Në kuadër të projektit të monitorimit të transparencës së ekzekutivit komunal të Prizrenit, EC Ma Ndryshe, gjatë muajve maj-qershor ka hulumtuar çështjen e punimeve infrastrukturore të ndërmarra nga komuna e Prizrenit në zonën e parë të rajonit të burimit të Lumëbardhit, që është pjesë e Parkut Kombëtar “Sharri”.
Lexojeni të plotë reagimin e Ec Ma Ndryshe:

Në kuadër të projektit të monitorimit të transparencës së ekzekutivit komunal të Prizrenit, EC Ma Ndryshe, gjatë muajve maj-qershor ka hulumtuar çështjen e punimeve infrastrukturore të ndërmarra nga komuna e Prizrenit në zonën e parë të rajonit të burimit të Lumëbardhit, që është pjesë e Parkut Kombëtar “Sharri”.

Në bazë të informatave që monitoruesit kanë siguruar nga njohësit e kësaj fushe del se Komuna e Prizrenit i ka nisur punimet në mënyrë të jashtëligjshme në zonën e Parkut Kombëtar “Sharri”, sepse pa u pajisur me lejet e pëlqimet paraprake të institucioneve kompetente ka filluar projektin për marrjen e ujit nga rajoni i burimit të Lumëbardhit, në zonën e Prevallës të PK Sharri.

Konkretisht, sipas ekspertëve, kryerja e punimeve ka nisur të bëhet pa pëlqim mjedisor, pa leje ujore nga MMPH-ja dhe pa Vlerësim të Ndikimit në Mjedis.

Ata kanë vlerësuar se në këtë rast Komuna e Prizrenit ka bërë shkelje të ligjeve që kanë të bëjnë me Parkun Kombëtar Sharri, atë të Natyrës, Mjedisit, Planifikimit Hapësinor, etj.

Në saje të vrojtimeve të ambientalistëve rezulton se punimet për marrjen e burimit të ujit në zonën e parë të mbrojtjes – Rajoni i burimeve kryesore të Lumëbardhit – në territorin e Parkut Kombëtar Sharri me destinim për fshatin Gornje Sello kanë nisur në fundjavën e 17-18 maj 2014.

EC Ma Ndryshe më 28 maj 2014 ka bërë kërkesë për qasje në dokumentet publike të komunës së Prizrenit lidhur me punimet në ndërtimin e ujësjellësit për fshatin Gornje Sello.

Në përgjigjen e marrë më 18 qershor 2014 nga Drejtoria e Shërbimeve Publike thuhet se ky dikaster me 28 maj 2014 ka bërë kërkesë në Drejtorinë e Parkut Kombëtar Sharri për pajisje me pëlqim të resurseve ujore, në lokacionin e quajtur Llaka.

DSHP në këtë përgjigje ka sqaruar se ndërtimi i ujësjellësit është pjesë e një projekti që ka të bëj me ndërtimin e rrugëve për fshatrat Mushnikovë, Reçanë dhe Gornje Sello. “Prandaj si përfundim mund të themi se lënda është në procedim e sipër”, thuhet në përgjigjen e DSHP-së.

EC Ma Ndryshe ka kërkuar sqarime edhe nga MMPH-ja dhe përkundër pritjes një mujore ende nuk ka marrë asnjë përgjigje nga zyrtarët e kësaj ministrie, të cilët kanë shkelur dispozitat e Ligjit për Qasje në Dokumente Publike.

Duke i marrë parasysh të gjitha informatat aktuale, EC Ma Ndryshe rekomandon Komunën e Prizrenit që:

– Të ndalë të gjitha punimet derisa të pajiset me pëlqimet dhe lejet e nevojshme;
– Të ndalojë praktikën e fillimit të punimeve pa u pajisur me leje, pëlqime dhe vlerësime përkatëse të institucioneve përgjegjëse;
– Gjatë hartimit të projekteve investuese të koordinohet me të gjitha institucionet relevante të fushës ku intervenohet, në mënyrë që investimet publike të sjellin vlerë të shtuar dhe jo dëmtim apo rrezikim të burimeve dhe trashëgimisë natyrore;
– Lidhur me çështjet infrastrukturore dhe mjedisore të ketë transparencë më të madhe.

Gjithashtu, EC Ma Ndryshe rekomandon MMPH-në që të jetë më energjike në inspektimin e investimeve publike në Parkun Kombëtar “Sharri”, me qëllim të parandalimit të shkeljeve ligjore dhe dëmtimit të natyrës.

Projekti i EC Ma Ndryshe për monitorimin e transparencës së ekzekutivit do të vazhdojë të publikojë të gjeturat e monitorimit përmes komunikatave të rregullta dhe përmes ueb-faqes së projektit, ku të gjeturat postohen drejtpërdrejtë nga monitoruesit. Tanimë të gjitha të gjeturat e monitorimit, përfshi komunikatat e rregullta dhe shumë informacione të tjera në lidhje me qeverinë lokale të Prizrenit, të Mamushës dhe të Prishtinës publikohen në baza të rregullta në ueb-faqen e projektit, www.online-transparency.org.

Nuk është hera e parë që Gjykata Kushtetuese e Kosovës, në vend të interpretimit të Kushtetutës ashtu siç shkruhet në të, ajo sjell konfuzion në interpretimin e saj dhe rishkruan atë që nuk e thotë Kushtetuta e Kosovës.

Kështu shkruan në profilin e tij në Facebook kryeparlamentari në largim i Republikës së Kosovës, Jakup Krasniqi, njëherësh njëri nga themeluesit e Nismës për Kosovën, e cila nën drejtimin e tij dhe të kryetarit Fatmir Limaj, arriti të kalojë pragun zgjedhor në zgjedhjet parlamentare të 8 qershorit.

“Ketë konfuzion në interpretimin e Kushtetutës, përkatësisht të neneve 84 e 93 e sjellin shumica e anëtarëve te Gjykatës Kushtetuese, ndërsa njeri nga ata, Robert Karollain (anëtar ndërkombëtar i Gjykatës Kushtetuese) me pak fjalë, neneve përkatëse ua jep interpretimin e duhur”, shkruan Krasniqi.

Në vazhdim mund ta lexoni postimin e plotë të Krasniqit në Facebook:

NJË VENDIM QË SJELL KONFUZION NË INTERPRETIM PËR NJË VEPRIM TË PA NDODHUR

Nuk është hera e parë që Gjykata Kushtetuese e Kosovës, në vend të interpretimit të Kushtetutës ashtu siç shkruhet në të, ajo sjell konfuzion në interpretimin e saj dhe rishkruan atë që nuk e thotë Kushtetuta e Kosovës.

Ketë konfuzion në interpretimin e Kushtetutës, përkatësisht të neneve 84 e 93 e sjellin shumica e anëtarëve te Gjykatës Kushtetuese, ndërsa njeri nga ata, Robert Karollain (anëtar ndërkombëtar i Gjykatës Kushtetuese) me pak fjalë, neneve përkatëse ua jep interpretimin e duhur.

Në shumë vendimet apo aktgjykimet e saja, Gjykata Kushtetuese e Kosovës i ka tejkaluar kompetencat e saja në interpretimin e Kushtetutës, madje ajo është bërë pushteti suprem i të tri pushteteve të shtetit. Ndërhyrjet më flagrante të kësaj Gjykate ka qenë: Aktgjykimi për interpretimin në rastin e imunitetit të deputetëve të Kuvendit të Kosovës, pastaj në interpretimin e disa aktgjykimeve të Gjykatës Supreme dhe konfuzioni i fundit, e sidomos shpjegimin që jep ajo në lidhje me koalicionet pas zgjedhore.

Në asnjë legjislaturë në Kosovën e pas luftës çlirimtare, që nga ajo e vitit 2001/2002 e këndej, asnjë qeveri nuk është bërë pa koalicion qeverisës. Madje, praktika e demokracive parlamentare njeh shumë raste kur partia më e madhe e dalë nga zgjedhjet nuk ka qenë pjesë e koalicioneve pas zgjedhore. Pra as në ketë rast Kosova nuk është rast i veçantë. Sigurisht që praktikat e tilla nuk janë të pa njohura për Gjykatën tonë Kushtetuese.

Madje këtu mund të shtrohet pyetja: A ka pasur veprim paraprak për të lëvizur Gjykata Kushtetuese e Kosovës? Ku është cenuar Kushtetuta në rastin në fjalë? Çfarë shkelje është bërë dhe nga kush? Nëse është bërë shkelja e Kushtetutës, cili veprim i cilit organ apo institucion e ka bërë atë shkelje?
Nëse do të ishte bërë veprimi? Kush do të duhej ti drejtohej GJK? A do të duhej ta bënte Presidentja në ketë fazë të zhvillimeve politike. Presidentja ka pasur mundësi që ta bëjë një pyetje interne dhe përgjigjja do të duhej të ishte e tillë. Po gjithsesi jo kështu si është vepruar nga super institucioni i Kosovës!?

Kandidati i Partisë së Re Rome,Kujtim Paçaku, në zgjedhjet e 8 qershorit nuk ka marrë më shumë se 280 vota. Pavarësisht këtij numri  të vogël të votave, ai ka arrit të zgjedhet deputet në Parlamentin e Kosovës.

“Kam mundur të siguroj më shumë vota, por nuk kemi pasur mjete të mjaftueshme për të bërë fushatë”, thotë Paçaku.

Partisë së Re Rome është themeluar katër muaj para zgjedhjeve të 8 qershorit.

Paçaku,thotë se në bazë të Kushtetutës së Kosovës, votat e fituara në zgjedhjet e 8 qershorit mjaftojnë për t’u bërë deputet në Parlamentin e Kosovës.

“Ky rezultat është tejet i favorshëm pasi që paraqet një shpresë për të ardhmen e komunitetit rom”./PrizrenPress.com/

Anëtari i kryesisë së LDK-së, Agim Veliu, që njëherësh është pjesë e bisedimeve të liderit Isa Mustafa me liderët tjerë politik për arritjen e marrëveshjes, në një deklaratë për gazetën “Botapress”, konfirmon se ende nuk dihet se cilat ministri do t’i takojnë LDK-së.
“Nuk dihet ende cila ministri do t’i marrim. Por ne e kemi marrëveshjen sipas së cilës do të bëhet ndarja e ministrive edhe në bazë të fuqisë elektorale, por edhe në bazë të programit, por ne synojmë t’i kemi disa prej ministrive kryesore”, tha Veliu.

Ai përgënjeshtron shkrimet në media sipas të cilave LDK-ja tashmë ka caktuar emrat e disa ministrave, duke thënë se asnjë emër i asnjë kandidati nuk është në tavolinën e LDK-së.

Sipas tij kur të vije koha te përzgjedhja e emrave, ata do të diskutohen në Kryesinë Qendrore, e pastaj “bekimin” do ta marrin edhe nga Këshilli i Përgjithshëm i LDK-së.

“Krejt janë spekulime të mediave. Kryesia e LDK-së ende nuk ka diskutuar për emra. Ende nuk është biseduar as për ministri. Nuk dihet ende se kush me çfarë ministri do të udhëheq. Krejt ato që janë shkruar janë spekulime, dhe në fund të krejt këtij procesi duhet të vendos Këshilli i përgjithshëm. LDK pasi t’i diskutoj emrat në Kryesi, ka vendosur që ta thërras KP-në dhe aty të merret vendimi”, ka deklaruar Veliu. /botapress/

Lëvizja “Vetëvendosje” pritet të organizoj një referendum të brendshëm nëse duhet të hyjë në Qeveri me partitë e bllokut opozitar, LDK, AAK dhe NISMA.

Përmes këtij referendumi ku të drejtë vote kanë 15 mijë anëtarët e kësaj lëvizjeje, do të dihet vullneti i anëtarësisë për t’u përfshirë në ekzekutiv ose jo, nëse fillimisht Hashim Thaçi dështon t’i sigurojë 61 vota në Kuvend.

Këshilltari politik për media i Presidentes së Kosovës, Arbër Vllahiu e ka vlerësuar se Gjykata Kushtetuese e ka marrë një vendim të mirë dhe për një kohë të shkurt.

“Gjykata ne mënyrë profesionale dhe shumë të shpejt ka bërë vlerësimin e përputhshmërisë së dy neneve të Kushtetutës së Kosovës. Kjo është bërë në një mënyrë jashtëzakonisht të mirë”, tha Vllahiu në Televizionin publik të Kosovës.

Vllahiu mendon se Kushtetuesja “me vlerësimin e saj ka bërë edhe një hap të rëndësishëm, për arsye se i jep presidentes jo vetëm rol ceremonial por hap përmbajtësorë”. Ai më tej tregoi se po presin certifikimin e rezultateve nga KQZ, dhe pas këtij procesi, pritet të konstituohet Kuvendi.

“Ka disa hapa. E para është që pas kësaj pritet që KQZ të konstituoj rezultatet. Pastaj është krijimi ose konstituimi i Kuvendit të Kosovës. Po ecim hap pas hapi. Presidentja do të veproj mbi bazën e ligjit e Kushtetutës. Para se t’i shtjerrim të gjitha çështjet, ne nuk do të ecim tutje”, tha Vllahiu.