesimit ndaj Qeverisë, presidenti i Kosovës nuk kërkon që dikush tjetër të provojë të formojë qeverinë, por i shpallë zgjedhjet e reja./express/

Policia në Prizren, ka arrestuar një femër,e cila ka detyruar shoqen e vetë të bëjë seks me pare.

“Është arrestuar e dyshuara femër K/Shqiptare pasi që e njëjta nën përdorimin e forcës e ka detyruar viktimën femër K/Boshnjake e moshës së mitur, të kryej marrëdhënie seksuale me persona të ndryshëm në këmbim të parave”,njofton Policia e Kosovës.

Me urdhër të prokurorit e dyshuara është dërguar në mbajtje./PrizrenPress.com/

Policia e Kosovës ende nuk ka të dyshuar e as të arrestuar lidhur me vrasjen që ka ndodhur një ditë më parë në Rahovec, ku ka mbetur i vrarë kandidati për deputet në Kuvendin e Kosovës nga radhët e PDK-së, Elvis Pista.

Autoritet e rendit njoftojnë se lidhur me këtë vrasje është formuar një ekip i veçantë për të kryer hetimet.

Zëdhënësi i Policisë së Kosovës, Brahim Sadriu, tha për Radion Evropa e Lirë se hetimet janë ende duke vazhduar.

“Rasti është duke u hetuar nga Drejtori për Hetimin e Krimeve të rënda në nivel të drejtorisë së përgjithshme. Është një ekip i cili është duke marrë me analizimin e çdo informacioni lidhur me këtë rast. Përveç dëshmive që janë marrë në vendin e ngjarjes dhe dëshmitë tjera, ne kemi ofruar edhe një shpërblim për të gjithë atë qytetarë që kanë informacione që mund të çojnë deri te zbardhja e këtij rasti; çdo informacion që kemi është duke u analizuar”, tha Sadriu.

Sadriu tha e nga hetimet e deri tanishme janë disa drejtime të cila po analizohen me shumë kujdes në mënyrë që, siç u shpreh ai, mund të çojnë në drejtimin e duhur për zbardhjen e rastit.

“Ka pista të cilat jemi duke i analizuar me kujdes, çdo detaj dhe vlera e informatës duhet të analizohet me qëllim që të dihet se sa ka vlerë në zbardhjen e hetimeve. Kështu që krejt çka mundemi të themi momentalisht është kjo që është duke u punuar edhe presim rezultate nga pistat e hetimeve që ne e i kemi”, tha Sadriu.

Rastin e vrasjes në Rahovec janë duke e hetuar edhe prokurorët nga Komuna e Gjakovës.

Kryeprokurorja Shpresa Bakija tha për Radion Evropa e Lirë se prokurori i rastit, por edhe vetë prokuroria, janë duke u angazhuar dhe kanë ndërmarrë të gjitha masat për të pasur mundësi që të bije në gjurmët e vrasësit.

“Jemi duke punuar në të gjitha drejtimet, por konkretisht nuk mund të them se edhe atë që bëjmë deri në momentin e zbardhjes nuk mund t’i publikojmë veprimet tona në mënyrë që të mos i dëmtojmë hetimet. (Sa u takon dëshmitareve) janë në proces të intervistimit nga njësiti i hetimeve”.

“Po merren në pyetje dëshmitarët që kanë qenë atë natë me të ndjerin edhe pronari i lokalit apo edhe persona të tjerë që kanë qenë në atë moment. Deri në sa ka arritur numri i dëshmitarëve nuk mund ta them”, tha Bakija për të shtuar se ende nuk ka persona të dyshuar për vrasjen.

Elvis Pista ishte kandidati për deputet në Kuvendin e Kosovës nga radhët e PDK-së.

Sipas informacioneve të policisë, i ndjeri Pista u vra në oborrin e një restorantit në të cilin kishte qenë së bashku me bashkëshorten dhe disa persona të tjerë.

Policia tha se ai dyshohet të jetë qëlluar nga mbrapa me armë zjarri në një distancë rreth pesë metra largësi.

Në bazë të gëzhojave të cilat janë gjetur në vendin e ngjarjes, besohet se arma ishte e kalibrit të vogël dhe mund të ketë pasur “shurdhues” të zhurmës.

Vrasjen e kanë dënuar udhëheqësit më të lartë të vendit dhe përfaqësuesit e partive politike në Kosovë. Ata kanë kërkuar nga organet e ndjekjes kapjen e autorëve të vrasjes dhe sjelljen e tyre para drejtësisë.

Pas publikimit në medie të një liste me rezultate të kandidatëve të LDK-së, kjo parti thekson se, sipas të dhënave nga përfaqësuesi i LDK-së në Komisionin Qendror të Zgjedhjeve, lista e publikuar përfshin një rezultat të pjesshëm.

“Sipas të dhënave që ka LDK-ja, ende janë të panumëruara 458 kuti, të cilat ndodhen në auditim, si dhe votat me postë dhe ato me kusht.

Lidhja Demokratike e Kosovës pret dhe e konsideron valid vetëm rezultatin që do ta japë KQZ-ja pas numërimit të të gjitha votave në secilën kuti”, thekson LDK.

Komuna e Malishevës, përmes aktiviteteve të ndryshme, sot po shënon 16 Qershorin- Ditën e Çlirimit dhe Ditën e Dëshmorëve. Fillimisht, është mbajtur një seancë solemne e Kuvendit të Komunës së Malishevës, ndërsa më pas janë bërë nderime pranë shtatores së Komandantit Legjendar Adem Jashari, për të vazhduar me nderime dhe homazhe në varrezat e Brigadës 122 në Malishevë dhe të Brigadës 121 në Kleçkë dhe më pas janë bërë nderime dhe homazhe në Prekaz.

Aktiviteti qendror, është mbajtur në Shtëpinë e Kulturës “Tahir Sinani” në Malishevë, ku është mbajtur një akademi solemne, si dhe janë dhënë çmimet tradicionale. Sipas vendimit të KK të Malishevës, çmimin “Imer Krasniqi”për trimëri dhe heroizëm, Ju nda veteranëve të luftës Selman Hoti dhe Habib Zogaj, të propozuar nga shoqata e veteranëve të UÇK-së në Malishevë, pastaj çmimi “Hamdi Berisha” për kontributin e dhënë në arsim, ju nda i Qerim Krasniqit-post mortum dhe profesorit Qemajl Morina . Ndërsa çmimi i tretë “Shpëtim Robaj” e që jepet për kontribut në shëndetësi, ju nda Sanije Desku dhe Milazim Kryeziu.

Aktivitetet e ditës së sotme, do të përfundojnë me një koncert në sheshin kryesor të Malishevës, e ku pritet për marrin pjesë artist të shumtë nga estrada jonë.

Në vazhdim fjalimi i kryetarit të Komunës së Malishevës, Ragip Begaj, mbajtur në Akademinë Solemne me rastin e shënimit të 16 Qershorit, Ditës së Çlirimit dhe Ditës së Dëshmorëve të Malishevës.

Të nderuar të pranishëm.

E kthejmë kujtesën pesëmbëdhjetë vite pas nga momenti që po e përjetojmë sot, kujtojmë që atëbotë Kosova në përgjithësi e Malisheva në veçanti ishte në luftë.

Këtu ishte pushtuesi serb që me gjithë aparaturën shtetërore po bënte terror dhe gjenocid të paparë, duke djegur e shkatërruar, duke vrarë e masakruar njerëz të moshave dhe gjinive të ndryshme pa dallim, burrat po ndaheshin nga gratë, nënave po ju merrnin fëmijët nga duart, populli po depërtohej dhunshëm, Kosova po zbrazej, e tëra ishte në flake. Ky ishte realiteti i ndodhur atë kohë, nuk është teori, nuk është tregim i sajuar, por realitet të cilin e kanë përjetuar nënat, etërit, motrat, vëllezërit e fëmijët tanë.
Në këto momente shumë të vështira, populli jonë vuajtjen e kishte shndërruar në forcë, dhimbjen kishte vendosur ta kthente në krenari, duke ju rezistuar denjësisht të gjitha mundimeve.

Shpresa dhe mbështetja e popullit ishte e përqendruar tek Ushtria Çlirimtare e Kosovës.
Kushtrimi i Komandantit Legjendar, Adem Jashari, jehona e luftës për liri, bëri që djem dhe vajza ti përgjigjeshin këtij kushtrimi dhe i ngjeshën radhët e Ushtrisë Çlirimtare të Kosovës.

Të nderuar të pranishëm, nuk ka e as nuk mund të ketë moment më historik dhe më fisnik se sa momenti kur është veshur uniforma e UÇK-së, dhe kur është ngjeshur arma në krah e për tu drejtuar në frontin e luftës.

Guximi i shfaqur, heroizmi i treguar i pjesëtarëve të Ushtrisë Çlirimtare të Kosovës, është vepër unikate dhe në saje të këtij guximi, heroizmi dhe gatishmërisë për flijim, sot jemi këtu duke e shënuar Ditën e Çlirimit dhe të Dëshmorëve të Komunës së Malishevës.
Ju, familjarë të dëshmorëve, krenohuni me bijtë dhe bijat tuaja që i rritët, i shkolluat dhe i përgatitët që ata ti dalin zot atdheut.
Ju, veteran dhe invalid të Ushtrisë Çlirimtare të Kosovës, të jeni krenarë gjatë gjithë jetës, për faktin se e keni kryer misionin e juaj duke dhënë gjithçka nga vetja e juaj, duke i dhënë edhe gjymtyrët e trupit, vetëm e vetëm që ky popull të shijoj lirinë, që ky vend të frymoj lirshëm pas okupimit shekullor.

Sot, ne bartësit e funksioneve në institucionet publike, frymojmë, punojmë dhe angazhohemi drejtë sendërtimit të idealit të dëshmorëve.

Sot, kur po e shënojmë këtë ditë festive, jemi krenar për të arriturat, dhe marrim obligim dhe zotohemi për përgjegjësi në punë dhe të ecim me hapa të sigurt drejt të ardhmes prosperuese për brezat e tashëm dhe të ardhshëm. Urime për këtë ditë të shënuar, urime për të gjitha të arriturat dhe gjithë të mirat, njëkohësisht faleminderit që ishit prezent sot këtu me ne.

LDK-AAK-Nisma do të ketë vetëm një grup parlamentar në Kuvendin e ardhshëm të Republikës së Kosovës, thonë burime të Gazetës Express.
Kështu është vendosur në takimin që u mbajt pak caste më parë në selinë e LDK’së ndërmjet Isa Mustafës, Ramush Haradinajt dhe Fatmir Limajt.

Nis takimi Mustafa-Haradinaj-Limaj, sot ndahen ministritë

Burime të Gazetës Express thonë se pak çaste më parë ka nisur një takim mes Isa Mustafës, Ramush Haradinajt dhe Fatmir Limajt

Takimi është duke u zhvilluar në selinë qendrore të LDK’së.

“Në këtë takim, partnerët po i ndajnë ministritë dhe resorët e tjerë qeveritarë. Në takimet e mëhershme janë marrë vesh pak a shumë për numrin e ministrive, kurse sot pritet të definohen plotësisht këto çështje”, ka thënë për Express një burim i afërt me tre liderët e opozitës.

Ish deputeti i Lidhjes Demokratike të Kosovës ka ngushëlluar familjen e të ndjerit Elvis Pista i cili u vra mesnatën e së dielës derisa po dilte nga një lokal në vendin e tij të lindjes në Rahovec.

Por përveç ngushëllimit, Deshishku ka gjet vend edhe ta mallkojë atë që ia mori jetën Elvisit, kandidatit për deputet të PDK-së.

Në një postim në faqen e tij të Facebolk, biznesmeni Deshishku ka mallkuar ashër dorasin e krimit të kryer të dielën kah mëngjesi në Rahovec.

“Ngushëllime familjes Pista. Elvisit i qoftë dheu i lehtë. E dorasit, ishalla ja kthen zoti në thmi të tina”, ka shkruar Deshishku në Facebook.

Qendra e numërimit dhe e rezultateve është duke e përgatitur raportin e auditimit për disa vendvotime në të cilat kanë pasur kandidatët më shumë vota se partia dhe anasjelltas, ku partia ka më shumë vota se kandidatët e saj apo partia nuk ka fare vota. Koordinatori i QNR-së, Burim Ahmetaj tha për Radio Kosovën se ende nuk dihet numri i saktë i vendvotimeve që duhet të rinumërohen.

Edhe një numër i vendvotimeve pritet të shkojnë në rinumërim pasi Qendra e numërimit dhe rezultateve ka gjetur se ka një shpërputhje të numrit të votave mes subjektit dhe kandidatëve. Burim Ahmetaj shpjegon arsyen pse një numër i vendvotimeve nuk mund të procedohen si të rregullta, duke mos saktësuar se sa është numri i tyre.

“Për numrin e saktë të vendvotimeve se sa mund të shkojnë në rinumërim nuk mund ta them në këtë fazë sepse jemi në përgatitje të raportit të auditimit ku një numër i vendvotimeve nuk kanë mundur të procedohen si të rregullta për shkak të mos përputhjes brenda formularëve të rezultateve. Kjo nënkupton që numri i vendvotimeve për subjekte politike që kanë mospërputhje brenda formularëve të rezultateve është dukshëm më i vogël në krahasim me atë që është për kandidat që është shumë më i madh numri i vendvotimeve për kandidat, ku ka raste të caktuara ku kandidati ka më shumë vota se sa subjekti, ose kandidatët kanë më shumë vota se sa subjekti. Ose rasti tjetër është kur subjekti i ka votat e kandidatët nuk kanë, ose subjekti nuk ka vota e kandidatët kanë. Mirëpo kemi edhe disa raste tjera kur mungojnë edhe fletët e formularëve të rezultateve”, tha ai.

Ahmetaj tha se pritet që raporti për hetim të kompletohet sot dhe t’i dërgohet KQZ.

“Do të bëhen përpjekje që raporti të kompletohet sot në mënyrë që të dërgohet sot ose më së largu nesër në KQZ në mënyrë që të procedohet tutje sipas vendimit të KQZ, sigurisht që raporti do të shkojë me rekomandime edhe nga QNR”, tha ai.

QNR po ashtu ka pranuar votat me postë të cilat duhet t’i nënshtrohen të njëjtave procedurave sikurse procedimi i votave me kusht dhe votave me nevoja të veçanta dhe të bëhet numërimi i tyre, i cili pritet të fillojë nesër.