(E plotësuar) Kryeministri i Kosovës ka thënë para pjesëtarëve të Forcës Sigurisë së Kosovës se shumë shpejt kjo forcë do të ndryshojë misionin e saj, e cila do të ketë për detyrë mbrojtjen e integritetit dhe sovranitetit të Kosovës. Ndërkohë, Ministri i FSK-së, Agim Çeku tha se po realizohet ëndrra e çdo qytetari për ta pasur ushtrinë e vet.

Në gjashtë vjetorin e pavarësisë, kreu i qeverisë, Hashim Thaçi paralajmëroj se FSK-ja do të shndërrohet në Forca të Armatosura të Kosovës. Ndërsa, sot para pjesëtarëve të FSK-së në Kazermën “Adem Jashari” Thaçi tha se Themelimi i Ministrisë së Mbrojtjes dhe krijimi i Forcave të Armatosura të Kosovës, janë segmente përmbyllëse të institucioneve që rrumbullakësojnë shtetësinë e Kosovës.

Kreu i ekzekutivit tha se FSK-ja mund të krenohet me shumë arritje të realizuara brenda mandatit të saj të tanishëm, por se tash është koha për ata duhet të marrin përgjegjësi të plota për sigurinë e shtetit të Kosovës.

“Forcat e Armatosura të Kosovës do t’i kenë kapacitetet e mbrojtjes dhe do ta kenë një mandat të ri, madhësinë dhe strukturën e re. Forcat e Armatosura të Kosovës do të zhvillohen ashtu që të janë atë gatshme dhe të afta ta mbrojnë sovranitetin dhe integritetin territorial të Republikës së Kosovës. Forcat e Armatosura të Kosovës do t’i mbrojnë interesat e Kosovës, qytetarëve të saj dhe pronën e tyre. Forcat e Armatosura të Kosovës do të kontribuojnë për ndërtimin dhe ruajtjen e stabilitetit rajonal dhe atij global”, tha Thaçi.

Ai shtoi se shpallja e Kosovës shtet i pavarur dhe sovran gjashtë vite më parë krijoi kushte që TMK-ja të hyjë në një fazë të re, dhe në janar të vitit 2009 FSK-ja u themeluar si forcë profesionale e armatosur lehtë, e uniformuar dhe me përbërje multietnike.

Ai tha se zhvillimi, strukturimi dhe organizimi i FSK-së që prej fillimit është bazuar në praktika me të mira të shteteve të demokracisë së zhvilluar.

“Ju keni kaluar nëpër disa faza të rëndësishme, gjithnjë duke ruajtur kontinuitetin, qëllimin dhe arritjet strategjike në shërbim të qytetarëve të Kosovës dhe mbrojtjes së vendit tonë. Keni dhënë kontribut të vlerësuar dhe pranuar botërisht në kuadër të Trupave Mbrojtëse të Kosovës duke bashkëpunuar me ekspertët e shteteve mike të Kosovës, me ekspertë të NATO-së dhe të KFOR-it”, tha kryeministri Thaçi.

Ndërsa, në anën tjetër ministri i FSK-së Agim Çeku tha se Kryeministri, me 17 shkurt në gjashtë vjetorin e pavarësisë, e dha një lajm të mirë për Kosovën, për rajonin dhe për NATO-në.

“E dha një lajm të shumë pritur, të mirëpritur, një lajm me të cilin përfundimisht po përmbushën pritjet e qytetarëve të Kosovës, pritjet e ushtarëve të Kosovës, po përmbushet e drejta legjitime e Kosovës për të pasur ushtrinë e vet, po përmbushet e drejta ligjore, që të rishikohet FSK-ja dhe Kosova t’i identifikoj nevojat e veta për siguri, por do të thosha se kryeministri po e përmbush edhe një premtim edhe një zotim që e ka dhënë jo vetëm për mandatin qeverisës, por që e ka dhënë në vitin 1999, atëherë kur e kemi demilitarizuar dhe transformuar UÇK-në, atëherë ka thënë se Kosova do ta ketë ushtrinë e vet”, tha Çeku.

Më pas kryeministri bashkë me ministrin kanë vizituar edhe ambientet e kazermës, si dhe kanë ngrënë mëngjes bashkë me pjesëtarët e FSK-së.

26 emra i janë dërguar Kuvendit të Kosovës, si kandidatë për Avokatin e Popullit. Aty figurojnë edhe emra të njohur deri më tani për opinion në vend.

Në mesin e tyre është Adrijana Hoxhiq, kandidatja e pavarur për Mitrovicën e Veriut në zgjedhjet e fundit lokale në Kosovë. Pastaj Flamur Keqa, ish anëtarë i Bordit të KEK-ut dhe ish-anëtarë i Bordit të Trustit.

Pastaj është Basri Berisha, zëvendës i Avokatit të Popullit. Është Fadil Geci, dikur deputet i LDK-së. Hilmi Jashari, dikur Avokat i Popullit. Gjyljeta Mushkolaj, gjyqtare në Gjykatën Kushtetuese. Bajram Ajeti, ish kryetarë i Këshillit të Pavarur Mbikëqyrës për Shërbimin Civil të Kosovës.

Drita Rexhepi, koordinatore e ndihmës juridike në Agjencinë për Ndihmë Juridike dhe bashkëthemeluese e Shoqatës së Juristëve NORMA. Halit Muharremi, Ish-drejtori i Sekretariatit të Këshillit Gjyqësor dhe ish-minsitër në Qeverinë Bukoshi.

Arsim Agani, drejtor i Departamentit të Administratës në këtë Institucion ku ka konkurruar por në një kohë edhe pse ishte suspenduar ai nuk e kishte respektuar atë vendim. Veton Vula, dikur drejtor i departamentit të hetimeve në insiotucionin e Avokatit të Popullit.

Lulzim Tafa, pronar i universitetit privat AAB.

Këta janë të gjithë kandiidatët për këtë pozitë: Sheqir Kutllovci, Musa Dragusha, Njazi Morina, Basri Berisha, Murlan Prizreni, Ibrahim Arsllan, Fadil Geci, Zef Prenrecaj, Shqipe Ibraj-Mala, Flamur Keqa, Shemsi Reçica, Hilmi Jashari, Gjyljeta Mushkolaj, Ljubinko Todoroviq, Bajram Ajeti, Drita Rexhepi, Ferid Selimi, Bekim Dugolli, Halit Muharremi, Arsim Agani, Muharrem Mustafa, Bogoljub Staletoviq, Veton Vula, Adriana Hoxhiq, Lulzim Tafa dhe Mevlide Berisha

Kryetari i Kuvendit të Kosovës, Jakup Krasniqi, beson në perspektivën e subjektit politik të ri të themeluar nga ai dhe Fatmir Limaj, pavarësisht që Limaj mund të mungojë në terren si pasojë e ballafaqimit me drejtësinë.

Krasniqi, në një prononcim për Kohen Ditore, të enjten, ka thënë se subjekti i ri nuk do ta lidhë veten me asnjë emër të përveçëm.

“Ne do të themelojmë një subjekt politik që nuk lidhet me individë të veçantë, por që lidhet me programin politik dhe ekonomik, të cilët i duhen vendit. Secili individ e ka rolin e tij.

Ne nuk mund të paragjykojmë si do të ndikojë, por ne do të bëjmë thirrje dhe do të dëshirojmë që njerëzit të bashkohen rreth programit dhe jo rreth individëve, ngase se si përfundojnë subjektet politike që lidhen me cilindo personalitet ne e kemi parë gjatë këtyre viteve”, ka thënë Krasniqi.

Krasniqi e ka pohuar që më 28 shkurt do të zyrtarizohet partia e re.

“Ajo është datë që do të prezantohet, do t’i kemi organet nismëtare dhe të përkohshme, të cilat pastaj marrin përgjegjësi për t’i bërë organet e qëndrueshme dhe të përhershme”, ka thënë Krasniqi.

Në moshën 71 vjeçare pas një sëmundje të rëndë vdiq veteran i luftës së UÇK-së dhe veprimtar i hershëm i çështjes shqiptare Muharrem Dina – Mixha.

Varrimi i të ndjerit bëhet të shtunën me 22 shkurt në orën 14:00 në varrezat e dëshmorëve në Landovicë. Po të shtunën nga ora 10 deri në orën 12 në Shtëpinë e Kuklturës “Xhemajli Berisha“ në Prizren do të bëhen homazhe, kurse në orën 12;00 do të mbahet mbledhja komomorative.

Njohësi i çështjeve të sigurisë, njëherësh deputeti i Kuvendit të Kosovës, Behar Selimi, ka thënë se për një forcë ushtarake më i rëndësishëm se emri janë kapacitetet dhe aftësitë e saj operuese.

Ai ka thënë se Forcat e Armatosura të Kosovës duhet të kenë misionin e njëjtë siç e kanë forcat e armatosura të shteteve anëtare të NATO-s- mbrojtjen e integritetit territorial.

Selimi ka deklaruar se Kosovës nuk i duhet një forcë e armatosur rënd, por një forcë fleksibile, e cila do të ishte e aftë t’u përgjigjet sulmeve të çastit.

Ai ka vlerësuar se krahas forcës së armatosur, Kosovës i duhet edhe një system i mbrojtjes civile. /Epoka e re/

Prokurori gjerman i EULEX’it, Johannes Pickert, e ka cilësuar këtë si grup kriminal me udhëheqës Fatmir Limajn. Limaj akuzohet se më 2008 themeloi këtë grup me pjesëmarrje edhe të vëllezërve Demir e Florim Limaj. Vepra dyshohet se janë kryer me nënshkrimin e kontratave me dy firma, “Eskavatori” dhe “Burimi”. Njëra kontratë ishte për mirëmbajtjen e rrugëve e tjetra për ndërtim.

Një hetim për shpërthimin në lokalin Sekiraqa në Dardani ka çuar hetuesit në zyrën e Fatmir Limajt në Ministrinë e Transportit.

Përgjimet telefonike i kishte kryer policia e UNMIK’ut qysh në vitin 2008 kundër Ali Aliut, një i dyshuar për përfshirjen në këtë shpërthim, që kishte lënë dy të vdekur e 11 të plagosur. Asokohe Aliu ishte zbuluar se po komunikonte me truprojën e Fatmir Limajt, Shpëtim Telaku për tenderë që jepte kjo Ministri.

Koha Ditore ka siguruar aktakuzën e dytë për korrupsion kundër Fatmir Limajt. Ai akuzohet se bashku me Shefin e Prokurimit, Nexhat Krasniqin dhe Shpëtim Telakun për krim të organizuar, përvetësim gjatë ushtrimit të detyrës, lidhje të kontratës së dëmshme, keqpërdorim të detyrës zyrtare, marrje ryshfeti.

Ali Aliu dhe Beqir Deda, përfaqësues kompanish akuzohen për keqpërdorim të autorizimeve në ekonomi dhe dhënie ryshfeti.

Njëra prej firmave fituese “Burimi” gjatë kohës sa Limaj ishte në Hagë pretendohet se kishte mbledhur 12 mijë euro për pagesën e avokatëve të tij.

Prokurori gjerman i EULEX’it, Johannes Pickert, e ka cilësuar këtë si grup kriminal me udhëheqës Fatmir Limajn.

Limaj akuzohet se më 2008 themeloi këtë grup me pjesëmarrje edhe të vëllezërve Demir e Florim Limaj.

Vepra dyshohet se janë kryer me nënshkrimin e kontratave me dy firma, “Eskavatori” dhe “Burimi”. Njëra kontratë ishte për mirëmbajtjen e rrugëve e tjetra për ndërtim.

Prokurori ka hetuar 50 tenderë rrugësh. Pretendon se ka gjetur prova për dy prej tyre në rajonin e Ferizajt. Dyshimet i ka materializuar me përgjime telefonike kryesisht në mes të Ali Aliut dhe Shpëtim Telakut. Herë me kode e herë haput, shihet se ata flisnin për tenderë. Përmende edhe Limaj, i cili i takonte përfaqësuesit e kompanive tenderuese. Një takim i tillë e kishte pasur në një restorant. Aty kishte shkruar detaje të tenderit në një faturë. Fatura ishte gjetur më vonë në shtëpinë e Limajt gjatë bastisjes.

Prokurori pretendon se Fatmir Limaj dhe Nexhat Krasniqi kanë keqpërdorur detyrën zyrtare duke negociuar, premtuar dhe duke vendosur dhënien e tenderëve për mirëmbajtje/ndërtim të rrugëve mbi bazë të favorizimit politik dhe përfitimit material.

“Tenderët u premtuan dhe u dhanë duke anashkaluar dhe manipuluarrregullat e tenderimit, që ndalon favorizimine një kompanie mbi tjetër fazë të prokurimit publik”, shkruan në aktakuzë.

“Shpëtim Telaku e ndihmoi Fatmir Limajn e Nexhat Krasniqin për t’i manipuluar procedurat e tenderit duke kryer aranzhime për marrëveshje private, duke negociuar, duke bartur dokumente të tenderit, duke kërkuar para dhe duke bartur komunikimin privat, përfshirë premtimet për dhënie të tenderit ndërmjet përfaqësuesit të kompanisë Ali Aliu dhe Fatmir Limajt para dhe gjatë procesit të tenderimit”, shkruan Prokurori.

Valdete Daka, mund të duket tolerante gjatë punës në Komisionin Qendror të Zgjedhjeve, por ndryshe, është duke e treguar në një detyrë që ia ka dhënë Kuvendi i Kosovës. Ajo është bërë sebep që Organi Shqyrtues i Prokurimit apo siç njihet ndryshe edhe si “gjykata e tenderëve”, të vazhdojë të paktën edhe për një kohë të mbetet pa anëtarë të bordit drejtues.

Ky organ, në fakt është pa bord që nga 1 gushti i vitit të kaluar. Daka, e përzgjedhur si kryetare e Komisionit përzgjedhës për kryesuesin dhe anëtarët e bordit të OSHP-së, ka vendosur të mos e shqyrtojë listën e anëtarëve të propozuar nga Qeveria, për aq kohë sa për një pozitë të ketë vetëm një pretendent.

Me këtë përgjigje emrat i janë proceduar edhe Kryesisë së Kuvendit, derisa ky organ në mbledhjen e fundit të mërkurën nuk ka qenë në gjendje t’i procedojë emrat për votim pa vlerësim paraprak të panelit me gjyqtarë. Sekretari i Kuvendit të Kosovës, Ismet Krasniqi, ka bërë të ditur se shkresa e dërguar nga Valdete Daka i është kthyer sërish asaj…

Kosova mund të përjetojë zgjedhje edhe para qershorit të këtij viti. Mundësia e këtij skenari është konfirmuar për gazetën Tribuna nga zyrtarë vendës dhe evropianë. Përbërja aktuale e Kuvendit të Kosovës e ka të pamundur që të vendosë pro krijimit të Tribunalit Evropian që do të gjykojë hetimet për akuzat e raportit të Dick Martyt.

Nëse shtetet anëtare të BE-së, të cilat këtë javë kanë pasur diskutime të shumta në Bruksel, pajtohen që Kosovës t`i kërkohet që deri në fillim të qershorit të marrë vendim për krijimin e Tribunalit, në mënyrë që ai të jetë i gatshëm në pjesën e parë të qershorit, atëherë ekziston mundësia që Parlamenti aktual me marrëveshje të partive politike të shpërbëhet brenda muajit mars, për t`i hapur rrugë mbajtjes së zgjedhjeve në fund të prillit.

“Nëse kemi presion, atëherë ky skenar është i mundshëm”, i ka thënë gazetës Tribuna në kushte anonimiteti, një zyrtarë i lartë kosovar. Ditë më parë, gazeta ka raportuar se as diplomatët evropianë nuk janë entuziastë që vendimi për krijimin e Tribunalit të kalohet nga legjislatura aktuale për shkak të vështirësive që do të kishin partitë për të marrë një vendim jopopullor pikërisht në prag të zgjedhjeve./tribuna/